Matiye 2:15 - Mbede Lə Luba Kone Gə Sigi

¹⁵ Jəjəb isi gə je Ejipətə saar ndɔ gə mbay Erɔdə uy, to gə be ɓa gə mba kar tar gə Mbayɓe pa gə ndu pajambərə le aw ne lo-e gə yɛrɛrɛ na: ꞌMa m-ɓar ngon-m gə ɗaga mə ɓe gə Ejipətə.

Testament ke Siki 1960 (Kabba Laka)

¹⁵ Nè nisi nou sar Hérode woei. Tar nèn dé tokou ban ta kare tar ke Mbaibé Seigneur pa leo deo té lo prophète, dé to tar ke tokoro, Ma mmar ngonem ke dingao ta téh Egypte té.

Matiye 2:15 ပူးပေါင်းရင်းမြစ်များ

Matiye 1:22

Neje nee tɔ̰y ɗa to gə be mba kar tar gə Mbayɓe pa gə ndu Pajambərə lə Luba le aw ne lo-e gə yɛrɛrɛ na:

Matiye 2:14

Be ɓa mə cil gə ja Jəjəb ḭ un ngon tay le je gə ko̰-ɛje aw gə je mə ɓe gə Ejipətə.

Matiye 2:17

To gə be ɓa tar gə Pajambərə Jurumi pa le aw lo-e gə ja, na:

Matiye 2:19

Logə mbay Erɔdə uy ɗaa, anji lə Mbayɓe kara uru dɔ Jəjəb gə gə ni mə ɓe gə Ejipətə,

Matiye 2:23

ɗaa ɓe gə ɓar-ɛ Najarɛd ɓa n-aw n-isi kəne, bənəng ɓa gə mba kar tar gə pajambərəje lə Luba ꞌpa le aw ne lo-e gə na: D-a ɓar-ɛ dəw gə Najarɛd.

Matiye 21:4

Ne nee le to to gə be gə mba kar tar lə pajambərə aw ne lo-e gə:

Matiye 26:54

Tar lə Luba gə ꞌɗa mə mbede le a kaw lo-e gə ang wa? Mba ꞌpa na ne a ɗa ne to to gə be ja ang wa?

Matiye 26:56

Ngaa neje nee tɔ̰y ɗe to gə be mba kar tarje tɔ̰y gə pajambərəje ꞌpa le aw ne lo-e gə yɛrɛrɛ. Be ɓa ngan njenendoje lə-a tɔ̰y ja d-a̰y d-iya̰-a.

Matiye 27:35

Logə ꞌɓər-e kagə dəsə gə ɗɔdə ɗaa ꞌɗa ꞌya̰a̰ ꞌkay ne naa kubuje lə-a be ɓa gə mba kar tar gə pajambərə pa na: ꞌKay naa kubuje nəm, cibi ɓa ꞌɗɔ-je ne mbay le aw ne lo-e gə.

Matiye 8:17

Be ɓa tar lə pajambərə Ejay gə pa le oso kəne paragə na: N-ta məndəje dɔ si gə Ngaɓa rɔko̰je gə d-aw d-ula kəm-si ndoo kara n-ta dɔ si gə nəm.

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Jean 19:28

Go-e gə gugu, mba kar tar lə Luba aw ne lo-e gə yɛrɛrɛ le ɗaa, logə Jeju o to gə neje uwa ta naa bɛm ɗaa, pa na: Kunda ɔr-m.

Jean 19:36

Ne gə nee le ɗe to to gə be mba kar Tar lə Luba le aw ne lo-e gə yɛrɛrɛ: Singa rɔ-ɛ kara be kara a guru ang.

Koula 1:16

Ngan ko̰-mje, may kar tar gə mbede pa kede nam le aw lo-e gə: Njil Njerɔsangə pa gə ndu Dabidi ɔji dɔ Judas, mba Judas ja təl to njekɔr no nje gə d-aw d-uwa Jeju.