Matiye 24:14 - Mbede Lə Luba Kone Gə Sigi

¹⁴ D-a kila mbərə Tar gə May gə ɔji dɔ ɓeko̰ nee le dɔ nangə nee tɔ̰y ja, gə tar naji horo gəl kuji dəwje gə tɔ̰y. Ngaɓa ɗudu ndɔ a ɗe ɓi.

Testament ke Siki 1960 (Kabba Laka)

¹⁴ Da pa tar ke madji béh kö nèn dò nange té nèn toï to tar nadji kare gel dooudjé toï, gè té nèn ndò ke goukou a dé.

Matiye 24:14 ပူးပေါင်းရင်းမြစ်များ

Matiye 10:7

Aw awje ɗəw boo ɗaa, ila-je mbərə to gə ɓeko̰ gə dara nay əw ang baa,

Matiye 18:19

Tɔgərɔ, m-təl m-pa m-ar-si ja cibi, ne gə ban-ban ja ɓa ndu dəwje joo asə naa kəne dɔ nangə nee, ɓa ꞌdəji nama, Bɔy gə isi dara a kar-je ja.

Matiye 24:3

Jeju isi dɔ wuri gə kagəje gə ꞌɓar-ɛ Olibiyeje ar kəne, ɗaa ngan njenendoje lə-a ꞌɗe rɔ-ɛ gə kar-ɛ baa ꞌdəji-e na: ꞌPa ar-si j-o, ndɔ gə ɗa ɓa neje nee le a ɗe ne wa? Ngaɓa ɗi ɓa to ne gə tɔji ndɔ ɗe lə-i gə ndɔ gə ɗudu le wa?

Matiye 24:6

Sisəy a koje tar ɗɔje gə kɔr neɗɔje gə a ɓar: Əwje rɔ-si kar mə-si gangə man, mba to ne gə a ɗe. Ngaa to ɗud-e ang ɓi.

Matiye 4:23

Jeju nja dɔ nangə gə Galile tɔ̰y, tɔji dəwje ne mə kəy nendoje gə lə Jiibije, ngaɓa ila mbərə Tar gə May ɔji dɔ ɓeko̰ nəm, aji njerɔko̰je ɓədə-ɓədə gə njeməndəje ɓədə-ɓədə horo dəw mə ɓeje nəm tɔ.

Matiye 9:35

Jeju nja gə ɓeboje tɔ̰y gə ngan ɓeje, tɔji dəwje ne kəy nendoje gə, ila mbərə Tar gə May gə ɔji dɔ ɓeko̰ nəm ɓa, aji njerɔko̰je ɓədə-ɓədə gə njeməndəje ɓədə-ɓədə nəm tɔ.

Marəke 13:10

Dɔngɔr-ɛ ja ɗaa may kar d-ila mbərə Tar gə May nee le d-ar gəl kuji dəwje tɔ̰y ɓa.

Lugu 2:1

Dɔ ndɔ-ɛ gə əng le, mbay gə boy Sejar Ogusəd un ndu mba kar d-unda ri dəwje tɔ̰y mə mbede gə dɔ nangə gə Rɔm tɔ̰y.

Lugu 24:47

Ɗaa, d-a kila mbərə turu kəji gə kar kɔr tar neɗa gə kṵra̰y gə ri-a dɔ gəl kuji dəwje gə tɔ̰y, a kun kud-e mə ɓe gə Jerujalɛm gə.

Lugu 4:5

ꞌSɛ̰ngərɛ̰ ɔr-ɛ aw sə-a dɔ ər gə ndə̰w̰ ya̰ gə ɗaa, kəm naa gə nee ja tɔj-ɛ ɓeko̰je tɔ̰y gə dɔ nangə nee.

Koula 1:2

Saar ce ne dɔ ndɔ gə Luba ar-ɛ n-uba nangə n-ḭ n-aw dara. N-mbərə dəwje gə njeka̰ykulaje lə-a ngaɓa nam ɓa kar Luba ar-ɛ nḭ n-aw dara ɗaa n-un ndu n-ar-je ɗəw gə lə Njil Njerɔsangə.

