Matiye 20:1 - Mbede Lə Luba Kone Gə Sigi

¹ Be ɓa, ɓeko̰ gə dara le to asə naa gə dəw gə njekəy gə ce gə ndɔɔ-sḭ baa mba kodo njekulaje kar d-aw mə ndɔ bḭyə̰ gə lə-a.

Testament ke Siki 1960 (Kabba Laka)

¹ Mbata béh kö ke dara to tokou ndjè kei ke téh daka ke sindò ta doudjou ndjè kouladjé mbata ndòò kake ndouou la.

Matiye 20:1 ပူးပေါင်းရင်းမြစ်များ

Matiye 13:24

Jeju təl un gusutar gə ɗangə pa ar-je na: Ɓeko̰ gə dara to asə naa gə dəw gə aw dubu ko wa gə may mə ndɔ gə lə-a.

Matiye 13:31

Jeju pa gusutar gə ɗangə ar-je na: Ɓeko̰ lə Luba ta naa gə kandə kam nay gə ri-a na mutarədə gə dəw un aw dubu mə ndɔ gə lə-a.

Matiye 13:33

Jeju pa gusutar gə ɗangə ja cibi ar-je na: Ɓeko̰ gə dara ta naa gə guway kodo gə jene un um mə nduji gə d-ɔji ngo munda mba mbo̰y ne saar kar ḭ tɔ̰y.

Matiye 13:47

Ɓeko̰ gə dara to to gə bura gə d-ila baa ɗaa ɔr kəm kənjije ang.

Matiye 20:2

N-gɔl gə njekulaje mba kuga-je gə lar sagə kara kəm ndɔ kara ngaɓa n-ula-je mə ndɔ bḭyə̰ gə le ɓi.

Matiye 21:28

Əjije kəne ban wa? Jingaw kara ngan-ɛ gə jingaw d-ḭ joo; N-un tar n-pa n-ar ye gə dɔngɔr na se: Ngon-m, aw ɗa kula ɓogəne mə ndɔ bḭyə̰ gə nəm.

Matiye 22:2

Ɓeko̰ gə dara le to ɗəw kara baa gə mbay gə ɗa ndam ta naa mba ngon-e.

Matiye 23:37

Dəwje gə Jerujalɛm, dəwje gə Jerujalɛm, sisəy gə ꞌtoje nje tɔl pajambərəje ngaɓa nje gə Luba ula-je kara ꞌcilaje-je gə kɔr ər tɔlje-je, gɔl kandə gə m-njigi dəbə bagə-m dɔ-si gə to gə ko̰ kunja ula ne bəl jam dɔ ngan-ɛ gə be, ngaa ꞌnjigije ang.

Matiye 25:1

Be ɓa ɓeko̰ gə Luba le a to ɗəw kara baa gə ꞌmbakumje gə dɔg gə d-odo lambeje lə-je cila ꞌne kəm nje jene.

Matiye 25:14

Ɓeko̰ lə Luba le to ɗəw kara baa to gə dəw gə aw gə mba gə ɗaa, ɓar ngan njekulaje lə-a, um nekingaje lə-a mə ji-je gə.

Matiye 3:2

N-pa na: ꞌTuruje kəji lə-si, mba ɓeko̰ gə dara nay əw ang baa.

Marəke 13:34

Ɓeko̰ lə Luba le to ɗəw kara baa to gə dəw gə aw gə mba gə be, ɗaa ḭya̰ neje tɔ̰y mə ji ngan njekulaje gə lə-a, na-na kara gə kula lə-a kula lə-a, ngaɓa n-un ndu n-ar njegəm ta ɗəw kəy kar ngom gə maj-ɛ.

Jean 15:1

ꞌMa ja m-to gə kagə bḭyə̰ gə tɔgərɔ ɗaa Bɔy ɓa to njendɔ bḭyə̰.

1 Corinthiendjé 15:58

Be ɓa, ngan ko̰-mje gə m-njigi-si ya̰, uwaje gədərə, ulaje ngira-si nangə, awje gə kede-kede mə kula gə lə Mbayɓe, mba ꞌgərəje to gə kula lə Mbayɓe gə ꞌɗaje le to ne gə baa ang.

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!