Matiye 5:18 - Mbede Lə Luba Kone Gə Sigi

¹⁸ Tɔgərɔ ja, m-pa m-ar-si, saar kar dara gə nangə ꞌnday le, ngaɓa kar neje tɔ̰y gə dɔ nangə nee d-unda ngangəje le, ne gə njɛ̰ gə kəne a godo ang, ngaɓa ta torondu mbiday a ti koso nangə ɓɛdə ang ɓa ngon mbadə kar-ɛ a ti mbid ang nəm.

Testament ke Siki 1960 (Kabba Laka)

¹⁸ Mbata tokoro ma mpa maresè, sar dara ke nange nèn ndai ang bai, ngon tar maketourou aséh tar dang dang lo tar ndedji ndai ba kada ang, sar né toï a dé baa.

Matiye 5:18 ပူးပေါင်းရင်းမြစ်များ

Matiye 10:15

Tar gə tɔgərɔ ja m-pa m-ar-si: Ndɔ gangə tar nama, tar gə d-a gangə dɔ ɓebo gə nee le, a kədərə ya̰ kunda kar ɓe gə Sɔdom gə Gɔmɔr.

Matiye 10:23

Logə d-a kula kəm-si ndoo mə ɓebo gə nee gə nama a̰yje awje ye gə ɗangə gə. Tɔgərɔ ja m-pa m-ar-si, a kɔrəje sṵra̰ ɓeboje gə Ijirayɛl tɔ̰y ang ja, ꞌma gə Ngon lə dəw m-a ɗe.

Matiye 10:42

Dəw gə ɗa-ɗa ja ɓa ɔr man gə kul gə ngon ngo ar ngon kara horo nganje gə nee ay mba to ngon njenendo lə-m nama, tar gə tɔgərɔ ja m-pa m-ar-si, nekuga dɔ ji lə-a a koso nangə ɓɛdə ang.

Matiye 11:11

Tɔgərɔ ja, m-pa m-ar-si, horo dəwje gə jeneje d-uji-je le, dəw gə to ɓəəl ya̰ unda Ja̰ Njeɗabatɛm godo. Be ja kara dəw gə to gə ne ang mə ɓeko̰ gə dara ɗaa to ɓəəl ya̰ unda-a.

Matiye 13:17

Tɔgərɔ, m-pa m-ar-si, pajambərəje bula, gə dəwje gə gadə-gadə ꞌnjigi mba ko ne oje nee gə kəm-je ngaa d-o ang baa, ꞌnjigi ko tar neje nee gə mbi-je ngaa d-o tar-ɛ ang baa.

Matiye 16:28

Tɔgərɔ, m-pa m-ar-si, nje gə kɛm gə d-ar horo-si gə nee d-a kuy ang saar d-a ko-m ꞌma gə Ngon lə dəw gə m-a ɗe gə Mbay gə boy gə kəm-je.

Matiye 17:20

Jeju pa ar-je na: Mba takagə lə-si njɛ̰ baa. Tɔgərɔ, m-pa m-ar-si, to gə ɓo takagə lə-si to yəm-yəm baa to to gə kandə kam nay gə ri-a na mutarədə ja kara, ꞌpaje ar-je ər gə ar na: Ɔdə gə nu nama n-a kɔdə; ne gə a kal dɔ-si kara kara a godo.

Matiye 18:18

Tɔgərɔ ja, m-pa m-ar-si, ne tɔ̰y gə a tɔ-je dɔ nangə nee nama d-a tɔ dara tɔ, a ɓo neje tɔ̰y gə a tudu-je dɔ nangə nee nama d-a tudu dara tɔ.

Matiye 18:3

M-pa tar gə tɔgərɔ ja m-ar-si, to gə ꞌmbəl-je mə-si ar-ɛje to gə kar gə nganje gə njɛ̰-njɛ̰ be ang nama, a kandə-je mə ɓeko̰ gə dara ang magə.

Matiye 19:23

Jeju pa ar ngan njenendoje lə-a na: Tɔgərɔ ja, m-pa m-ar-si, to ngangə ya̰ gə njenekinga kar-ɛ andə mə ɓeko̰ gə dara.

