Matiye 23:13 - Mbede Lə Luba Kone Gə Sigi

¹³ Nekəmandoo to kar-sisəy, njekɔr gəl toronduje gə Parijiyɛ̰je gə to njetar mulaje! Mba uduje ta ɗew ɓeko̰ gə dara dɔ dəwje gə ngaɓa sisəy ja kara andəje kəne ang nəm, cibi ɔgəje nje gə mə-je njigi mba kandə kəne tɔ.

Testament ke Siki 1960 (Kabba Laka)

¹³ Ongou a dasè, ndjè da maketourou ndedjidjé ke Pharisiendjé, ndjè kere ngemdjé, mbata sésè òkidjé dooudjé béh ko ke dara, mbata sésè ndja abidjé mè té ang ke aridjé dèdè ke ndiki ta kao mè té ta kande kendé ang.

Matiye 23:13 ပူးပေါင်းရင်းမြစ်များ

Matiye 23:16

Nekəmandoo to kar-sisəy gə kəm-si tɔ nam ɓa ꞌpaje na a toje njekɔr no dəwje! Sisəy gə ꞌpaje na: To gə ɓo dəw uwa kəy lə Luba ugu ne rɔ-ɛ ɓa ɗa ne ang kara tar godo, ngaa to gə ɓo dəw uwa maa gə kəy lə Luba ɓa ugu ne rɔ-ɛ nama, a ɗa ne gə no ja ɓa.

Matiye 23:23

Nekəmandoo to kar-sisəy, njekɔr gəl toronduje gə Parijiyɛ̰je gə njetar mulaje! Mba ɔrəje ne ndu kara dan ne gə dɔg gə kɔr t-ɛ kara mə mbi kam uma gə, gə mbi kamje dang-dang, ɗaa iya̰je ne gə to ɓəəl unda mar-ɛje tɔ̰y mə torondu gə: ne gə gadə-gadə, ɗa məmay, gə to ngon kuji; ye ɓa to ne gə kəm kar-si ꞌɗaje lal kiya̰ kɛs-ɛ gə kɛm.

Matiye 23:25

Nekəmandoo to kar-sisəy, njekɔr gəl toronduje gə Parijiyɛ̰je gə njetar mulaje! Mba ꞌtogoje gir ngo kay man gə ngo kusa ne ar-je arə ngadə, ngaa neɓogoje, gə njekəm kə̰yje ɗusu m-e njḭ.

Matiye 23:27

Nekəmandoo to kar-sisəy njekɔr gəl toronduje gə Parijiyɛ̰je gə njetar mulaje! Mba ꞌta-je naa gə dɔbarə gə d-ɔr pɔr kəne gə to pə̰ ɗaga nee baa ngaa kinga nje gə d-uy ɗusu m-e njḭ ngaɓa ne gə ndum mbudugu ja tɔ̰y nəm tɔ.

Matiye 23:29

Nekəmandoo to kar-sisəy njekɔr gəl toronduje gə Parijiyɛ̰je gə njetar mulaje! Mba undaje dɔbarə pajambərəje lə Luba cibi ꞌgɔlje dɔbarə dəwje gə gadə-gadə ar-ɛje to pə̰,

Matiye 3:7

Logə n-o to gə Parijiyɛ̰je gə Sadusiyɛ̰je ꞌɗe bula ya̰ mba batɛm ɗaa n-pa n-ar-je na: Sisəy gə ꞌtoje to gə kondɔtɔlje be, na ɓa tɔji-si pa ka̰y wungu lə Luba gə aw ɗe le wa?

Lugu 11:52

Nekəmandoo to kar-sisəy, njekɔr gəl toronduje mba udu-je ɗəw gərə Luba, ngaɓa sisəy ja kara ꞌgərə-je ang nəm, cibi ꞌɔgəje ɗəw nje gə ꞌnjigi gər-e.

Jean 9:22

Nje kuj-eje ꞌpa tar to gə benəng mba ꞌɓəəl Jiibije. Jiibije d-o mə naa gə kede ɗɔdə mba kar to gə ɓo dəw kara pa na Jeju to gə Kirisi nama d-a tɔb-ɛ kəy nendo gə lə-je.

Jean 9:24

Parijiyɛ̰je ꞌɓar nje kəm tɔ le gə gɔl joo lə-a ɗaa ꞌpa d-ar-ɛ na: Ɔsə gaji Luba! Sijee j-a gərə to gə dəw gə nee le to gə njeneɗa gə kṵra̰y

Jean 9:34

D-ila-a kəne na: ꞌI gə d-uji-i gə nje neɗa gə kṵra̰y ja dɔngɔ doy d-ila-i nangə nee ja, ꞌI ngaa ꞌndo sijee ne wa; Ɗaa d-ɔs-ɛ d-ila-a ɗaga.

Koula 13:8

Ngaa Elimasə njembɛ̰, kɔr gəl ri-a le to to gə be, le ila kagə no-je gə, njigi mba kar njeko̰ ɓe le ta kagə ang.

Koula 5:28

J-un ndu j-ɔgə-si ne mba kar ꞌtɔji-je ne dəwje gə ri dəw gə nee le ang wa? Ngaa ꞌtaje mə ɓe gə Jerujalɛm ya̰-ya̰ gə ne tɔji lə-si ngaɓa njigije mba ɗaje kar tar məsə dəw nee le uwa dɔ sijee.

Koula 5:40

Be ɓa ꞌnjigi go tar gə lə-a. Ngaa ꞌɓarje njeka̰ykulaje le d-ar d-unda-je gə abəlay cibi d-un ndu d-ɔgə ne ɗəw mba kar ꞌpaje tar gə ri Jeju ang nəm, ngaɓa d-ḭya̰-je ɓi.

Koula 8:1

Be ɓa Sɔl njigi gə je go ꞌtɔl gə tɔl Etiyɛn le. Dɔ ndɔ-ɛ gə əng le nekəmandoo gə boy ja oso dɔ Mbo̰ naa lə njetakagəje gə d-isi Jerujalɛm ɗaa njeka̰ykulaje ja gə kar-je baa ꞌnay ngaa ꞌjejee tɔ̰y ja ꞌja̰rɛ̰ naa dɔ nangə gə Jude gə Samari.

2 Timoce 3:8

To to gə Janɛs je gə Jambɛrɛs d-ila ne karəw gə Moyiji dɔ ndɔ gə kede le ja tɔ a, dəwje gə əng le ꞌɗa to gə be gə tar gə tɔgərɔ tɔ, mba to dəwje gə kəji lə-je to gə maj-ɛ ang ngaɓa takagə lə-je kara to gə maj-ɛ ang tɔ.

2 Timoce 4:15

ꞋI kara a rɔ-i rɔ-ɛ gə ka, mba n-njigi tar gə j-a tɔji dəwje le ang.