Matiye 20:21 - Mbede Lə Luba Kone Gə Sigi

²¹ Jeju dəji-e na: Ɗi ɓa ꞌi njigi wa? Jene le təl ila-a kəne na: M-njigi kar un ndu-i to gə ngan-m gə joo nee le, ar dəw gə kara isi dɔ ji kɔl-i gə ngaɓa dəw gə kara isi dɔ ji gəl-i gə mə ɓeko̰ gə lə-i.

Testament ke Siki 1960 (Kabba Laka)

²¹ Jésus pa arè, I ndiki di wa? Nè mpa nare Jésus, Epa ta kare nganem ke dingao djo nèn, kada ta kisi do dji té ke kòl, ke kada do dji té ke gèl mè béh ko té loi.

Matiye 20:21 ပူးပေါင်းရင်းမြစ်များ

Matiye 18:1

Dɔ kar-ɛ gə əng ja, ngan njenendoje ꞌɗəm gə rɔ Jeju gə ɗaa dəji-e na: Na ja ɓa to dəw gə to ɓəəl ya̰ mə ɓeko̰ gə dara wa?

Matiye 19:28

Jeju ila-je kəne na: Tɔgərɔ, m-pa m-ar-si, ndɔ gə ꞌma gə Ngon lə dəw m-a kisi dɔ ngəndəng mbay rɔnduba gə lə-m dɔ kar gə neje tɔ̰y d-a təl to gə sigi le, sisəy gə unje go-m le, a kisije dɔ ngəndəngje gə dɔg gə gir-e gə joo mba gangə tar dɔ gəl kuji Ijirayɛlje gə dɔg gə gir-e gə joo.

Matiye 20:22

Jeju təl ila kəne na: Ne gə ꞌdəjije le ꞌgərəje ang. Ne kay ꞌməsərə gə m-a kay le a kasə kayje ja tɔ wa? D-ila-a kəne na: J-a kasə ja.

Matiye 20:32

Jeju təl ar nangə, ɓar-je, dəji-je na: Ɗi ɓa ꞌnjigije kar-m m-ɗa m-ar-si wa?

Marəke 10:51

Jeju un tar pa ar-ɛ na: Ɗi ɓa ꞌnjigi kar-m m-ɗa m-ar-i wa? Nje kəm tɔ le ila-a kəne na: Njenetɔji, m-njigi ko lo.

Marəke 16:19

Logə Mbayɓe Jeju pa gə je tar tɔ̰y ɗaa d-un-e d-aw sə-a dara, ɗaa n-isi dɔ ji kɔl Luba gə.

Marəke 6:22

Ngon lə Erɔdiyadə gə jene andə pədə ɗaa la; ar la lə-a le ləl Erɔdə je gə dəwje gə ꞌɓar-je le. Be ɓa mbay pa ar ngon mandə le na: ꞌDəji-m ne gə ꞌnjigi ja ɗaa m-a kar-i.

Lugu 18:41

Ɗi ɓa ꞌnjigi kar-m m-ɗa m-ar-i wa? N-ila kəne na: Mbayɓe, m-njigi ko lo.

Lugu 19:11

Logə d-isi d-aw d-o tarje nee be ɗaa, Jeju pa gusutar ila dɔ mar-ɛ gə ja cibi mba n-unda dɔ ɓe gə Jerujalɛm dəb ɗaa, ꞌjeje dəji mə-je gə to gə ɓeko̰ lə Luba le a tɔji rɔ-ɛ gə ɗaga kəm naa gə nee ja baa.

Lugu 22:24

D-un kudu ma̰y naa tar gə mba gərə se na ɓa to dəw gə bo horo-je gə wa?

Jean 15:7

To gə ɓo um-je sə-m naa gə ngaɓa uwaje tar lə-m mə-si gə nama ꞌdəjije ne gə mə-si njigi, ɗaa sisəy a kingaje.

Koula 1:6

Logə d-uwa-je dɔ naa ɗaa ꞌdəji Jeju tar na: Mbayɓe, dɔ ndɔ-ɛ gə əng le ɓa a təl ne gə ɓeko̰ kar Ijirayɛlje gugu wa?

Romaindjé 12:10

Ɔji dɔ njigi gə horo ngan ko̰ naaje gə le ɗaa, may kar-si ꞌnjigije naa gə yo gə nee, may kar-si ꞌɗɔy-je naa gə gə yo gə nee ar-je al dɔ mar-ɛ.

Romaindjé 8:34

Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee!

Colossiendjé 3:1

To gə ɓo uyje ɓa ꞌndolje gə Kirisi naa gə nama, may kar ꞌsangəje go neje gə dara, lo gə Kirisi isi kəne dɔ ji kɔl Luba gə.