Matiye 5:22 - Mbede Lə Luba Kone Gə Sigi

²² Ngaa ꞌma, m-a pa kar-si: Dəw gə wungu to-e dɔ ngon ko̰-ɛ gə nama tar a kuwa dɔ-ɛ. Ngaɓa dəw gə taji ngon ko̰-ɛ na to mbə nama d-a kaw sə-a no nje gə no ngɔ gangə tar gə lə Jiibije. Dəw gə ɓar ngon ko̰-ɛ ɛbɛ nama d-a kila kəm pər gə.

Testament ke Siki 1960 (Kabba Laka)

²² A ma mpa maresè, dooudjé kada kada toï ke ongou dadè ke ngoködè, dase téh loou saria té. Doou ke tadji ngoköè ase téh rò ndjè gange sariadjé té, ke nè ke mpana, I mbe, nase kao loou kem pourou té.

Matiye 5:22 ပူးပေါင်းရင်းမြစ်များ

Matiye 10:17

Aje rɔ-si rɔ dəwje gə, mba d-a kaw gə si no ngɔ gangə tar gə lə Jiibije nəm ɓa d-a kunda-si gə abəlay kəy nendo gə lə-je.

Matiye 10:28

Nje gə tɔl darɔ baa ɓo d-asə tɔl kəm ang le, ꞌɓəəlje-je ang. May kar-si ꞌɓəəlje Luba gə asə mba tuji darɔ gə kəm joo tɔ̰y kəm pər gə.

Matiye 12:24

Parijiyɛ̰je d-o tar-ɛ ɗaa ꞌpa na: Dəw gə nee le, Bɛləjebul, mbay lə njilje gə kṵra̰y ɓa ar-ɛ singa n-tɔbə ne njilje gə kṵra̰y.

Matiye 17:5

Logə Piyɛr aw pa tar be ja ɓi ɗaa, kil lə nji gə kasə rogo-rogo ɗe dəbə dɔ-je gə rigim. Ɗaa ndu dəw ɓar mə kil lə nji gə le na: ꞌNe gə nee le n-to Ngon njigi lə-m, gə n-to ngira rɔləl lə-m, oje tar t-ɛ gə.

Matiye 18:21

Be ɓa, Piyɛr ngɛsə ɗe mbɔr Jeju gə ngaɓa təl dəji-e na: Mbay, logə ngon ko̰-m ɗa sə-m neɗa gə kṵra̰y le, m-a kɔr tar dɔ-ɛ gə gɔl kandə wa? Se saar gɔl siri wa?

Matiye 18:35

To gə be ja tɔ ɓa Bɔ-sijee gə dara a ɗa ne gə dəw gə mbadə kɔr tar dɔ ngon ko̰-ɛ gə gə mə nda.

Matiye 23:15

Nekəmandoo to kar-sisəy, njekɔr gəl toronduje gə Parijiyɛ̰je gə njetar mulaje! Mba a̰yje ngɔdə ulaje ngangə babo kadə gə gəl nangə mbugu gə mba kinga dəw kara kar-ɛ to nje ta kagə-si, cibi, lo gə ingaje nj-ɛ nam ɗaa, ꞌtəl ꞌɗa-ɛje gə nje kuba tuji dan pər gə gɔl joo unda sisəy.

Matiye 23:33

Sisəy gə ꞌtoje to gə kondɔtɔlje be, a ɗaje ban ɓa a ceje ne ta tar a kuwa dɔ-si no Luba gə, gə a kaw gə si kəm pər gə a to gə no le ang wa?

Matiye 25:41

Ngaɓa n-turu kəm-e n-pa n-ar nje gə dɔ ji gəl-e gə le na: Ɔdəje gə nu, sisəy gə Luba ugu ne ar-si, awje gə kəm pər gə a ko̰ gə ndɔ gə ndɔ gə Luba gɔl mba ꞌSɛ̰ngərɛ̰ je gə anjije lə-a.