Koula 11:28

Dəw kara horo-je gə ri-a na Agabus uba nangə ḭ pa tar ɗəw gə lə Njil na ɓo bo a koso gə dɔ nangə tɔ̰y. Ɓo bo le oso ɓal ko̰ ɓe gə lə Kolodə tɔ.

Koula 17:31

mba n-ɔr ndɔ kara n-unda doy, gə n-a gangə ne tar gə ɗəw gə gadə-gadə dɔ dəwje tɔ̰y gə dɔ nangə gə nee. N-ɔr dəw kara n-unda-a kar ye ɓa a ɗa tar nee le, uy ɓa təl ce mə buwa yo gə kəm kar dəwje ꞌta kag-ɛ.

Koula 17:6

Ngaa logə d-aw ɗaa d-inga-je ang, be ɓa ꞌndɔr-je Jaso̰ je gə ngan ko̰ naaje gə kɛm ꞌɗe gə je no nje gangə tarje gə d-uru ne ꞌkuwi dɔ-je gə na: Dəwje gə d-ar nee ja ꞌturu kəji lə dəwje gə ɓe-ɓe ngaɓa ɓogəne ꞌce ɓe lə-si nee,

Koula 19:27

Ne gə d-aw ɗa nee le a tuji riɓar gə ɔji dɔ kula lə-si baa ang ngaa a təl no ngɔ polo magə gə boy gə jene ri-a na Arətemis le gə ne gə baa ngaɓa polo gə dəwje gə ɓeko̰ gə Aji gə dɔ nangə tɔ̰y d-aw pol-e le a kunda nangə.

Koula 20:25

Ngaɓa ɓisine oje: M-gərə to gə a təl koje kəm ang gə dɔbo̰, sisəy tɔ̰y gə m-pa tar ɓeko̰ lə Luba horo-si gə.

Romaindjé 10:18

Ngaa m-pa na: Ko ɓa d-o ang wa? Ngaa gə Ndu-je ta lo dɔ nangə nee tɔ̰y le, Ngaɓa tarje gə ꞌpa le ɔr sṵra̰ dɔ nangə njal.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Colossiendjé 1:6

Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

Ebərəje 1:6

Cibi, logə n-a kaw kula ngon-e gə to dəər dɔ nangə nee ɗaa, n-pa na: May kar anjije lə Luba tɔy ja d-ɔsə takəji-je nangə no-ɛ gə

Ebərəje 2:5

Be ɓa tar gə ɔji dɔ dəwje gə dɔ ndɔ gə bara gə j-a pa tar-ɛ le, anjije ɓa Luba a kar d-o̰ dɔ-je ang.

Apocalypse 14:6

M-o anji gə ɗangə kara ḭ bagə midi-midi mə dara gə taar. N-aw gə Tar gə May gə gə ndɔ gə ndɔ kara mba kila mbər-e kar dəwje tɔ̰y gə d-isi dɔ nangə gə: gəl kuji ang nəm, gəl ka ang nəm, ndo̰ tar ang ngaɓa dəw mə ɓeje ang nəm tɔ.

Apocalypse 16:14

ꞌTo gə njil gə kar njilje gə kṵra̰y gə ɗa netɔjije ngaɓa d-aw gə rɔ mbayje gə rɔ dəwje gə d-isi dɔ nangə nee tɔ̰y, mba mbo̰-je kila ne ɗɔ, dɔ ndɔ gə boy gə to kar Luba gə Njesingamongə.

Apocalypse 3:10

Mba ꞌngom tar lə-m uwa gədərə ɗaa, ꞌma kara m-a ngom-i dɔ kar nena gə a ɗe dɔ dəwje gə tɔ̰y, gə a kum dəwje gə dɔ nangə gə nee dan nena gə.