Matiye 20:24 - Mbede Lə Luba Kone Gə Sigi

²⁴ Ngan njenendoje gə dɔg gə d-o tar gə nee le, mə-je o̰je dɔ ngan ko̰ naaje gə joo le.

Testament ke Siki 1960 (Kabba Laka)

²⁴ Tokou dèdè dòkou do tar nèn, mèdè toodè nya ke ngaköna ke djo nèn.

Matiye 20:24 ပူးပေါင်းရင်းမြစ်များ

Matiye 20:23

Jeju ila-je kəne na: A kayje sə-m to gə tɔgərɔ ja, ngaa tar gə ɔji dɔ kisi dɔ ji kɔl-m gə ose dɔ ji gəl-m gə le to tar lə-m ꞌma ang baa, to mba nje gə Bɔy gɔl ɔji dɔ-je.

Matiye 20:25

Jeju ɓar-je ngaɓa pa ar-je na: ꞌGərəje gə maj-ɛ to gə mbayje le d-o̰ dɔ dəw mə ɓeje gə singa, ngaɓa dəwje gə bo-bo d-ula kəm-je ndoo.

Marəke 10:14

Logə Jeju o be ɗaa rɔ-ɛ ləl-e ang, ngaɓa pa ar-je na: Ḭya̰je nganje ar-je ꞌɗe rɔ-m gə ɓo ɔgəje-je ang; mba ɓeko̰ lə Luba le to mba nje gə ꞌto to gə nganje be.

Marəke 10:41

Ngan njenendoje gə dɔg gə d-o tar gə nee le, mə-je o̰-je dɔ Jagə je gə Ja̰ gə.

Lugu 13:14

Ngaa, mə njeko̰ dɔ kəy nendo o̰-ɛ dɔ Jeju gə ɔji dɔ kaji gə aji jene gə ndɔ kuwa kɔr. Be ɓa, n-pa n-ar bula dəwje na: Ndɔ gə kar ꞌɗaje kula kəne ḭ misa̰, ꞌɗeje gə ndɔ-ɛ nee ar-je d-aji-si, ɓo gə ndɔ kuwa kɔr ang.

1 Corinthiendjé 13:4

Njigi ila m-e dɔ mar-ɛ gə, njigi ndangə ang, njigi nər mə ang, njigi ɔsə gaji rɔ-ɛ ang, njigi unda kar-ɛ ang,

Philippiendjé 2:3

ɗa-je ne kara kara gə go nər mə ang ose mba riɓar gə baa ang, ngaa gə kula dɔ ngulum, oje nje gə kɛm gə dəwje gə ꞌto ɓəəl unda-si.

Jacques 3:14

Ngaa to gə ɓo nər mə gə ɗa mə bo ɗusu dɔ ɓəngərə si nama, ɔsəje gaji rɔ-si ang nəm ꞌgangəje tar gə ɗəgərə ꞌtilaje ne kəm tar gə tɔgərɔ ang.

1 Piyɛr 5:5

Ɗəw kara baa, basa̰je, osoje kul no ngatɔgəje gə. Kula gə aw ɗaje horo naa gə le, ar-je kula dɔ ngulum ɓa o̰ dɔ-si, mba Luba ɔsə njekunda karje ngərəng, Ngaa n-ar mənuji lə-a nay gə nje gə d-ula dɔ-je ngulum.