Matiye 26:24 - Mbede Lə Luba Kone Gə Sigi

²⁴ ꞌMa gə Ngon lə dəw m-a kuy to to gə Mbede lə Luba pa. Ngaa tuji a kuba dəw gə a kun dɔ-m! May kar kuji ja kara d-uji-e ang.

Testament ke Siki 1960 (Kabba Laka)

²⁴ Ngon lo doou ao deo kadaba tokou maketourou lo Allah pa tar la, a ongou a kö doou ke ndoko Ngon lo doou. To madji wota kare doudjou dooun lé ang.

Matiye 26:24 ပူးပေါင်းရင်းမြစ်များ

Matiye 18:7

Tuji to kar dəwje gə dɔ nangə nee mba ɗəw gə dəw a koso dan neɗa gə kṵra̰y gə. Ɗəw gə dəw a koso ne dan neɗaje gə kṵra̰y gə le a to ja, ngaa tuji uba dəw gə to ɗəw koso dan neɗa gə kṵra̰y gə!

Matiye 26:31

Be ɓa Jeju un tar pa ar-je na: Cil ne ja, m-a təl to jigi tuga lə-si tɔ̰y, mba ꞌpa mə mbede gə na: M-a kunda njekuul daje ɗaa badəmje lə-a d-a jɛ̰rɛ̰ naa.

Matiye 26:54

Tar lə Luba gə ꞌɗa mə mbede le a kaw lo-e gə ang wa? Mba ꞌpa na ne a ɗa ne to to gə be ja ang wa?

Matiye 26:56

Ngaa neje nee tɔ̰y ɗe to gə be mba kar tarje tɔ̰y gə pajambərəje ꞌpa le aw ne lo-e gə yɛrɛrɛ. Be ɓa ngan njenendoje lə-a tɔ̰y ja d-a̰y d-iya̰-a.

Marəke 14:21

Tɔgərɔ ja, ꞌma gə Ngon lə dəw m-a kuy to to gə Mbede lə Luba pa. Ngaa tuji a kuba dəw gə a kun dɔ-m! May kar kuji ja kara d-uji-e ang.

Marəke 9:12

Jeju ila-je kəne na: Eli a ɗe kede ja ɓa gə mba gɔl neje tɔ̰y. Ngaa mba ɗi cibi ɓa ꞌɗa mə mbede gə na ꞌne Ngon lə dəw n-a ko ko̰ ne ya̰ ngaɓa d-a dab-ɛ dasəra le wa?

Lugu 22:22

Tɔgərɔ ja, ꞌma gə Ngon lə dəw m-a kuy to gə ꞌgɔl ne kede. Ngaa tuji a kuba dəw gə a kun dɔ-m.

Lugu 24:46

Ngaɓa n-pa n-ar-je na: To gə ꞌɗa mə mbede na: Kirisi le, a ko ꞌməsərə ngaɓa ndɔ gə njekum gə munda lə-a ɗaa, n-a ndol horo nje gə d-uy gə.

Jean 17:12

Logə m-ga̰ gə je le, ri-i gə unda dɔ-m gə le ja ɓa m-ngom neje; m-a dɔ-je kər-kər ɗaa dəw kara kara igi horo-je ang, ngaa ngon lə nje tuji ja gə kar-ɛ baa, mba kar tar lə Luba gə Mbede gə le, aw ne lo-e gə ja yɛrɛrɛ.

Jean 19:24

Ɗa ꞌpa tar horo-je gə na: Ja cirje kubu le ang, ngaa ja ɗaje ꞌya̰a̰ se na ɓa a to gə k-ɛ wa? To to gə be mba kar tar gə Mbede pa aw ne lo-e gə ja yɛrɛrɛ: Kay naa kubu lə-m Ngaɓa kubu lə-m gə boy yul kara ꞌɗa ꞌya̰a̰ d-ɔji ne dɔ-ɛ tɔ. Ne gə njeɗɔje ꞌɗa le ɓa kən.

Jean 19:28

Go-e gə gugu, mba kar tar lə Luba aw ne lo-e gə yɛrɛrɛ le ɗaa, logə Jeju o to gə neje uwa ta naa bɛm ɗaa, pa na: Kunda ɔr-m.

Koula 2:23

Dəw gə nee, gə Luba ila-a mə ji-si gə le, Luba gərə neje gə a ɗa-je sə-a kede nam ɓa ar-je dəwje gə ꞌɓəəl Luba ang ꞌɓər-e kagə dəsə gə d-ar-ɛ n-uy.

Koula 28:23

Go-e gə ɗaa d-ila ndɔ d-ar-ɛ ngaɓa ꞌɗe bula d-inga-a lo to-e gə. Logə n-ɔr gəl tar lə-a le ɗaa n-ɗa tar naji gə ɔji ɓeko̰ lə Luba ngaɓa n-sangə ɗəw torondu gə lə Moyiji ngaɓa gə mbede lə Pajambərəje, mba cɛdə ne singa-je ɔji dɔ Jeju, un kud-e gə ndɔɔ ja saar ce kar kumatagə.

Koula 4:28

Mba ɗa ne gə ji-i gə kəji lə-i tɔ kede nam.

1 Corinthiendjé 15:3

Ne gə ꞌma m-inga ja, m-ar-si dɔngɔr: Gə go tar mə mbede gə ɗaa Kirisi uy mba neɗaje gə kṵra̰y lə-si;