Matiye 19:16 - Mbede Lə Luba Kone Gə Sigi

¹⁶ Dəw kara ɗe inga Jeju ɗaa dəji-e na: Njenetɔji, se ne gə may gə ban ɓa m-a ɗa mba kinga ne təbə gə gə ndɔ gə ndɔ wa?

Testament ke Siki 1960 (Kabba Laka)

¹⁶ Wo, doou kada dé rè té pana, Ndjè tòdjou tar, ma mase ta da né ke madji di baa ta kinga tébe ke ke ndò ke ndò wa?

Matiye 19:16 ပူးပေါင်းရင်းမြစ်များ

Matiye 19:15

N-ila ji-a dɔ-je gə ɗaa n-ɔdə lo-e gə nee n-aw.

Matiye 19:26

Jeju a-je ji ɗaa təl pa ar-je na: To ne gə dum dɔ dəwje ngaa Luba le ne gə dum dɔ-ɛ godo.

Matiye 19:29

Dəw gə ɗa-ɗa gə mba-m ꞌma ɓa uba ne mə kəy lə-a iya̰, gə ngan ko̰-ɛje, gə ko̰ nan-ɛje, gə bɔ-ɛje, gə ko̰-ɛje, gə ngan-ɛ ose mə ndɔje lə-a nama a kinga mar-ɛ bula dɔ-ɛ gə ngaɓa a kinga təbə gə gə ndɔ gə ndɔ gə nenduba.

Matiye 25:46

Be ɓa njeməndulje nee le a kaw kəm pər gə a to gə no gə, ngaa dəwje gə gadə-gadə a kinga təbə gə a to gə ndɔ gə ndɔ.

Jean 10:28

Ɗaa ꞌma, m-ar-je təbə gə to gə ndɔ gə ndɔ; d-a busu ang saar gə no ngaɓa dəw kara kara a kasə kuwa-je kɔr-je ji-m gə ang tɔ.

Jean 12:25

Dəw gə tɔsə kəm-e dɔ təbə gə lə-a nama a kila-a kɔrɔ, ngaɓa dəw gə mbadə təbə lə-a gə dɔ nangə gə nee gə dɔbo̰ nama a ngom-e mba kisi ne kəm baa gə ndɔ gə ndɔ.

Jean 3:15

mba kar na-na ja ɓa ta kag-ɛ nama inga ne təbə gə gə ndɔ gə ndɔ.

Jean 4:14

ngaa dəw gə a kay man gə m-a kar-ɛ le, kunda a tɔl-ɛ ang saar gə no-ɛ, ngaɓa man gə m-a kar-ɛ le a təl to gə ngira man rɔ-ɛ gə, ɗaa ngira man gə nee le a kar-ɛ təbə gə gə ndɔ gə ndɔ.

Jean 5:39

ꞌTənje mə mbedeje so-so, mba sisəy əjije to gə ɗəw gə kəne nama a kingaje təbə gə gə ndɔ gə ndɔ: Mbedeje gə nee le ja ɓa pa tar naji ɔji dɔ-m.

Jean 6:47

Tar gə tɔgərɔ ja, m-pa m-ar-si, dəw gə ta kagə nama inga təbə gə to gə no.

Jean 6:68

Simo Piyɛr ila-a kəne na: Mbayɓe, sijee j-a kaw gə rɔ na gə wa? Tarje gə kar təbə gə gə ndɔ gə ndɔ le ḭ rɔ-i ꞌI gə.

Koula 16:30

Logə n-ɔr-je n-ce gə je ɗaga ɗaa n-pa na: Yejeje, ɗi ɓa to ne gə m-a ɗa mba kaji ne wa?

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

Romaindjé 5:21

Be ɓa mba, to gə neɗa gə kṵra̰y o̰ ɓe ɗəw gə lə yo le, to gə be ja tɔ ɓa mənuji o̰ ɓe ɗəw gə lə neɗa gə gadə-gadə mba təbə gə gə ndɔ gə ndɔ ɗəw gə lə Mbayɓe lə-sijee Jeju Kirisi tɔ.

1 Timoce 1:16

Ngaa Ye gə be ɓa, Luba ɗa sə-m məmay mba kar ꞌma gə to dəw gə dɔngɔr le, Jeju Kirisi tɔji kore mə ndəng lə-a dɔ-m gə. Ye ɓa a to ne kɔji mar-ɛ kar nje gə d-a ta kag-ɛ mba kinga nee təbə gə gə ndɔ gə ndɔ.

1 Timoce 6:12

ꞌƊɔ ɗɔ gə may kar takagə, uwa təbə gə gə ndɔ gə ndɔ gə Luba ɓar-i kəne, ye gə ꞌpa tar-ɛ no njetar najije gə bula.

1 Timoce 6:19

Be ɓa, d-a mbo̰ ne nekinga gə lo gə may gə bara mba kinga ne təbə gə tɔgərɔ.

Tite 1:2

Gə mba kunda ne mə dɔ təbə gə a to gə ndɔ gə ndɔ, gə Luba gə tɔgərɔ uwa dɔ gɔl-ɛ nam ɓa ɗa dara gə nangə.

Tite 3:7

be ɓa, n-ɗa-si gə dəwje gə gadə-gadə gə go mənuji lə-a mba kar j-a təl to nje kuwa ndubaje ɗəw ne kunda mə dɔ gə lə-si ɔji dɔ təbə gə gə ndɔ gə ndɔ.

1 Jean 1:2

Təbə le tɔji rɔ-ɛ ar j-o, ngaɓa sijee j-a to njetar naj-ɛje, ɗaa j-ila mbərə təbə gə to ndɔ gə ndɔ j-ar-si, ngaɓa təbə nee le ga̰ naa gə kara baa gə Bɔ dəwje, ꞌne gə tɔji rɔ-ɛ gə ɗaga kəm sijee gə.

1 Jean 2:25

Ye ɓa to ne gə ɔji dɔ təbə gə ndɔ gə ndɔ gə n-uwa dɔ gɔl-ɛ n-ar-si.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

Jude 1:21

Iyaje rɔ-si mə njigi gə lə Luba, nginaje ne məmay lə Mbayɓe lə-si Jeju Kirisi gə ar-si təbə gə gə ndɔ gə ndɔ.