Matiye 19:28

Jeju ila-je kəne na: Tɔgərɔ, m-pa m-ar-si, ndɔ gə ꞌma gə Ngon lə dəw m-a kisi dɔ ngəndəng mbay rɔnduba gə lə-m dɔ kar gə neje tɔ̰y d-a təl to gə sigi le, sisəy gə unje go-m le, a kisije dɔ ngəndəngje gə dɔg gə gir-e gə joo mba gangə tar dɔ gəl kuji Ijirayɛlje gə dɔg gə gir-e gə joo.

Matiye 21:21

Jeju ila-je kəne na: Tar gə tɔgərɔ ja, m-pa m-ar-si, to gə ɓo ꞌtaje kagə Luba to gə tɔgərɔ ngaɓa ɓo ꞌɗəgəje tar mə-si ang nama, ne gə ce dɔ kagə tungu gə nee baa ɓa a ɗaje ang, ngaa logə a paje karəje dɔ ər gə nee na: Ɔdə lo gə nee gə aw oso mə babo gə nama, a ɗa to gə be ja tɔ.

Matiye 21:31

Horo nganje gə joo nee le, na ɓa ɗa mə njigi lə bɔ-ɛje wa? D-ila-je kəne na: Ye gə dɔngɔr. Ɗaa Jeju təl pa ar-je na: Tɔgərɔ, m-pa m-ar-si, njembo̰ lar gədə ɓeje gə jene kayaje d-a ce mə ɓeko̰ gə dara no-si gə kede.

Matiye 23:36

Tɔgərɔ ja m-pa m-ar-si, neje tɔ̰y nee le tar-ɛ a kuwa dɔ gəl kuji gə ɓogəne.

Matiye 24:2

Ngaa Jeju ila-je kəne na: Aje oje ja ɗa? Tɔgərɔ ja m-pa m-ar-si to gə kɔr ər kara baa ja kara a nay dɔ mar-ɛ gə ang: d-a rundu neje tɔ̰y nangə pulug-pulug.

Matiye 24:47

Tɔgərɔ ja, m-pa m-ar-si, ꞌɓəə-eje a kun-e kunda-a dɔ nekingaje gə lə-a tɔ̰y.

Matiye 25:12

Ngaa jingaw le ila-je kəne na: Tɔgərɔ ja, m-pa m-ar-si to gə m-gərə-si ang.

Matiye 25:40

Ɗaa Mbay le a təl kila-je kəne na: Tɔgərɔ ja, m-pa m-ar-si, lo gə ɗa gə ja ɓa ꞌɗaje məmay gə dəw kara baa ja horo ngan ko̰-mje gə nee ɗaa, to ꞌma ja ɓa ꞌɗaje sə-m kən.

Matiye 25:45

Mbay le a təl kila-je kəne na: Tɔgərɔ ja, m-pa m-ar-si, dɔ karje tɔ̰y gə ꞌɗaje neje ne ang gə dəw d-o-e ne ang horo ngan mar-ɛje kara to ꞌma ja ɓa ꞌɗaje sə-m ang kən.

Matiye 5:26

Tar gə tɔgərɔ ja m-pa m-ar-i to gə a kuga saar kar sulay kara kara a nay ji-i ang ja ɓa d-a kɔr-i kila-i taar ɓi.

Matiye 6:16

Logə ꞌtɔlje mə-si ɓo ɗaa, ꞌɗaje kəm-si to ndoo ang, to gə njetar mulaje gə ɗa kəm-je to ndoo ɓa gə mba tɔji ne dəwje to gə ꞌtɔl mə-je ɓo. Tɔgərɔ ja, m-pa m-ar-si to gə d-inga nekuga dɔ ji-je nam.

Matiye 6:2

Lo gə un ne ar dəw ɗaa, uru ꞌkuwi dɔ-ɛ gə ang, to gə njetar mulaje d-aw ɗa mə kəy nendoje gə lə Jiibije, gə dan ɗəw booje gə, mba kar d-ɔsə ne gaji-je. Tar gə tɔgərɔ ja m-ula-si to gə d-inga kug-ɛ nam ngaa.

Matiye 8:10

Logə Jeju o tar gə njekun dɔ njeɗɔje gə tɔl le pa to gə be, ɗaa lo tar ig-e sɛl gə rɔləl, cibi ɓa təl pa ar dəwje gə ꞌndole go-a na: Tar gə tɔgərɔ ja m-pa m-ar-si to gə horo dəw mə ɓeje gə Ijirayɛl nee tɔ̰y ja kara m-o takagə gə bo to gə be ang.

