Matiye 18:9 - Mbede Lə Luba Kone Gə Sigi

⁹ To gə ɓo kəm-i to ɗəw koso dan neɗa gə kṵra̰y gə nama ɔr-ɛ ila-a kɔrɔ əw. May ya̰ mba kinga təbə kəm-i kara, unda kar kəm-i ga̰ joo kɛm ɓa d-un-i d-ila-i dan pər gə a kṵy ang gə.

Testament ke Siki 1960 (Kabba Laka)

⁹ Tokou kemi eri ta kari da madjang, etò kemi ke dang, ilè deo eo sei, to madji wota mbata loi ta kinga tébe ke kemi kada, wota ta kare dilai kem pourou té ke kemi djokem.

Matiye 18:9 ပူးပေါင်းရင်းမြစ်များ

Matiye 16:26

To gə dəw inga neje tɔ̰y gə dɔ nangə nee ja, ngaa ila təbə lə-a kɔrɔ le, may lə-a a to ɗi cibi wa? Ose ɗi ja ɓa dəw a kuwa mbəl ne təbə lə-a wa?

Matiye 18:8

To gə ɓo ji-i ose gɔl-i ɓa to ɗəw koso dan neɗa gə kṵra̰y gə lə-i nama may kar ꞌgangə ila kɔrɔ; mba kinga kaji gə ji-i kara ose gə gɔl-i kara, may unda ye gə kar aw gɔl-i gə joo ose ji gə joo to gə maj-ɛ ja ɓa aw ne kəm pər gə a to gə ndɔ gə ndɔ.

Matiye 19:17

Jeju ila kəne na: Mba ɗi ɓa ꞌdəji-m tar gə ɔji dɔ ne gə may wa? Luba ja gə kar-ɛ baa ɓa to dəw gə may. To gə ɓo ꞌi njigi mba kinga təbə nama, ꞌngom toronduje lə Luba.

Matiye 5:22

Ngaa ꞌma, m-a pa kar-si: Dəw gə wungu to-e dɔ ngon ko̰-ɛ gə nama tar a kuwa dɔ-ɛ. Ngaɓa dəw gə taji ngon ko̰-ɛ na to mbə nama d-a kaw sə-a no nje gə no ngɔ gangə tar gə lə Jiibije. Dəw gə ɓar ngon ko̰-ɛ ɛbɛ nama d-a kila kəm pər gə.

Matiye 5:29

To gə ɓo kəm-i gə dɔ kɔl to ɗəw koso dan neɗa gə kṵra̰y gə nama, may kar ɔr ila kɔrɔ əw. Mba kar dəbə rɔ-i kara baa tuji may unda darɔ-i tɔ̰y kar-ɛ aw kəm pər gə.

Marəke 9:47

To gə ɓo kəm-i to ɗəw koso dan neɗa gə kṵra̰y gə nama, ɔr-ɛ ila-a kɔrɔ. May ya̰ mba kandə ɓeko̰ gə lə Luba gə kəm-i kara unda kar kəm-i ga̰ joo kɛm ɓa d-un-i d-ila-i dan pər gə a kṵy ang gə.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Ebərəje 4:11

Be ɓa ar-si ja ndəbə-je ndəbə kandə lo kuwa kɔr gə kən le, mba kar dəw kara ja kara ndəji kəm ko tar ang gə njekara le ja uba ne tuji to gə ka-sijee ang.

Apocalypse 21:27

Ne gə mina kara be kara a kandə mə ɓe gə ne wɔr ang nəm, dəw gə nje ɗa nekɔbə gə njepatar gə ɗəgərə kara be kara a kandə kəne ang nəm tɔ, ngaa nje gə ꞌɗa ri-je mə mbede təbə gə lə Ngon badəm ja kara baa.