Matiye 26:59

Buba njekapoloje gə nje gə no ngɔ gangə tar lə Jiibije tɔ̰y ꞌsangə gə mba kinga tar naji gə gə mbɔr-ɛ, gə a kila tar dɔ Jeju gə gə mba kar ꞌtɔl-ɛ ne.

Matiye 3:17

Cibi, ndu ḭ dara pa tar na: ꞌNe gə nee le, to Ngon njigi lə-m, gə to ngira rɔləl lə-m.

Matiye 5:34

Ne ꞌma, m-pa m-ar-si kar ꞌnaji-je ang: a najije gə dara ang mba to dɔ ngəndəng mbay lə Luba,

Matiye 5:44

Ngaa ꞌma, ɗaa m-pa m-ar-si: ꞌNjigije njeba̰a̰je lə-si, ꞌtɔrəje ndu-si dɔ nje gə d-ugu ne d-ar-si, ꞌɗaje may gə nje gə ꞌnjigi-si ang gə kɔrɔ ja ꞌdəjije Luba mba nje gə d-ula kəm-si ndoo nəm tɔ.

Marəke 14:55

Buba njekapoloje gə nje gə no ngɔ gangə tar gə lə Jiibije tɔ̰y ꞌsangə mba kinga tar naji gə a kila tar dɔ Jeju gə gə mba kar ꞌtɔl-ɛ ne, ɗaa d-inga ang;

Marəke 15:1

Gə ndɔɔ-sḭ ja baa, Buba njekapoloje, gə buba ɓeje, gə njekɔr gəl toronduje gə nje gə no ngɔ gangə tar gə lə Jiibije tɔ̰y d-uwa dɔ naa d-unda ndu-je naa gə. Logə ꞌtɔ Jeju ɗɔdə ɗaa, d-aw sə-a d-aw d-ula-a ji Pilad gə.

Lugu 12:5

M-a tɔji-si dəw gə a ꞌɓəəl-eje. ꞌƁəəlje Luba gə tɔl si nama a kaw singa mba kila-si kəm pər gə. Tɔgərɔ, m-pa m-ar-si, ꞌne ɓa kəm kar-si ꞌɓəəl-eje.

Lugu 22:66

Logə lo ar ɗaa, lo kuwa dɔ naa lə buba ɓeje, gə buba njekapoloje gə njekɔr gəl toronduje d-uwa dɔ naa ɗaa, d-aw gə Jeju no ngɔ gangə tar gə lə Jiibije,

Jean 11:47

Ye əng ngaa, buba njekapoloje gə Parijiyɛ̰je d-uwa dɔ naa no ngɔ gangə tar gə lə Jiibije ɗaa ꞌpa na: Ɗi ngaa j-a ɗa wa? Mba dəw gə nee le ɗa netɔjije bula ya̰ ngaa.

Jean 15:25

Ngaa to to gə be mba kar tar gə ꞌɗa torondu gə lə-je oso ne ba̰a̰ mar-ɛ gə paragə: njigi-m ang gə kɔrɔ baa ja be.

Jean 7:20

Bula dəwje d-ila-a kəne na: Njil gə kṵra̰y ula gərəng mə-i gə. Na ɓa sangə ɗəw gə mba tɔl-i wa?

Jean 8:48

Jiibije d-ila-a kəne na: Ɓar gə j-a ɓar-i dəw gə Samari, ngaɓa ja pa na njil gə kṵra̰y ɗa ɓe mə-i gə le, kudu tar lə-si arə ang ja baa kən wa?

Koula 17:18

Njetɔji tar kəm karəje gə kɛm gə gəl dəw gə ri-a na Epikur gə nje kar Sətoysə d-ḭ ꞌpa gə Pɔl tar. Nje gə əər kara gə ꞌpa na: Tar ɗi ɓa njetura tar nee njigi pa wa? Nje gə kɛm na: To to gə n-aw n-ila mbərə magə mbaje be, mba Pɔl ila mbərə Tar gə May lə Jeju, gə tar ce buwa yo lə nje gə d-uy.