Marəke 10:15

Tar gə tɔgərɔ ja m-pa m-ar-si, dəw gə ɓo uwa Luba gə rɔ-ɛ gə gə Mbay lə-a to gə ngon gə njɛ̰ be ang nama a kandə ɓeko̰ lə-a ang magə.

Marəke 10:29

Jeju ila kəne na: Tar gə tɔgərɔ ja, m-pa m-ar-si, to gə ɓo dəw ḭya̰ kəy lə-a, gə ngan ko̰-ɛje, gə ko̰ nan-ɛje, gə ko̰-ɛje, gə bɔ-ɛje, gə ngan-ɛ ose ndɔje mba-m ꞌma gə mba Tar gə May,

Marəke 11:23

Tar gə tɔgərɔ ja, m-pa m-ar-si, to gə ɓo dəw pa ar dɔ ər gə nee na: Ɔdə lo gə nee gə aw oso mə babo gə, a to gə ɓo n-ma̰y tar dɔ ɓəngər-e gə ang, ngaa n-ta kagə to gə tar gə n-pa a ɗa ne nama, Luba a ɗa ne kar-ɛ.

Marəke 12:43

Be ɓa Jeju ɓar ngan njenendoje lə-a ɗaa, pa ar-je na: Tar gə tɔgərɔ, m-pa m-ar-si, jene njekəy kinga nee le ila ne unda dəwje tɔ̰y gə d-um ne mə ka nebaw gə nee;

Marəke 13:30

Tɔgərɔ ja m-pa m-ar-si to gə gəl kuji dəwje gə ɓogəne d-a kuy ɗunga ang ja neje tɔ̰y nee le a ɗe.

Marəke 14:18

Logə d-isi ta ka nekusa gə d-aw d-usa ne ɗaa, Jeju pa na: Tar gə tɔgərɔ ja, m-pa m-ar-si to gə, dəw kara horo-si gə nee gə usa sə-m ne ja a kun dɔ-m.

Marəke 14:25

Tar gə tɔgərɔ ja, m-pa m-ar-si, m-a kay gə si man bḭyə̰ nee gugu ang, saar ndɔ gə m-a təl kay gə si ꞌye gə sigi mə ɓeko̰ gə lə Luba.

Marəke 14:30

Ngaa Jeju ila-a kəne na: Tar gə tɔgərɔ, m-pa m-ar-i to gə ɓogəne, mə cil gə nee ja, nam ɓa kar kura̰ ila mbərə gɔl joo le, ꞌi a ma̰y tar gɔl munda na ꞌgərə-m ang.

Marəke 14:9

Tɔgərɔ ja, m-pa m-ar-si to gə, loje tɔ̰y gə d-a kila mbərə Tar gə May dɔ nangə nee le, dəwje d-a pa tar ne gə jene ɗa nee le mba kole ne mə-je dɔ-ɛ gə.

Marəke 3:28

Tɔgərɔ, m-pa m-ar-si, to gə neɗaje gə kṵra̰y tɔ̰y ja d-a kɔr tar-ɛ dɔ dəwje gə ngaɓa tar taji gə ꞌtaji Luba kara nəm;

Marəke 6:11

Ngaɓa lo gə d-uwa si mba kəne ang nəm d-o tar gə ta-si gə kəne ang nəm ɓa ɓo a kaw kɔdəje nama, ꞌkundaje kuru gə gɔl si gə mba kar to tar naji gə ila tar dɔ-je gə.

Marəke 8:12

Jeju ila m-e po̰o̰ ngaɓa pa na: Mba ɗi ɓa gəl kuji gə ɓogəne dəji netɔji wa? Tar gə tɔgərɔ ja, m-pa m-ar-si, netɔji gə kara ja gə d-a ɗa kar dəwje gə ɓogəne le godo.

Marəke 9:1

Jeju təl pa ar-je ja cibi na: Tɔgərɔ, m-pa m-ar-si, nje gə kɛm gə d-ar horo-si gə nee d-a kuy ang saar, d-a ko ɓeko̰ lə Luba gə a ɗe gə singamongə gə kəm-je.

