Matiye 6:20 - Mbede Lə Luba Kone Gə Sigi

²⁰ be ɓa may kar-si ꞌɓərəje nekingaje lə-si umje dara, lo gə sɔlɔlɔ ose ɓɔgəɓar a tuji ne kəne ang, ngaɓa nje ɓogoje kara d-a kasə cɛdə ta kəyje kəne ang nəm tɔ.

Testament ke Siki 1960 (Kabba Laka)

²⁰ A mbòidjé né kinga mbata losè ndja ke dara, loou ke ndirbòrou aséh mbòrkasè toudjou ang, ke ndjè boukoudjé ao kendé ta boukou ang.

Matiye 6:20 ပူးပေါင်းရင်းမြစ်များ

Matiye 19:21

Jeju pa ar-ɛ na: To gə ɓo ꞌi njigi mba to dəw gə may pɛdə nama, aw odo neje lə-i tɔ̰y ꞌɗabə n-ndogo ɓo iya̰ lar-ɛ aw ar njendooje, ɗaa a kinga nebaw mə dara gə, ɓo ꞌɗe uwa go-m.

Matiye 6:19

ꞌƁərəje nekingaje lə-si umje dɔ nangə nee ang, na to lo gə sɔlɔlɔje gə ɔgəɓar d-aw tuji neje kəne nəm ɓa nje ɓogoje kara d-aw cɛdə ta kəyje d-aw ɓogo nəm tɔ,

Marəke 10:21

Jeju o-e be ɗaa rɔ-ɛ ləl-e dɔ-ɛ gə; cibi təl pa ar-ɛ na: Nay ne kara; aw odo neje lə-i tɔ̰y ꞌɗabə n-ndogo ɓo ḭya̰ lar-ɛ aw ar njendooje, ɗaa a kinga nebaw mə dara gə, ɓo ꞌɗe uwa go-m.

Lugu 12:33

ꞌƊabəje nekingaje lə-si, ɔrəje ne kəne ꞌkayje njendooje. ꞌSangəje gɛmɛ̰ kum lar gə a tuji ang, iyaje nekingaje lə-si rɔ Luba gə dara, lo gə nje ɓogo a ce kəne ang nəm, ngaɓa sɔlɔlɔ kara unda ne kəne ang nəm tɔ.

Lugu 18:22

Go tar lə-a gə Jeju o ɗaa, təl pa ar-ɛ na: Ne kara nay ɓi; aw odo neje lə-i tɔ̰y ꞌɗabə n-ndogo ɓo ḭya̰ lar-ɛ aw ꞌkay njendooje, ɗaa a kinga nebaw mə dara gə, ɓo ꞌɗe uwa go-m.

1 Timoce 6:17

ꞌNdəji bawje gə dɔ ndɔ gə ɓogəne mba kar d-unda kar-je ang, ngaɓa mba kar d-unda mə-je to dɔ nekinga gə a nday gə ang, ngaa d-unda mə-je dɔ Luba gə. ꞌNe gə to nje kar-si ne gə j-aw ndoo-e gə kobəre mba kar j-a ɗa ne rɔləl.

1 Timoce 6:19

Be ɓa, d-a mbo̰ ne nekinga gə lo gə may gə bara mba kinga ne təbə gə tɔgərɔ.

Ebərəje 10:34

Mba oje kəmtondoo lə nje gə to kəy kula gə, ngaɓa d-uwa si nemayje lə-si ꞌta kara to si ang nəm, mba ꞌgərəje to gə ingaje nemayje gə to ɓəəl gə a to gə ɓal-ɓal nam.

Ebərəje 11:26

Moyiji o rɔ kul gə d-a kila dɔ Kirisi gə le to nekinga gə to ɓəəl unda nekingaje gə Ejipətə, mba n-unda m-e dɔ kuga gə lə Luba.

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

1 Piyɛr 1:4

gə dɔ nenduba gə a ndusu ang nəm, a mina ang nəm, gə a to kəm-kəm, ne gə d-uwa dɔ gɔl-ɛ ꞌngina-si mə dara gə,

1 Piyɛr 5:4

be ɓa logə njekuul badəmje gə to dəw dɔ rɔ-ɛ le, a ɗe nama a kingaje dɔ gugu rɔnduba gə a tuji ang.

Apocalypse 2:9

M-gərə ne ur ti lə-i gə ndoo lə-i, ngaa ꞌto njenekinga, ɗaa tar paje gə kṵra̰y lə nje gə ꞌɗa rɔ-je gə Jiibije ngaa ꞌto Jiibije ang baa, ꞌto kəy nendo lə ꞌSu.