Koula 22:30

Lokar-ɛ ɗaa ꞌnjigi gərə gəl ne Jiibije d-ila ne tar dɔ Pɔl gə le ɗaa, d-ɔr-ɛ ngaɓa d-un ɗəw d-ar buba njekapoloje gə nje gə no ngɔ gangə tar gə lə Jiibije tɔ̰y mba kar ꞌmbo̰ naa, ngaɓa d-aw gə Pɔl no-je gə.

Koula 23:1

Kəm Pɔl to gə dɔ nje gə no ngɔ gə nda̰a̰ ngaɓa pa na: Ngan ko̰-mje, m-nja no Luba gə gə kəji gə may ja saar ce ɓogəne.

Koula 24:20

Ose logə m-ar no nje gə no ngɔ gangə tar lə Jiibije le, ɓo tar gə uwa dɔ-m ga̰ nama ꞌjejee nee le may kar ꞌpa gə ɗaga.

Koula 4:15

Be ɓa d-un ɗəw d-ar-je ꞌce no ngɔ gangə tar gə lə Jiibije ngaɓa ꞌtəl ꞌwɛdə tar horo naa gə na: Dəwje gə nee le ɗi ɓa j-a ɗa gə je wa?

Koula 5:21

Go tar gə d-o-je le ɗaa ꞌɗe gə ndɔɔ-sḭ baa ja d-andə mə kəy gə lə Luba, d-ar d-aw ꞌtɔji ne dəwje. Ɗaa buba njekapolo je gə nje gə ꞌga̰ sə-a le ꞌɗe, ɗaa ꞌɓar nje gə no ngɔ gangə tar gə lə Jiibije ngaɓa mbo̰ naa lə buba ɓeje lə ngan Ijirayɛlje ngaɓa d-ula ꞌɓar njeka̰ykulaje gə to kəy kula gə le.

Koula 5:27

Logə ꞌɗe gə je ɗaa d-aw gə je no ngɔ gangə tar gə lə Jiibije. Buba njekapolo un tar dəji-je to gə be na:

Koula 6:12

D-ɔsə-je dəw mə ɓeje, gə buba ɓeje gə njekɔr gəl toronduje d-umje dɔ-ɛ gə d-ar d-uwa gə singa ngaɓa d-aw sə-a no ngɔ gangə tar gə lə Jiibije.

Koula 6:15

Dəwje tɔ̰y gə d-isi no ngɔ gangə tar gə lə Jiibjije le kəm-je nunga-a pal-pal ɗaa d-o ngo no-ɛ ta naa gə ngo no anji.

Koula 7:37

Moyiji gə nee le ja pa ar ngan Ijirayɛlje na: Luba a kɔr pajambərə gə to gə ꞌma be kara horo ngan ko̰-si gə.

Romaindjé 12:10

Ɔji dɔ njigi gə horo ngan ko̰ naaje gə le ɗaa, may kar-si ꞌnjigije naa gə yo gə nee, may kar-si ꞌɗɔy-je naa gə gə yo gə nee ar-je al dɔ mar-ɛ.

1 Corinthiendjé 6:10

nje ɓogoje nəm, nje gə ɓo neje uwa-je ɓərə gə nəm, mbə kodoje nəm, njetaji kilje ose njekunda bagəraje, ꞌjejee tɔ̰y nee le, d-a kuwa ɓeko̰ lə Luba gə nenduba ndɔ kara ang.

1 Corinthiendjé 6:6

Ngaa ngan ko̰ naaje ja d-aw səgə naa, ngaɓa no nje gə ꞌta kagə Kirisi ang gə səmə!

1 Thessaloniciendjé 4:6

ɔji dɔ neje gə nee le ɗaa, may kar dəw kara kara mbɔlɛ ne lə ngon ko̰-ɛ ose ɗa kəm kə̰y dɔ ne gə lə-a ang, mba Mbayɓe a dal ba̰a̰ neje gə be le tɔ̰y, j-a pa tar-ɛ j-ar-si nam ja ngaa j-a təl pa ja cibi.

Tite 3:2

kar d-o̰ dəwje yom-yom ang, gə ꞌto nje tɔsə tarje ang, d-a to njekula nuji naa gə je, d-a kul gə dəwje tɔ̰y gə kul ja yururu.