Marəke 9:41

Ngaɓa dəw gə ɗa-ɗa gə ɔr man gə ngon ngo ar-si ay-je gə ri-m mba to gə ꞌtoje nje kar Kirisi nama, tar gə tɔgərɔ ja m-pa m-ar-si, ne dɔ ji lə-a a koso nangə ɓɛdə ang.

Lugu 11:51

Un kud-e dɔ məsə Abɛl gə ce ne dɔ məsə Jakari gə ꞌtɔl-ɛ horo no kɔgə gə mə kəy gə lə Luba; tɔgərɔ, m-pa m-ar-si, Luba a dəji məsə-je ji gəl kuji gə nee.

Lugu 12:37

Nokarə to kar ngan njekulaje gə ꞌɓəə-jeje ɗe inga-je kəm baa. Tar gə tɔgərɔ, m-pa m-ar-si, njekəy a təl rɔ-ɛ gə ngon njekula, n-a kar-je d-isi nangə gə maj-ɛ ɓa, n-a ɗe gə nekusa kar-je ɓi.

Lugu 13:35

Be ɓa, oje: Luba mbadə ne kəy lə-si ar-ɛ uwa ngɔ mɔgɔgɔ, mba m-pa m-ar-si to gə aw gə kede əng a ko-mje ang saar kar ndɔ gə a paje na: Luba tɔr ndu-e dɔ dəw gə ɗe gə ri Mbayɓe.

Lugu 16:17

To kədərə ang baa kar dara gə nangə d-a nday, ta torondu a ti ɓɛdə koso nangə ang.

Lugu 18:17

Tar gə tɔgərɔ ja m-pa m-ar-si, dəw gə ɓo uwa Luba gə rɔ-ɛ gə Mbay lə-a to gə ngon gə njɛ̰ be ang nama a kandə ɓeko̰ lə-a ang magə.

Lugu 18:29

Jeju pa ar-je na: Tar gə tɔgərɔ ja, m-pa m-ar-si, to gə ɓo dəw ḭya̰ kəy lə-a, gə ngan ko̰-ɛje, gə ko̰ nan-ɛje, gə ko̰-ɛje, gə bɔ-ɛje, gə ngan-ɛ ose ndɔje mba ɓeko̰ lə Luba nama,

Lugu 23:43

Jeju ila kəne na: Tɔgərɔ, m-pa m-ar-i, ɓogəne ja a ga̰ sə-m naa gə kara baa mə dara gə.

Lugu 4:24

N-təl pa n-ar-je ja cibi na: M-pa tar gə tɔgərɔ m-ar-si, pajambərə le, d-ila kuji dɔ-ɛ gə mə ɓe kuj-e gə ang.

Jean 1:51

Tar gə tɔgərɔ ja m-pa m-ar-si, a koje ta dara a cɛ̰, ngaɓa anjije lə Luba d-a kal kaw taar gə ɗisi kuru nangə dɔ Ngon lə dəw gə.

Jean 10:1

Tar gə tɔgərɔ, m-pa m-ar-si, dəw gə andə mə kinga gə lə badəmje gə ta ɗəw ang, ngaa al dɔ-ɛ gə lo gə mbɔr kara ɗaa, nj-ɛ nee le to gə nje ɓogo ngaɓa gə gayim nəm tɔ.

Jean 10:7

Jeju təl pa to gə ɗangə cibi na: Tar gə tɔgərɔ ja, m-pa m-ar-si, m-to gə ta ɗəw kandə lə badəmje.

Jean 12:24

Tar gə tɔgərɔ ja, m-pa m-ar-si, to gə ɓo kandə ko gə ri-a na bəle, gə oso nangə le uy ang nama, to gə kar-ɛ baa, ngaa to gə ɓo uy nama unda mbənji-mbənji.

Jean 13:16

Tar gə tɔgərɔ ja m-pa m-ar-si to gə ngon njekula to ɓəəl unda ꞌɓəə-eje ang ngaɓa njeka̰ykula kara to ɓəəl unda nje kula-a ang tɔ.

Jean 13:38

Jeju ila-a kəne na: Kḭya̰ rɔ-i kar yo mba tar lə-m ꞌma! Tar gə tɔgərɔ ja, m-pa m-ar-i, a ma̰y tar gɔl munda na ꞌgərə-m ang ɗɔdə ɓa kura̰ a kila mbərə ɓi.

