Matiye 26:55 - Mbede Lə Luba Kone Gə Sigi

⁵⁵ Dɔ kar-ɛ gə əng ja Jeju turu kəm-e pa ar bula dəwje le na: ꞌƊeje gə kiya bayje gə guruje ɓa uwa-mje ne to gə d-uwa ne gayim be. ꞌMa le m-isi mə kəy gə lə Luba gə ndɔje tɔ̰y ja, m-tɔji ne kəne nəm ngaa uwa-mje ang.

Testament ke Siki 1960 (Kabba Laka)

⁵⁵ Lé té ndja Jésus pa are dooudjé ke baya baya, Sésè edéidjé ao sangemdjé tokou ndjè boukou ke kiaa ke kake ta kwaam wa? Ke ndò ke ndò ma misi mè tokou kei Allah té ntòdjou tar, a sésè waamdjé ang.

Matiye 26:55 ပူးပေါင်းရင်းမြစ်များ

Matiye 21:23

Jeju aw mə kəy gə lə Luba ɗaa, logə n-aw n-tɔji dəwje ne be ɗaa, buba njekapoloje gə buba ɓeje ꞌɗe d-inga-a ꞌdəji-e na: Inga ndu nee ta na gə ɓa aw ɗa ne ne gə nee le wa? Ose na ɓa ar-i ndu mba kar-i ꞌɗa ne wa?

Matiye 26:47

Logə n-aw n-pa tar t-ɛ gə baa ɓi ja ɗaa, Judas gə to kara lə ngan njenendoje gə dɔg gə gir-je gə joo le, ce pɔɔ gə bula bo dəwje gə d-uwa kiya bay gə ngal gə guruje ji-je gə. Buba njekapoloje gə buba ɓeje ɓa d-ula-je

Marəke 10:1

Jeju oso ɗəw boo mba kaw gə dɔ nangə gə Jude, tura man Jurədɛ̰ gə. Bula dəwje mbo̰ naa mbɔr-ɛ gə, n-təl n-tɔji-je ne gɔl kara ja cibi, to gə n-aw n-ɗa ne kede-kede.

Marəke 12:35

Jeju un tar pa aw tɔji ne mə kəy gə lə Luba. N-dəji-je na: Na ban ɓa njekɔr gəl toronduje ꞌpa na Kirisi to gə gəl kuji gə lə Dabidi ɓi wa?

Lugu 19:47

Jeju tɔji ne gə ndɔje tɔ̰y mə kəy gə lə Luba. Buba njekapoloje, njekɔr gəl toronduje gə buba ɓeje ꞌsangə ɗəw gə mba tɔl-ɛ.

Lugu 20:1

Ndɔ kara be, Jeju aw tɔji dəw mə ɓeje ne mə kəy gə lə Luba ngaɓa ila mbərə Tar gə May ɗaa, buba njekapoloje gə njekɔr gəl toronduje ngaɓa buba ɓeje ꞌce pɔɔ d-inga-a.

Lugu 4:20

Logə Jeju kə mbede le, iya̰ ar njengom-ɛ, ɗaa kəm dəwje tɔ̰y gə d-isi mə kəy nendo gə le to gə dɔ-ɛ gə.

Jean 7:14

ꞌƊa nay ꞌce dana bab ɗɔdə ɗaa, Jeju ɔdə aw mə kəy gə lə Luba aw ndo dəwje ne.

Jean 7:28

Be ɓa, Jeju gə aw ndo ne mə kəy gə lə Luba le, ila ndu-e nangə ɓolong pa na: ꞌGərə-mje ngaɓa ꞌgərəje lo m-ḭ kəne! Ngaa ꞌma ɓa m-ɗe gə dɔ rɔ-m ang. Njekula-m le to dəw gə dana gadə, ꞌne gə sisəy ꞌgər-eje ang le.

Jean 8:2

N-təl n-aw kəy lə Luba gə ji dɔɔɓe baa ɗaa dəw mə ɓeje tɔ̰y ꞌɗe rɔ-ɛ gə. Ɗaa n-isi nangə n-aw ndo-je ne.

Jean 8:20

Jeju ar lo gə d-unda ka nenuji kəne ɓa pa tarje nee le, netɔji le n-tɔji mə kəy gə lə Luba ja ngaa dəw kara kara uwa-a ang, mba kar lə-a asə ang ɓi.