Ebərəje 12:25

Oje ɓa, dəw gə nje pa tar kar-si le, ɔs-eje ngərəng ang. Mba nje gə d-ɔsə nje ndəjije-je dɔ nangə nee ngərəng le, ꞌlal kuba tuji ang baa, ngaa ɓədə ɓa sijee gə dəw ḭ dara ja ɗe ndəji-si a ɓo j-a mbadə tar t-ɛ gə le se, j-a kuba tuji ang wa?

Ebərəje 5:9

Logə n-tɔl ta kula lə-a bɛm ɗaa, n-təl n-to ɗəw kaji gə gə ndɔ gə ndɔ lə dəwje tɔ̰y gə d-a kila kuji dɔ-ɛ gə.

Jacques 2:20

Ngaa ꞌi gə ɛɓɛ, ꞌnjigi gərə to gə takagə le, kula ɗ-ɛ godo nama aw kadə baa ang wa?

Jacques 3:6

To gə be ɓa ndo̰ le kara to to gə pər be tɔ; N-to gə ngira neɗa gə dɔ buguru: ndo̰ to gə bar kəm rɔ-si, n-ɗa n-ar darɔ-si tɔ̰y mina ngaɓa n-ro-si lo kisi kəm baa gə lə-si gə dɔ nangə gə nee, ꞌne kara, pər gə ṵy ang le ro-e tɔ.

1 Piyɛr 2:23

ꞌne gə ꞌtaj-ɛ kara, n-təl n-taji-je toro-e gə ang, n-o ꞌməsərə ja kara n-ɗa singa ang, ngaa n-ḭya̰ rɔ-ɛ yag mə ji nje gangə tar gə gə dɔ gɔl-ɛ gə;

1 Piyɛr 3:9

Dəw ɗa si kṵra̰y nama ꞌɗ-ɛje kṵra̰y ba̰a̰ mar-ɛ gə ang nəm, ngaɓa ꞌtaji-si kara ꞌtəl ꞌtajije dəw toro mar-ɛ gə ang, sisəy ɗaa ndu ɓa ꞌtɔrje dɔ dəw gə, mba ye ɓa ꞌɓar-si mb-ɛ, mba kar ingaje ndu tɔr gə neduba.

1 Jean 2:9

Dəw gə pa na n-isi dan lokarə gə, ɓa njigi ngon ko̰-ɛ ang gə kɔrɔ le, nj-ɛ to dəw gə nay cil ciməri baa ɓi.

1 Jean 3:10

Ye ɓa tɔji to gə nganje lə Luba ꞌto dang gə nganje lə ꞌSɛ̰ngərɛ̰. Dəw gə ɗa-ɗa gə ɗa ne gə gadə-gadə ang le, to kar lə Luba ang, ɗəw kara baa to gə dəw gə njigi ngon ko̰-ɛ ang nama to dəw lə Luba ang tɔ.

1 Jean 5:16

To gə ɓo dəw o ngon ko̰-ɛ ɗa neɗa gə kṵra̰y gə a ce yo dɔ-ɛ gə ang nama, may kar dəji Luba kar ar dəb-e nee le təbə; ye gə ɔji dɔ nje gə ꞌɗa neɗa gə kṵra̰y gə a ce gə yo dɔ-je gə ang. Neɗa gə kṵra̰y gə a ce yo to kəne əng, ngaa neɗa gə kṵra̰y gə nee ɓa m-pa kar ꞌdəji Luba ɔji dɔ-ɛ ang baa.

Jude 1:9

Be ɓa, logə Misɛl mbay lə anjije ma̰y tar gə ꞌSɛ̰ngərɛ̰ ngaɓa n-ar-ɛ nin Moyiji le, taj-ɛ gangə ne tar dɔ-ɛ gə ang baa, ngaa n-pa na: May kar Mbayɓe ndangə-i!

Apocalypse 20:14

Yo je gə lo gə jabaw le, ꞌtəbə-je kərəng d-umje dang pər gə. Dangə pər nee le ɓa to gə yo gə njekum gə joo.