Matiye 6:13 - Mbede Lə Luba Kone Gə Sigi

¹³ ꞌTa-si ji Njekṵra̰y gə, ɓo iya̰ si ar j-oso dan nekərə gə ang. Mba ꞌi ja ɓa ɓeko̰, gə singamongə gə rɔnduba, To kar-i gə ɓal-ɓal, saar gə no. Oyo!

Testament ke Siki 1960 (Kabba Laka)

¹³ Aredjè ta kao loou kere té ang, A òroudjè dji ndjè kembaa té, Mbata béh ko, ke singa, ke ndokoo, to loi ke ndò ke ndò, Amen.

Matiye 6:13 ပူးပေါင်းရင်းမြစ်များ

Matiye 26:41

ꞌCibije dɔ rɔ-si gə ang ɓo ꞌdəjije Luba mba kar-si osoje dan nena gə ang. Kəji lə-si a njigi to njang ja ngaa darɔ mbɔr-ɛ gə mbɔr-ɛ.

Matiye 28:20

ɗaa ndo-jeje ar-je ɗa neje tɔ̰y gə m-un ndu-m kəne m-ar-si le. Oje m-ga̰ gə si naa gə gə ndɔje tɔ̰y saar ndɔ gə nangə nee a kunda ne ngang-ɛ.

Matiye 5:37

Ɓo tar ce ta-si gə na oyo nama oyo ja, a ɓo ə̰ə̰ə̰ nama ə̰ə̰ə̰ ja, ɓo tar gə ɗangə ore go-e nama to tar gə ḭ ta njekṵra̰y gə.

Matiye 6:10

May kar ɗe o̰ ɓe dɔ si gə Kar dəwje gə dɔ nangə nee ꞌɗa mə njigi lə-i to gə ꞌɗa ne dara be.

Jean 17:15

M-dəji-i mba kar odoje dɔ nangə gə nee gə ɗangə ang, ngaa mba kar ꞌngom-je ta njeməkṵra̰y gə.

1 Corinthiendjé 10:13

Nekərəje gə ce dɔ-si gə le to neje gə asə singa dəw ja; mba Luba gə gadə-gadə le a kḭya̰ ɗəw kar nekərə gə al dɔ singa-sisəy ce dɔ-si gə ang baa, ngaa logə nekərə ce nama n-a gɔl ɗəw gə kar ce ne t-ɛ gə, mba kar-sisəy uwaje ne gədərə.

1 Corinthiendjé 14:16

Be ɓa to gə ɓo ꞌi ꞌdəji Luba ꞌpidi-e ne mə Njil gə, ngaa dəw gə isi horo nje ko tarje gə baa le, a gərə to gə ban ɓa a kila kəne na oyo wa? Mba n-gərə dɔ tar gə ꞌpa le ang.

2 Corinthiendjé 1:20

Neje tɔ̰y gə Luba uwa dɔ gɔl-ɛ le to oyo ɗəw gə lə-a. Ngaɓa, ɗəw gə lə-a ɓa j-a ɗa ne Luba oyo j-ila ne riɓar dɔ-ɛ gə.

Galatedjé 1:4

Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

1 Thessaloniciendjé 1:10

ngaɓa gə mba kar-si ꞌngəbəje ne ngon-e gə n-ndol-e horo nje gə d-uy gə gə a kḭ dara, Jeju gə a kɔr-si ta wungu gə a ɗe gə.

2 Thessaloniciendjé 3:3

Ngaa Mbayɓe to dəw gə dana gadə. N-a kula jingaw mə-si gə ngaɓa n-a ngom-si ta njeməkṵra̰yje gə tɔ.

1 Timoce 1:17

May kar dəwje tɔ̰y gə dɔ nangə nee d-ila kuji dɔ Luba gə, ngaɓa d-ila riɓar dɔ-ɛ gə gə ndɔ gə ndɔ. N-to Mbay gə Njeko̰ ɓe gə isi kəm baa, gə uy ang, gə dəw o-e ndɔ kara ang, N-to Luba gə kara baa ɗəgədə! Oyo.

Ebərəje 11:36

Nje gə ꞌɗa-je ꞌkogo ne gə ꞌlabə-je tarara-tarara, ꞌtɔ-je gə kula lar ngaɓa d-umje kəy kula gə.

1 Piyɛr 5:8

Undaje kəm karə dɔ rɔ-si gə, ꞌcibije dɔ rɔ-si gə ang, njeba̰a̰ lə-si, ꞌSɛ̰ngərɛ̰ uwa mii hər-hər gugu ne si kɔrɔrɔ-kɔrɔrɔ to to gə ꞌnam be, sangə ne dəw gə a kore kuwa-a;

2 Piyɛr 2:9

Be ɓa Mbayɓe gərə ɗəw gə a ta ne dəwje gə nje kila kuji dɔ ne gə Luba je ta nena gə ngaɓa ḭya̰ ne njeneɗaje gə kṵra̰y ngina ne ndɔ gangə tar mba bɛ̰ ne ta-je,

1 Jean 3:8

Dəw gə nje ɗa neɗa gə kṵra̰y le to nje kar ꞌSɛ̰ngərɛ̰, mba ꞌSɛ̰ngərɛ̰ ɗa neɗa gə kṵra̰y ləw baa lo kuma kudu neje gə, Ngon lə Luba ɗe mba tuji kula ɗa lə ꞌSɛ̰ngərɛ̰.

Apocalypse 1:18

gə nje kisi kəm baa. M-uy ja, ɗaa oje m-isi kəm baa gə no ngaɓa m-uwa lakɛrɛ kar yo gə kar lo gə jabaw ji-m gə.

Apocalypse 19:1

Go-e gə ɗaa, m-o ndu ɓar mbi-m gə boy ta naa gə ndu bula dəwje gə mə dara gə na: Aleluyia! Kaji gə rɔnduba gə singamongə to kar Luba lə-sijee,

Apocalypse 19:4

Ngatɔgəje gə dɔg joo gə gir-je gə sɔɔ, gə nekundaje gə sɔɔ d-um məkəji-je nangə, no Luba gə, ye gə isi dɔ ngəndəng mbay gə ɗaa ꞌpa na: Oyo! Aleluyia!

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.

Apocalypse 21:4

N-a bɔrə man no ndədə kəm-je gə, yo a godo saar gə no, ngaɓa kuwa ndoo yo kara a godo nəm, kuy kara a godo nəm, ne gə to kara a godo nəm, mba neje gə dɔngɔr le ꞌsɛ̰rɛ̰ paa ngaa.

Apocalypse 3:10

Mba ꞌngom tar lə-m uwa gədərə ɗaa, ꞌma kara m-a ngom-i dɔ kar nena gə a ɗe dɔ dəwje gə tɔ̰y, gə a kum dəwje gə dɔ nangə gə nee dan nena gə.

Apocalypse 3:14

Ɗa mbede ar anji lə Mbo̰ naa lə njetakagəje gə Lawdise: Be ɓa n-ne gə Oyo, njetar naji gə njetakagə gə tɔgərɔ, Ngira nekundaje lə Luba pa na:

Apocalypse 5:13

Ɗaa nekundaje tɔ̰y ja gə mə dara gə, gə dɔ nangə, gə gəl nangə gə, ngaɓa babo gə neje tɔ̰y gə to kəne le, m-o ndu-je ꞌpa na: Dəw gə isi dɔ ngəndəng mbay gə je gə Ngon badəm le ndu tɔr, ɗɔy, riɓar gə ko̰ ɓe to kar-je, gə ndɔ gə ndɔ.