Matiye 19:23 - Mbede Lə Luba Kone Gə Sigi

²³ Jeju pa ar ngan njenendoje lə-a na: Tɔgərɔ ja, m-pa m-ar-si, to ngangə ya̰ gə njenekinga kar-ɛ andə mə ɓeko̰ gə dara.

Testament ke Siki 1960 (Kabba Laka)

²³ Jésus pa are ndjè kao gè tédjé, Tokoro ma mpa maresè, to ngeng nya mbata doou ke éh ke né kinga ta téh mè béh kö té ke dara.

Matiye 19:23 ပူးပေါင်းရင်းမြစ်များ

Matiye 13:22

Kandə kər gə um mə kunje gə le nay ɗəw kara baa gə dəw gə tuga mbi-a o ne tar lə Luba, ngaa no rɔ gə ɔji dɔ kəji neje gə nangə nee, gə ɓo nekingaje, ɗe udu dɔ tar lə Luba gə n-o le ngaɓa ɗa ar kand-e godo.

Matiye 18:3

M-pa tar gə tɔgərɔ ja m-ar-si, to gə ꞌmbəl-je mə-si ar-ɛje to gə kar gə nganje gə njɛ̰-njɛ̰ be ang nama, a kandə-je mə ɓeko̰ gə dara ang magə.

Matiye 19:22

Logə ngon basa̰ le o tarje gə Jeju pa nee ɗaa rɔ-ɛ ləl-e ang, ar ɔdə aw mba nekingaje lə-a bula ya̰.

Matiye 21:31

Horo nganje gə joo nee le, na ɓa ɗa mə njigi lə bɔ-ɛje wa? D-ila-je kəne na: Ye gə dɔngɔr. Ɗaa Jeju təl pa ar-je na: Tɔgərɔ, m-pa m-ar-si, njembo̰ lar gədə ɓeje gə jene kayaje d-a ce mə ɓeko̰ gə dara no-si gə kede.

Matiye 5:20

Mba m-pa m-ar-si to gə ɓo neɗa gə gadə-gadə lə-si nday kar njekɔr gəl toronduje gə Parijiyɛ̰je ang nama a kandə-je mə ɓeko̰ gə dara ang.

Marəke 10:23

Be ɓa Jeju a lo be ɗaa, pa ar ngan njenendoje lə-a na: To ngangə ya̰ kar dəwje gə njenekingaje d-andə mə ɓeko̰ gə lə Luba!

Lugu 18:24

Jeju o to gə m-e ila kasə ɗaa, pa na: To ngangə ya̰ kar dəwje gə njenekingaje d-andə mə ɓeko̰ gə lə Luba!

Jean 3:3

Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang.

Jean 3:5

Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

1 Corinthiendjé 1:26

Ngan ko̰-mje, oje ɗəw gə Luba ɓar-si ne: Ɗəw darɔ gə le, njekəm karəje ꞌbula horo-si gə ang, njesingamongəje ꞌbula horo-si gə ang nəm, ꞌmay kujije kara ꞌbula horo-si ang nəm tɔ.

Jacques 2:6

Ngaa sisəy ilaje rɔ kul dɔ njendooje gə! Se bawje le ɓa d-ula kəm-si ndoo ang wa? ꞌJejee nee le ja cibi ɓa d-aw gə si nadə gangə tar gə le ang wa?