Jean 14:12

Tar gə tɔgərɔ ja, m-pa m-ar-si, dəw gə ta kagə-m nama ye kara a ɗa kulaje gə ꞌma m-ɗa nee le tɔ; n-a ɗa yeje gə bo ya̰ unda mar-ɛje ja cibi, mba m-aw gə rɔ Bɔy gə.

Jean 16:20

Tar gə tɔgərɔ ja m-pa m-ar-si, a suumje ngaɓa a noje rɔ-si, ngaa dɔ nangə ɗaa a ɗa rɔləl; kəm-si a ɗa ndoo, ngaa kəm ndoo lə-si a təl to gə rɔləl.

Jean 16:23

Be ɓa, dɔ ndɔ-ɛ gə əng le a dəji-mje tar ɔji dɔ ne kara ang ngaa. Tar gə tɔgərɔ ja, m-pa m-ar-si, ne gə ꞌdəjije Bɔy gə ri-m nama, n-a kar-si ne le ja.

Jean 21:18

Tar gə tɔgərɔ ja, m-pa m-ar-i, logə ꞌI ꞌnay basa̰ baa ɓi le ꞌI ja uwa ɓərə-i gə gagəra, ngaɓa lo gə mə-i njigi ja ɗaa aw kəne, ngaa logə a ɓuga ɗaa a kum ji-i yaw ɗaa dəw gə ɗangə ɓa a tɔ gagəra lə-i ɓərə-i gə mba kaw sə-i lo gə ꞌI a njigi ang baa.

Jean 3:11

Tar gə tɔgərɔ, tɔgərɔ ja m-pa m-ar-i to gə, ne gə j-a gərə nəm, gə j-o gə kəm-si nəm ɓa ja pa tar naj-ɛ, ɗaa sisəy njigi-je tar naji lə-sijee ang.

Jean 3:3

Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang.

Jean 3:5

Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang.

Jean 5:19

Be ɓa, Jeju ila-je kəne na: Tar gə tɔgərɔ ja, m-pa m-ar-si, Ngon asə ɗa ne kara gə dɔ rɔ-ɛ baa ang, be ang nama, ne gə n-o bɔ-ɛje lo ɗ-ɛ gə ja ɓa; ne gə Bɔ ɗa nama, Ngon kara ɗa ja tɔ.

Jean 6:26

Jeju ila-je kəne na: Tar gə tɔgərɔ ja, m-pa m-ar-si, ꞌsangə-mje mba netɔjije gə oje ang, ngaa mba mbə gə usaje ar-je mə-si ci tub-tub.

Jean 6:32

Be ɓa, Jeju pa ar-je na: Tar gə tɔgərɔ ja, m-pa m-ar-si, to gə Moyiji ɓa ar-si mbə gə ḭ dara ang ngaa Bɔy ɓa ar-si mbə gə tɔgərɔ gə ḭ dara,

Jean 6:47

Tar gə tɔgərɔ ja, m-pa m-ar-si, dəw gə ta kagə nama inga təbə gə to gə no.

Jean 6:53

Jeju pa ar-je na: Tar gə tɔgərɔ ja, m-pa m-ar-si, to gə ɓo usaje darɔ Ngon lə dəw ang nəm ngaɓa ayje məs-e ang nama təbə godo mə-si gə.

Jean 8:34

Jeju ila-je kəne na: Tar gə tɔgərɔ ja, m-pa m-ar-si, dəw gə ɗa neɗa gə kṵra̰y nama to ɓərə lə neɗa gə kṵra̰y.

Jean 8:51

Tar gə tɔgərɔ ja, m-pa m-ar-si, to gə ɓo dəw um m-e dɔ tar gə lə-m jəb-jəb nama, a ko yo gə kəm-e ang ja saar gə no.

Jean 8:58

Jeju pa ar-je na: Tar gə tɔgərɔ ja, m-pa m-ar-si, kede nam ɓa kar d-uji Abəraham le, ꞌma m-ga̰.

1 Piyɛr 1:25

Ngaa tar lə Mbayɓe to saar-saar gə no. Tar gə nee le ja ɓa to Tar gə May gə d-ila mbər-e d-ar-si.

Apocalypse 20:11

Be ɓa m-o ngəndəng mbay gə boy gə nda, ngaɓa dəw gə isi dɔ-ɛ gə tɔ. Dara je gə nangə d-a̰y no-ɛ gə d-aw əw, toro-je kara dəw o ang.