Matiye 5:16 - Mbede Lə Luba Kone Gə Sigi

¹⁶ Be ɓa ar-je pər lə-si ndogo no dəwje gə, mba kar d-o ne neɗa-sijee gə may-may, ngaɓa d-a kɔsə ne gaji Bɔ-sijee Luba gə isi mə dara gə.

Testament ke Siki 1960 (Kabba Laka)

¹⁶ Aridjé lokarè losè ndokoo kem dooudjé té, baa ta karedè do koula ke madji losè, ke ta kòsou gadji Bòsésè ke éh dara.

Matiye 5:16 ပူးပေါင်းရင်းမြစ်များ

Matiye 23:5

ꞌƊa kulaje lə-je tɔ̰y mba tɔji ne rɔ-je kar dəwje d-o neje. To gə be ɓa d-um ngon ku ndaar gə bo ꞌtɔ ɓida noje ose kagə ji-je gə, cibi ꞌɗaje ta njəbə kubuje lə-je d-ar-ɛ tadə.

Matiye 23:9

Ngaɓa ꞌɓarəje dəw kara nangə ne bɔ ang, mba dəw kara ɗəgədə baa to Bɔ-sijee, ye gə isi dara.

Matiye 5:45

Be ɓa sisəy a toje ne nganje lə Bɔ-sijee gə isi mə dara gə, mba n-ar kar ɔsə dɔ njeməndulje gə nəm gə njeməmayje gə nəm tɔ, ngaɓa n-ar nji ər ndɔɔ lə dəwje gə gadə-gadə gə nje ɗa ne dɔ buguruje naa gə tɔ.

Matiye 6:16

Logə ꞌtɔlje mə-si ɓo ɗaa, ꞌɗaje kəm-si to ndoo ang, to gə njetar mulaje gə ɗa kəm-je to ndoo ɓa gə mba tɔji ne dəwje to gə ꞌtɔl mə-je ɓo. Tɔgərɔ ja, m-pa m-ar-si to gə d-inga nekuga dɔ ji-je nam.

Matiye 6:9

Oje pa dəji Luba gə a dəji-je le ɓa nee: Bɔ-sijee gə isi mə dara gə, May kar ri-i to ɓədə gə losang-ɛ;

Matiye 9:8

Logə bula dəwje d-o be ɗaa, lo tar igi-je sɛl, ar d-ɔsə ne gaji Luba gə nje kar dəwje singamongə gə to gə be.

Lugu 11:2

Jeju pa ar-je na: Logə ꞌdəji-je Luba ɗaa, ꞌpaje na: Bɔy! May kar ri-i to ɓədə gə losang-ɛ; May kar ɗe o̰ ɓe dɔ si gə

Jean 15:8

Ɗəw gə Bɔy a kinga ne riɓar le ɓa to nee: kar-sisəy andəje mbənji-mbənji ngaɓa kar ꞌtoje gə ngan njenendoje lə-m tɔ.

Koula 9:36

Ngon njenendo gə jene kara ri-a na Tabita, gə ꞌɓar-ɛ Dɔrəkas gə tar gərɛk isi mə ɓe gə Jope. Jene nee le, ɗa neɗa gə may ya̰ ngaɓa ar njenekɔyje ne nəm.

1 Corinthiendjé 14:25

Neje gə iya rɔ-je dɔ ɓəngər-e gə ꞌkila rɔ-je gə ɗaga. Be ɓa n-ce n-uwa nangə burugə, n-unda ꞌburamba no Luba gə n-polo-e ngaɓa n-pa na: Tɔgərɔ ja Luba ga̰ horo-sisəy gə.

2 Corinthiendjé 9:13

Logə dəwje d-o singa kula gə ꞌɗaje nee ɗaa, d-ila ne riɓar dɔ Luba gə ɔji dɔ kila kuji lə-si dɔ Tar gə May gə lə Kirisi gə ta-je, ngaɓa ɔji dɔ nenuji kar mə kara gə ꞌɗaje gə je, ngaɓa gə dəwje tɔ̰y.

