Matiye 3:11 - Mbede Lə Luba Kone Gə Sigi

¹¹ ꞌMa m-ɗa-si batɛm mə man gə, ɔji dɔ turu kəji, ngaa dəw gə njekore go-m le singamong-ɛ nday-m, ngaɓa m-asə kɔr sabɔgɔ gɔl-ɛ gə ang. ꞌNe ɓa n-a ɗa si batɛm lə Njil Njerɔsangə gə pər.

Testament ke Siki 1960 (Kabba Laka)

¹¹ Mam ndasè baptême ke man mbata mbetidjé kedji né da ke madjang, a nè ke nao ndé gom té noutam ke singa, ma mase kwaa ndar kongou gòlè ang. Nè na dasè baptême ke Ndil ke madji toï ke pourou tò.

Matiye 3:11 ပူးပေါင်းရင်းမြစ်များ

Matiye 3:6

ɗaa ꞌce gəl rɔ-je dɔ neɗa gə kṵra̰y gə lə-je gə ɗaga ngaɓa Ja̰ ɗa-je batɛm mə babo gə Jurədɛ̰ gə.

Marəke 1:4

Ja̰ ce ɗa batɛm ndag lo gə, ngaɓa ila mbərə batɛm kar turu kəji mba kar ɔr tar neɗa gə kṵra̰y dɔ dəwje gə.

Lugu 1:17

N-aw no Luba gə njil gə singa lə Eli mba ɗe gə məlom horo bɔ nganje gə nganje gə, mba gɔl kəji lə dəwje gə njembadə tar kar təl to dəwje gə gadə-gadə, ɓa gə mba gɔl-je gə gəl dəwje may kar Mbayɓe.

Lugu 3:16

Ja̰ ila-je kəne na: ꞌMa, m-ɗa-si batɛm mə man gə, ngaa dəw gə aw ɗe le to ɓəəl ya̰ unda-m, ngaɓa n-to dəw gə m-asə tudu kula sabɔgɔ lə-a ang. Be ɓa, ꞌne le, n-a ɗa si batɛm gə Njil Njerɔsangə gə pər.

Lugu 3:3

Ja̰ aw dɔ nangə gə Jurədɛ̰ gə tɔ̰y. N-ila mbərə batɛm kar turu kəji mba kar ɔr tar neɗa gə kṵra̰y dɔ dəwje gə.

Jean 1:15

Ja̰ Njeɗabatɛm pa tar naji lə-a, ila ne ndu-e nangə ɓolong na: Dəw gə nee le ɓa m-pa tar lə-a kede m-pa na: Dəw gə ore go-m le, ɗe no-m gə kede nam, mba n-ga̰ kede nam ɓa d-uji-m ꞌma ɓi.

Jean 1:30

Dəw gə m-pa tar lə-a m-pa na: Dəw gə ore go-m le, ɗe no-m gə kede nam, mba n-ga̰ kede nam ɓa d-uji-m ꞌma ɓi.

Koula 1:5

Mba Ja̰ ɗa dəwje batɛm mə man gə, ngaa sisəy ɗaa ndɔ nay ba̰y ang baa Luba a ɗa si batɛm gə Njil Njerɔsangə.

Koula 19:4

Be ɓa Pɔl pa na: Ja̰ le ɗa dəwje batɛm kar turu kəji, mba n-pa n-ar dəwje kar ꞌta kagə dəw gə a ɗe go ꞌne gə, Jeju ɓa kar ꞌta kag-ɛ.

Koula 8:36

Logə d-aw dɔ-je gə kede ɗaa ꞌce ta man dangə gə ɗaa ꞌmbakudu le na: Man a to nee ngaa ɗi ɓa a kɔgə-m kar-i ꞌɗa-m batɛm wa?

Koula 8:38

N-un ɗəw n-ar njekuwa ta pusu kunda lə-a ar nangə ngaɓa ꞌJejee joo kɛm d-uru mə man gə, Pilibi nəm ɓa ꞌmbakudu le nəm ɗaa n-ɗ-ɛ batɛm.

1 Corinthiendjé 12:13

Mba mə Njil gə kara ɗəgədə nee ja sijee tɔ̰y gə ja to darɔ gə kara baa le, ꞌɗa-si batɛm tɔ̰y kəne, Jiibije, gə nje gə to Jiibije ang, gə ɓərəje, gə nje dɔ-je to doy, ngaɓa Njil gə kara nee le ja tɔl kunda lə-si tɔ̰y.

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

Tite 3:5

ɗaa mba kula ɗa-si gə gadə-gadə ɓa n-aji ne si ang, ngaa to gə məmay lə-a gə n-togo-si ne ɗəw kuji gə sigi gə ngaɓa gə go Njil Njerɔsangə gə ar-si təbə gə sigi.

1 Piyɛr 5:5

Ɗəw kara baa, basa̰je, osoje kul no ngatɔgəje gə. Kula gə aw ɗaje horo naa gə le, ar-je kula dɔ ngulum ɓa o̰ dɔ-si, mba Luba ɔsə njekunda karje ngərəng, Ngaa n-ar mənuji lə-a nay gə nje gə d-ula dɔ-je ngulum.