Matiye 5:30 - Mbede Lə Luba Kone Gə Sigi

³⁰ To gə ɓo ji kɔl-i to ɗəw koso dan neɗa gə kṵra̰y gə nama, ꞌgangə ila kɔrɔ əw, mba kar dəbə rɔ-i kara baa tuji may unda darɔ-i tɔ̰y kar-ɛ aw kəm pər gə.

Testament ke Siki 1960 (Kabba Laka)

³⁰ Tokou dji ke kòl eri ta kari da madjang, egangè, ilè deo eo sei, to madji wota mbata loi tokou barkem ròi kada a nai, wota ta kare ròi toï ao loou kem pourou té.

Matiye 5:30 ပူးပေါင်းရင်းမြစ်များ

Matiye 11:6

Nokarə a to mba dəw gə m-a to jigi tuga koso lə-a ang. Logə d-ɔdə d-aw ɗaa,

Matiye 13:21

ngaa tar le ula ngira-a m-e gə gə maj-ɛ ang, to dəw gə m-e to dɔ tar waga baa, a ɓo lo gə kula kəm naa ndoo ose nekəmandoo gə ɔji dɔ tar lə Luba ce dɔ-ɛ gə nama ꞌmbadə takagə lə-a.

Matiye 16:23

Ngaa Jeju turu kəm-e pa ar Piyɛr na: ꞌSu ɔdə ta-m gə gə ɗangə! ꞋI to jigi tuga koso no-m gə, mba kəji tarje lə-i to kar Luba ang ngaa to kar dəwje baa.

Matiye 17:27

Gəl-e gə nee ɓa mba kar j-a tuji mə lar gədə ɓeje le ang ɗaa, ɔdə aw ta man bo gə, aw ila kuwi, ɗaa kənji gə a kuwa dɔngɔr ja, cɛ̰ t-ɛ ɗaa a kinga sulay kəne kara. Ɗaa un ɗe uga ne dɔ ꞌma gə ꞌi.

Matiye 18:8

To gə ɓo ji-i ose gɔl-i ɓa to ɗəw koso dan neɗa gə kṵra̰y gə lə-i nama may kar ꞌgangə ila kɔrɔ; mba kinga kaji gə ji-i kara ose gə gɔl-i kara, may unda ye gə kar aw gɔl-i gə joo ose ji gə joo to gə maj-ɛ ja ɓa aw ne kəm pər gə a to gə ndɔ gə ndɔ.

Matiye 22:13

Be ɓa mbay pa ar ngan njekulaje na: ꞌTɔje gɔl-ɛ gə ji-a, ɗaa ila-je cil ciməri gə ɗaga, lo gə dəwje d-a no kəne gə d-a kusa ngangəje kəne mɔr-mɔr.

Matiye 25:20

Be ɓa njekinga mbɛl kula mi le ɗe gə mbɛlje gə ɗangə gə inga mi le isi ne no ꞌɓəə-eje gə ngaɓa pa na: ꞌƁəə-mje, um mbɛl kula mi ji-m gə, ngaa a o, m-inga mar-ɛ mi m-um dɔ-ɛ gə.

Matiye 26:31

Be ɓa Jeju un tar pa ar-je na: Cil ne ja, m-a təl to jigi tuga lə-si tɔ̰y, mba ꞌpa mə mbede gə na: M-a kunda njekuul daje ɗaa badəmje lə-a d-a jɛ̰rɛ̰ naa.

Matiye 5:22

Ngaa ꞌma, m-a pa kar-si: Dəw gə wungu to-e dɔ ngon ko̰-ɛ gə nama tar a kuwa dɔ-ɛ. Ngaɓa dəw gə taji ngon ko̰-ɛ na to mbə nama d-a kaw sə-a no nje gə no ngɔ gangə tar gə lə Jiibije. Dəw gə ɓar ngon ko̰-ɛ ɛbɛ nama d-a kila kəm pər gə.

Matiye 5:29

To gə ɓo kəm-i gə dɔ kɔl to ɗəw koso dan neɗa gə kṵra̰y gə nama, may kar ɔr ila kɔrɔ əw. Mba kar dəbə rɔ-i kara baa tuji may unda darɔ-i tɔ̰y kar-ɛ aw kəm pər gə.

Marəke 9:43

To gə ɓo ji-i ɓa to ɗəw koso lə-i dan neɗa gə kṵra̰y gə nama ꞌgangə ila kɔrɔ. Mba kaw dara gə ji-i kara may unda ꞌye gə kar ji-i ga̰ joo kɛm ja ɓa d-un-i d-ila-i kəm pər gə a kṵy ang gə.

Lugu 12:5

M-a tɔji-si dəw gə a ꞌɓəəl-eje. ꞌƁəəlje Luba gə tɔl si nama a kaw singa mba kila-si kəm pər gə. Tɔgərɔ, m-pa m-ar-si, ꞌne ɓa kəm kar-si ꞌɓəəl-eje.

Lugu 17:2

To gə ɓo n-to jigi tuga koso lə ngon gə njɛ̰ kara horo nganje gə njɛ̰-njɛ̰ gə nee nama, to nokarə lə-a kar ꞌtɔ ər kusu ne gɔb-ɛ gə, d-ila mə babo gə.

Romaindjé 9:33

to gə ꞌɗa ne mə mbede gə na: Oje, m-ila kɔr ər tuga Siyo̰ gə, gə Jigi kar tuga koso, Ngaa ɓo dəw gə ta kag-ɛ nama rɔ kul a kuwa-a ang.

1 Corinthiendjé 8:13

Gəl-e gə nee ɓa, to gə ɓo nekusa a təl to jigi tuga gɔl ngon ko̰-m nama, m-a kusa da ang gə dɔbo̰ ja, mba kar m-ɗa ne ngon ko̰-m m-ar-ɛ oso ang.

Galatedjé 5:11

Ngan ko̰-mje, ye gə ɔji dɔ ꞌma le, to gə ɓo m-to gə njekila mbərə tar kunja bərə nama, mba ɗi cibi ɓa d-ula kəm ndoo wa? Bənəng ɗaa, tar kuy lə Kirisi kagə dəsə to jigi tuga lə dəw kara ang.

1 Piyɛr 2:8

ꞌƊe ꞌtuga gɔl-je jigi gə ꞌce d-oso mba ꞌmbadə kila kuji dɔ tar gə, ꞌnay mba ne gə ɔji dɔ-je.