Galatedjé 1:24

Ɗaa ꞌpidije nee Luba mba tar lə-m.

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Ephésiendjé 5:8

Sisəy le ɗaa, kede ləw ꞌtoje gə cil ciməri, ngaa ɓisine ɗaa ꞌtoje gə lokarə gə mə Mbayɓe gə ngaa. ꞌNjaje to gə ngan lokarəje be;

1 Thessaloniciendjé 2:12

J-a ndəji-si, gə j-ula jingaw mə-si gə ngaɓa j-ar gə si taar jigiri kar pa nja-si ta kəm Luba gə ɓar-si kar-si andə-je ɓeko̰ gə lə-a gə dan rɔnduba gə lə-a.

1 Timoce 2:10

Ngaa d-a tɔji mandə lə-je gə go ɗəw kula ɗa-je gə gə maj-ɛ. Ye ɓa to gə ndu kun lə jeneje gə d-ila kuji dɔ Luba gə.

1 Timoce 5:10

may kar neɗaje lə-a gə may to ɗaga pay-pay kəm dəwje gə: ɗəw siri ngan-ɛ gə gə maj-ɛ, ɗəw kuwa mbaje gə, ɗəw togo gɔl njetakagəje, ɗəw la gə nje gə d-isi dan nekəmtondoo gə, ɗəw ɗa ne gə may gə lo-e lo-e.

1 Timoce 5:25

Ɗəw kara baa, neɗa gə may le tɔji rɔ-ɛ gə ɗaga, ngaa neɗa gə kṵra̰y le to lokiya gə ang tɔ.

1 Timoce 6:18

Ula-je mba kar-je ꞌɗa may, mba kar ꞌto baw neɗaje gə may. D-un ne d-ar gə məmay ngaɓa d-a to gə njekay ne dəwje pə-pə.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Tite 2:7

dan neje gə tɔ̰y le, ꞌi ja un rɔ-i gə ne kɔji mar-ɛ ɗəw ɗa kulaje gə may gə, ngaɓa ꞌtɔji tar gə tɔgərɔ ja, gə a kasə kəm ta ji joo

Tite 3:14

May kar njekar-sijee kara ndo ne kula ɗa gə may dɔ-je gə kede-kede mba kar ndɔ gə ne ce dɔ-je gə bus nama ꞌɗa ne, be ɓa kandə takagə lə-je a to ne.

Tite 3:4

Ngaa logə Luba gə njekaji-si kila ɗa may lə-a gə njigi lə-a gə ɗaga ɔji dɔ dəwje tɔ̰y,

Ebərəje 10:24

J-a tɔsə-je kəm-si dɔ naa gə gə yo gə nee, j-a ndəjije naa dɔ nuji gə ngaɓa gə dɔ kula ɗaje gə may gə.

1 Piyɛr 2:12

Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

1 Piyɛr 3:1

Sisəy jeneje kara, may kar ulaje dɔ-si no ngaw-sijee gə, mba kar nje gə ꞌmbadə ta kagə tar le, pa nja lə jeneje turuje ar ꞌtəl ꞌta ne kagə,

1 Piyɛr 3:16

ɗaa ꞌpaje gə ndu gɔsə gə kul yururu gə kila kuji, ar-je kəji gə may ɓa uwa mə-si, mba kar lo gə d-aw ꞌpa gə si kəne nama, rɔ kul ɗa ne nje pa tarje gə kṵra̰y dɔ pa nja-si gə may gə ɗəw gə lə Kirisi.

1 Piyɛr 4:11

Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.

1 Piyɛr 4:14

To gə ɓo ꞌtaji-si mba ri Kirisi nama, ꞌtoje njenokarəje, mba Njil rɔnduba gə to Njil lə Luba nay gə si.