Matiye 21:31 - Mbede Lə Luba Kone Gə Sigi

³¹ Horo nganje gə joo nee le, na ɓa ɗa mə njigi lə bɔ-ɛje wa? D-ila-je kəne na: Ye gə dɔngɔr. Ɗaa Jeju təl pa ar-je na: Tɔgərɔ, m-pa m-ar-si, njembo̰ lar gədə ɓeje gə jene kayaje d-a ce mə ɓeko̰ gə dara no-si gə kede.

Testament ke Siki 1960 (Kabba Laka)

³¹ Ke horodè té ke djo, na da tokou bèdjè ndiki wa? Dèdè mpana, Yéh ke dongor. Jésus pa aredè, Tokoro ma mpa maresè, ndjè taa narè lʼimpôtdjé ke dènè kaiyadjé dao mè béh ko té lo Allah dongor daresè.

Matiye 21:31 ပူးပေါင်းရင်းမြစ်များ

Matiye 12:50

Mba, dəw gə ɗa-ɗa gə ɗa mə njigi lə Bɔ-mje gə isi mə dara gə nama, nj-ɛ nee ɓa to ngon ko̰-m, ko̰ nan-m gə ko̰-mje.

Matiye 18:3

M-pa tar gə tɔgərɔ ja m-ar-si, to gə ꞌmbəl-je mə-si ar-ɛje to gə kar gə nganje gə njɛ̰-njɛ̰ be ang nama, a kandə-je mə ɓeko̰ gə dara ang magə.

Matiye 20:16

Be ɓa dəwje gə dɔ gugu d-a təl to dəwje gə dɔngɔr ngaɓa nje gə dɔngɔr d-a təl to dəwje gə dɔ gugu.

Matiye 21:30

Jingaw le təl pa ar ngon-e gə njekum gə joo kar-ɛ aw ndɔɔ le tɔ. Ɗaa ye ila kəne na: Oyo bɔy, m-a kaw ja, ngaa təl mbadə kaw ndɔɔ le.

Matiye 5:18

Tɔgərɔ ja, m-pa m-ar-si, saar kar dara gə nangə ꞌnday le, ngaɓa kar neje tɔ̰y gə dɔ nangə nee d-unda ngangəje le, ne gə njɛ̰ gə kəne a godo ang, ngaɓa ta torondu mbiday a ti koso nangə ɓɛdə ang ɓa ngon mbadə kar-ɛ a ti mbid ang nəm.

Matiye 5:46

To gə ɓo nje gə ꞌnjigi-si ɓa ꞌnjigi-jeje le se ɗi ɓa a kinga-je gə nekuga dɔ ji wa? Njembo̰ lar gədə ɓeje kara ꞌɗa bənəng tɔ.

Matiye 6:5

Logə aw dəji-je Luba nama, əwje rɔ-si ɗaje to gə njetar mulaje be, mba ꞌjeje le ꞌnjigi kar taar mə kəy nendo gə lə Jiibije, gə kar taar mbɔr ɗəw boo ɓa dəji Luba mba tɔji ne rɔ-je kəm dəwje gə. M-pa tar gə tɔgərɔ ja m-ar-si to gə d-inga kuga lə-je nam ngaa.

Matiye 7:21

Dəw gə pa t-ɛ gə na: Mbayɓe, Mbayɓe baa ɓa a kandə ne mə ɓeko̰ gə dara ang, ngaa dəw gə ɗa mə njigi lə Bɔy gə isi mə dara gə ja ɓa a kandə ɓeko̰ gə lə-a.

Matiye 9:9

Jeju ɔdə aw. Logə gə n-aw nday ɗaa, n-o dəw kara ri-a na Matiye, isi lo mbo̰ lar gədə ɓe gə. Jeju ɗe inga-a lo-e gə, pa ar-ɛ na: Ḭ ꞌɗe uwa go-m. Ɗaa Matiye ḭ taar aw sə-a.

Lugu 15:10

Ɗəw kara baa, m-pa m-ar-si, logə njeneɗa gə kṵra̰y turu kəji lə-a nama, rɔ anjije lə Luba ləl-je.

Lugu 19:22

ꞌƁəə-eje le ila-a kəne na: Gə go tar gə ta-i gə ja m-a gangə ne tar dɔ-i gə, ngon njekula gə kṵra̰y; ꞌGərə to gə m-to dəw gə kədərə ya̰, gə ne to kar-m ꞌma ang baa kara, m-uwa m-ar-ɛ təl to kar-m ꞌma nəm, ne gə m-dubu ang baa kara m-unja nəm tɔ.

Lugu 7:29

Dəw mə ɓeje tɔ̰y gə njembo̰ lar gədə ɓeje ꞌtunga mbi-je d-o ne tar gə Jeju pa ɔji dɔ Ja̰, ꞌgərəje ne to gə ɗəw lə Luba to gadə-gadə, ɓa ꞌɗa neje batɛm lə Ja̰.

Jean 3:3

Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang.

Jean 3:5

Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang.

Koula 17:30

Luba le, ḭya̰ go neje gə dəw ɗa dɔ kar mbə gə ɗaa ɓogəne ila mbərə ar dəwje gə lo tɔ̰y ja mba kar ꞌturu kəji lə-je,

Romaindjé 3:19

Ngaɓa ja gərə to gə tar gə torondu pa le, pa ar nje gə d-isi gəl torondu gə, mba kar dəw kara kara cɛ̰ ne t-ɛ ngo ang, ngaɓa mba kar tar uwa ne dɔ dɔ nangə ne tɔ̰y no Luba gə ang.

Romaindjé 5:20

Torondu ce mba kar kal tar ba̰y ne gə kede, ngaa lo gə neɗa gə kṵra̰y ba̰y kəne nama mənuji bula kəne al dɔ lo.

2 Piyɛr 3:9

To ngə̰y ɓa Mbayɓe ngə̰y dɔ tar təl gə lə-a le to to gə nje gə kɛm d-əji ne ang. Ngaa n-ila m-e dɔ mar-ɛ gə ɔji dɔ sisəy ja, mba n-njigi kar dəw kara horo-si gə uba tuji ang, ngaa kar dəwje tɔ̰y ja ꞌturu kəji lə-je.