Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiye 5:37 - Mbede Lə Luba Kone Gə Sigi

37 Ɓo tar ce ta-si gə na oyo nama oyo ja, a ɓo ə̰ə̰ə̰ nama ə̰ə̰ə̰ ja, ɓo tar gə ɗangə ore go-e nama to tar gə ḭ ta njekṵra̰y gə.

အခန်းကိုကြည့်ပါ။ ကော်ပီ

Testament ke Siki 1960 (Kabba Laka)

37 Ase kare tar ke sésè epaidjé to tar aä aséh eë, mare tar wota yéh ke nèn to lo ndjè kembaa.

အခန်းကိုကြည့်ပါ။ ကော်ပီ




Matiye 5:37
17 ပူးပေါင်းရင်းမြစ်များ  

Kandə kər gə um mbɔr ɗəw boo njal-njal le, to dəwje gə ꞌtuga mbi-je d-o ne tar gə ɔji dɔ ɓeko̰ ɗaa ꞌgərə gəl-e ang. Njeməkṵra̰y ɗe ɔr tar gə ꞌdubu mə-je gə le ɗɔdə.


ndɔ le to dɔ nangə, kandə ko gə may to nganje gə ɓeko̰ to ɔji dɔ-je; waa da̰w to ngan lə njekundagusu;


Mba mə dəw ja ɓa kəjije gə kṵra̰y, tɔl dəw, ɓogo lo to, kaya, ɓogo, gangə tar kunda ta dəw gə, taji Luba ḭ kəne.


ꞋI a kuwa dɔ-i naji ne ang, mba ꞌi asə ɗa bḭ dɔ-i kara baa be kar-ɛ nda ose təl ndul ang.


ꞌTa-si ji Njekṵra̰y gə, ɓo iya̰ si ar j-oso dan nekərə gə ang. Mba ꞌi ja ɓa ɓeko̰, gə singamongə gə rɔnduba, To kar-i gə ɓal-ɓal, saar gə no. Oyo!


M-dəji-i mba kar odoje dɔ nangə gə nee gə ɗangə ang, ngaa mba kar ꞌngom-je ta njeməkṵra̰y gə.


Sisəy ꞌtoje gə nje kar bɔ-sijee ꞌSɛ̰ngərɛ̰, ɗaa ꞌnjigije mba ɗaje ne gə uwa mə bɔ-sijee. ꞌNe le, n-to nje tɔl dəwje kede ləw baa lo kuma kudu neje gə nu; ꞌne n-pa tar gə tɔgərɔ ang, mba tar gə tɔgərɔ godo ɓə lə-a. Logə n-pa tar gə ɗəgərə ɗaa, n-pa tar ɔji dɔ ne gə to k-ɛ ꞌne ja, mba n-to nje ɗəgərə ngaɓa n-to bɔ tar gə ɗəgərəje tɔ.


Be ɓa may kar-si ɔsəje tar gə ɗəgərə ngərəng gə ɗangə, ɗaa na-na kara horo-si gə pa tar gə tɔgərɔ ɓa ar ngon ko̰-ɛ̰; mba ja toje bar kəm rɔ naa yo gə nee.


dan neje gə tɔ̰y le, unje dər ɗɔ gə to gə takagə undaje ne ndo̰ ninga lə njeməkṵra̰y gə un pər lam-lam kalang gə ɗangə;


Sisəy le, ꞌpaje tar gə ɗəgərə ar-je naa ang, mba ɔrəje darɔ gə ləw gə kula ɗ-ɛje nam ngaa.


Ar-je tar gə ta-si ləl gə ləl dɔro, ilaje kadə dɔ tar gə lə-si, mba kar ꞌgərəje ne ɗəw kila ne dəw tar gə.


Ngaa Mbayɓe to dəw gə dana gadə. N-a kula jingaw mə-si gə ngaɓa n-a ngom-si ta njeməkṵra̰yje gə tɔ.


Dɔngɔr ne tɔ̰y ɗaa, ngan ko̰-mje, ꞌnajije gə dara ang nəm gə nangə ang nəm, gə pa naji gə ɗangə ang nəm tɔ. May kar tar lə-si to oyo nama oyo, a ɓo ə̰ə̰ə̰ nama ə̰ə̰ə̰ mba kar tar gangə uwa dɔ-si ang.


M-ɗa mbede m-ar-si, bɔ nganje, mba ꞌgərəje dəw gə isi lo kuma kudu neje gə kede ləw baa. M-ɗa mbede m-ar-sisəy, basa̰je, mba ꞌcɛdəje ɗɔ njeməndul nam. M-ɗa mbede m-ar-si, ngan-m, mba ꞌgərəje Bɔ dəwje.


ɓo j-a ɗaje neɗa lə Ka̰yi gə to nje kar Njeməkṵra̰y gə tɔl ngon ko̰-ɛ ang. Ɗaa n-tɔl-ɛ mba ɗi ɓa wa? N-tɔl-ɛ mba kula ɗaje lə-a ꞌne gə kṵra̰y, ɗaa kar ngon ko̰-ɛ ɓa to gadə-gadə.


Sijee j-a gərə to gə dəw gə ɗa-ɗa gə Luba uji-e le, ɗa neɗa gə kṵra̰y ang, mba dəw lə Luba le, ngom-e, ɗaa njeməkṵra̰y ɔr rɔ-ɛ ang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