Matiye 2:6 - Mbede Lə Luba Kone Gə Sigi

⁶ ꞋI, Bɛdəlɛhɛm, dɔ nangə gə Juda ꞋI le ꞌnjɛ̰ baa Horo ɓeboje gə dɔ nangə gə Juda; Mba ngon mbay a ce gəl kuji-i gə, Gə a to njekɔr no Ijirayɛlje, gə to dəwje Lə-m.

Testament ke Siki 1960 (Kabba Laka)

⁶ I Bethléhem ke nange té lo Juda, I to ngadjiba horo mbaidjé té lo Juda ang, Mbata mbai kada a téh hori té, Ke nè na kö dooudjé lom Israël.

Matiye 2:6 ပူးပေါင်းရင်းမြစ်များ

Matiye 2:1

Jeju le d-uji-e mə ɓe gə Bɛdəlɛhɛm dɔ nangə gə Jude, ɓal ko̰ ɓe gə lə mbay Erɔdə. Njenegərəje d-ḭ bəər ꞌɗe mə ɓe gə Jerujalɛm.

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Jean 21:16

N-pa n-ar-ɛ gə njekum gə gɔl joo na: Simo, ngon lə Ja̰, ꞌnjigi-m unda nje gə nee wa? N-pa n-ar-ɛ na: Oyo Mbayɓe! ꞌI le, ꞌgərə gə maj-ɛ to gə m-njigi-i! Jeju pa ar-ɛ na: May kar-i ꞌto gə njekuul badəmje lə-m.

Jean 7:42

Kirisi le a kḭ gəl Dabidi gə, ɗaa n-a kḭ Bɛdəlɛhɛm gə to ɓe lə Dabidi ɓa Mbede pa be ang wa?

Ephésiendjé 1:22

N-um neje tɔ̰y no gɔl-ɛ gə ngaɓa n-unda-a dɔ neje gə tɔ̰y n-ar-ɛ n-to dəw dɔ Mbo̰ naa lə njetakagəje,

Colossiendjé 1:18

ꞌNe ja n-to dəw dɔ Mbo̰ naa lə njetakagəje to to gə dɔ dəw o̰ ne dɔ darɔ be. N-to kun kud-e, n-to dɔngɔr dəw horo nje gə d-uy gə, mba ce ne no-je gə dɔngɔr tɔ̰y.

Ebərəje 7:14

Mba ꞌpa arə ngadə to gə Mbayɓe lə-si le to gə gəl ka Juda gə, to gəl ka gə Moyiji pa tar lə njekapoloje mbɔbə ne ang.

Apocalypse 11:15

Anji gə njekum gə siri to Kuul lə-a: ndu dəwje ɓar to gə boy mə dara na: ɓeko̰ gə dɔ nangə gə nee le to kar Mbayɓe lə-si ngaɓa to kar Kirisi lə-a tɔ n-a ko̰ ɓe gə ndɔ gə ndɔ.

Apocalypse 2:27

Ɗaa n-a kul-je gə kagə ngaw lar, rundu neje to gə joo ə̰nji be.

Apocalypse 7:17

Mba Ngon badəm gə ar dan ngəndəng mbay gə dana le a to gə njekuul-je, ɗaa n-a kɔr no-je kaw gə je kəm ɗəw man təbə gə kul gə. Ngaɓa Luba a bḭ man no tɔ̰y kəm-je gə.