Matiye 22:16 - Mbede Lə Luba Kone Gə Sigi

¹⁶ D-ula ngan njenendoje lə-je gə nje koso gəl Erɔdə gə je ɓə lə Jeju na: Njenetɔji, j-a gərə to gə ꞌto nje pa tar gə tɔgərɔ nəm, ꞌtɔji dəwje ɗəw lə Luba gə tɔgərɔ, ꞌɓəəl ne kəm dəw ang, mba ꞌi o pa kun darɔ lə dəwje gə ɗaga baa ang.

Testament ke Siki 1960 (Kabba Laka)

¹⁶ Dèdè doula ndjè kao godè té deo kadaba ke Hérodiendjé, dèdè mpana, Ndjè tòdjou tar, djèdjè ngeré i to doou ke gaté gaté, ke tòdjou deo tar lo Allah ke tokoro, ke i éh ke ròkoul lo doou kada ang, mbata i wo da rò dooudjé ang.

Matiye 22:16 ပူးပေါင်းရင်းမြစ်များ

Matiye 22:24

Njenetɔji, Moyiji pa na: To gə ɓo dəw uji nganje ang baa ɓa uy nama, ngon ko̰-ɛ a ta jene nduba lə-a mba kunda ne ko ngon ko̰-ɛ gə uy le.

Matiye 22:26

Ye gə njekum gə joo le kara to gə bənəng, ngaɓa njekum gə munda nəm, to gə be ja saar ce ne dɔ njekum gə siri gə.

Matiye 26:18

Jeju ila-je kəne na: Awje mə ɓebo gə kən, kəy lə nday neje, ɗaa ꞌpaje ar-ɛje na: Njenetɔji pa na: Kar lə-m aw asə ngaa, ɗaa mə kəy lə-i ɓa m-a ɗa Pagə kəne gə ngan njenendoje lə-m.

Matiye 26:49

Gə tɔg-ɛ baa, n-ɗe n-inga Jeju ɗaa, n-pa na: M-o-i ɓa, Njenetɔji, ɗaa n-uwa-a n-to mbi-a.

Marəke 10:17

Logə Jeju oso ɗəw boo mba kaw ɗaa, jingaw kara a̰y ngɔdə ɗe um məkəji-e nangə no-ɛ gə, ngaɓa təl dəji-e na: Njenetɔji, ꞌi gə to dəw gə may, ɗi ɓa m-a ɗa mba kinga ne təbə gə gə ndɔ gə ndɔ wa?

Marəke 12:13

D-ula Parijiyɛ̰je gə kɛm gə nje koso gəl Erɔdə gə je ɓə lə Jeju mba kar d-iya kula d-uba ne gə go tar paje lə-a.

Marəke 12:14

ꞌƊe ꞌpa d-ar-ɛ na: Njenetɔji, j-a gərə to gə ꞌto nje pa tar gə tɔgərɔ nəm, ꞌɓəəl ne kəm dəw ang; mba ꞌi o pa kun darɔ lə dəwje gə ɗaga baa ang nəm, ꞌtɔji dəwje pa nja gə ta kəm Luba nəm tɔ. Ɗəw to kar dəw uga lar gədə ɓe lə Sejar wa? J-a kuga ose j-a kuga ang wa?

Marəke 3:6

Parijiyɛ̰je ꞌce ɗaga ngaɓa d-um njuma mə naa gə gə nje koso gəl Erɔdə gə je mba sangə ɗəw tɔl-ɛ.

Marəke 8:15

Jeju ɓɛr mbi-je na: Aje rɔ-si dɔ guway kodo gə lə Parijiyɛ̰je gə dɔ guway kodo gə lə Erɔdə.

Lugu 20:21

ꞌDəji-e tar gə tɔgərɔ na: Njenetɔji, j-a gərə to gə ꞌto nje pa tar gə tɔgərɔ, ngaɓa ꞌtɔji dəwje ne gə ɗəw gə dana gadə-gadə. ꞌI ɔr kəm dəwje ang ngaɓa ꞌtɔji dəwje pa nja gə ta kəm Luba nəm tɔ.

Lugu 7:40

Be ɓa, Jeju un tar pa ar-ɛ na: Simo, m-njigi pa tar kara kar-i o. Simo ila kəne na: Njenetɔji, pa ar-m m-o.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Jean 18:37

Pilad pa ar-ɛ na: Ɗaa, ꞌi le, ꞌto mbay ɓa kən wa? Jeju ila kəne na: ꞌI ja ꞌpa, m-to Mbay. O, gəl ne gə d-uji-m ne gə gəl ne gə m-ɗe ne dɔ nangə gə nee le ɓa nee, m-ɗe mba pa tar naji lə tar gə tɔgərɔ. Na-na ɓa to gə nje kar tar gə tɔgərɔ nama o ndu-m.

Jean 7:18

Dəw gə pa tar ɔji go mə njigi lə-a ye nama sangə riɓar lə-a ye ja; ngaa dəw sangə riɓar lə dəw gə nje kula-a le, nj-ɛ nee ja kara baa to dəw gə tɔgərɔ, ngaɓa neɗa gə dɔ buguru ɓar ri-a ang tɔ.

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

2 Corinthiendjé 5:16

Uma kud-e ɓogəne gə kede əng le, j-a gərə dəw gə ɗəw darɔ gə ang ngaa, to gə ɓo kede ja gərə Kirisi gə ɗəw gə darɔ nama, ɓisine j-a gərə to gə bənəng ang ngaa.

Galatedjé 1:10

Ɗaa ɓisine, se əjije to gə m-aw sangə kar dəwje ɓa d-ila tar kudu-m gə ose Luba wa? Se dəwje ɓa m-sangə mba may ta kəm-je gə wa? Kara be ang! To gə ɓo m-sangə mba may ta kəm dəwje gə nama m-a to ɓərə lə Kirisi ang.

Galatedjé 2:6

Nje gə d-o-je gə bubaje le, le ꞌtoje ne gə bubaje ja kara, ɔsə-m kəne ang! Mba Luba ɔr kəm dəw ang. Dəbeje nee le d-uwa-m gə singa d-ar-m ɗa ne gə ɗangə m-ila dɔ mar-ɛ gə ang.

1 Thessaloniciendjé 2:4

ngaa mba Luba na mə-sijee ɗaa o-si gə maj-ɛ ɓa um kula kila mbərə Tar gə May ji-si gə, be ɓa j-a pa tar mba may ne ta kəm dəwje baa ang ngaa mba may ne ta kəm Luba gə nje na mə dəwje.

Jacques 3:17

Ngaa, kəm karə gə ḭ dara le, kede dɔngɔr, to arə ngadə, ngaɓa kul lom, aw yururu, gɔl nuji, kəmtondoo ɗusu m-e, ngaɓa kandə neje gə may gə ɔr kəm dəw ang nəm, pa tar mula ang nəm tɔ.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.