Matiye 26:52 - Mbede Lə Luba Kone Gə Sigi

⁵² Ɗaa, Jeju pa ar-ɛ na: ꞌTəl gə kiya bay lə-i ula lo-e gə; mba dəwje tɔ̰y gə d-ɔr kiya bay dɔ ngan marəje-je gə le d-a kuy yo kiya bay ja tɔ.

Testament ke Siki 1960 (Kabba Laka)

⁵² Jésus pa arè, Etél oula kiaa loi bòlè té, mbata dè dè toï ke doun kiaa da kwoei deo kiaa té.

Matiye 26:52 ပူးပေါင်းရင်းမြစ်များ

Matiye 5:39

Ngaa ꞌma, m-ndəji-si kar ꞌdalje ba̰a̰ məndul gə dəw ɗa gə si ang ne ɓo dəw unda kambɔr-i gə dɔ kɔl nama ꞌturu ye gə dɔ gəl ar-ɛ tɔ.

Romaindjé 12:19

Ngan ko̰-mje gə m-njigi-si ya̰, ꞌdalje ba̰a̰ lə-si gə darɔ-si ang, ngaa ḭya̰je wungu lə Luba ar-je ɗa kula, mba ꞌɗa mə mbede gə na: Dal ba̰a̰ to kar ꞌma, kɔr gira to kar ꞌma, ɓa Mbayɓe pa be.

1 Thessaloniciendjé 5:15

Oje gə maj-ɛ, may kar dəw kara kara ɗa kṵra̰y toro mar-ɛ gə ang; ngaa ꞌsangəje ɗəw ɗa may ja jaga-jaga horo naa gə ngaɓa gə dəwje tɔ̰y.

1 Piyɛr 3:9

Dəw ɗa si kṵra̰y nama ꞌɗ-ɛje kṵra̰y ba̰a̰ mar-ɛ gə ang nəm, ngaɓa ꞌtaji-si kara ꞌtəl ꞌtajije dəw toro mar-ɛ gə ang, sisəy ɗaa ndu ɓa ꞌtɔrje dɔ dəw gə, mba ye ɓa ꞌɓar-si mb-ɛ, mba kar ingaje ndu tɔr gə neduba.

Apocalypse 13:10

To gə ɓo dəw gə kar d-uwa-a ɓərə nama d-a kuwa-a ɓərə. To gə ɓo dəw gə kar ꞌtɔl-ɛ gə kiya bayi nama d-a tɔl-ɛ gə kiya bayi. Kar gə nee le, to kar gə kar njerɔsangəje d-uwa gədərə dɔ takagə gə.

Apocalypse 16:6

Mba d-um məsə njerɔsangəje gə pajambərəje nangə ɗaa, ꞌI ar-je d-ay məsə, asə kəm ɗa gə je be ja.