Matiye 18:3 - Mbede Lə Luba Kone Gə Sigi

³ M-pa tar gə tɔgərɔ ja m-ar-si, to gə ꞌmbəl-je mə-si ar-ɛje to gə kar gə nganje gə njɛ̰-njɛ̰ be ang nama, a kandə-je mə ɓeko̰ gə dara ang magə.

Testament ke Siki 1960 (Kabba Laka)

³ Nè mpana, Tokoro ma mpa maresè, tokou sésè etouridjé ta dé tokou ngandjé ang, sésè a kabidjé mè béh kö té ke dara ndò kada ang.

Matiye 18:3 ပူးပေါင်းရင်းမြစ်များ

Matiye 13:15

Mba mə dəw mə ɓeje nee le təl kədərə D-udu mbi-je jigi, ngaɓa ꞌɓiri kəmje mbḭ, Na d-a kḭ ko gə kəm-je ngaɓa gə mbi-je, Mba gərə gəl-e dɔ ɓəngərə-je gə, Ɗaa d-a mbəl kəji lə-je mba kar m-aji-je ne .

Matiye 18:2

Be ɓa, Jeju ɓar ngon gə njɛ̰ ila-a horo-je gə dana ngaɓa təl un tar pa ar-je na:

Matiye 18:4

Ngaɓa dəw gə ɗa rɔ-ɛ njɛ̰ baa to gə ngon gə ar nee nama nj-ɛ nee ɓa a to dəw gə to ɓəəl ya̰ mə ɓeko̰ gə dara.

Matiye 19:14

Ɗaa Jeju pa na: Iya̰je nganje ar-je ꞌɗe rɔ-m gə ɓo ɔgəje-je ang, mba ɓeko̰ gə dara le to mba nje gə to to gə nganje be.

Matiye 19:23

Jeju pa ar ngan njenendoje lə-a na: Tɔgərɔ ja, m-pa m-ar-si, to ngangə ya̰ gə njenekinga kar-ɛ andə mə ɓeko̰ gə dara.

Matiye 5:18

Tɔgərɔ ja, m-pa m-ar-si, saar kar dara gə nangə ꞌnday le, ngaɓa kar neje tɔ̰y gə dɔ nangə nee d-unda ngangəje le, ne gə njɛ̰ gə kəne a godo ang, ngaɓa ta torondu mbiday a ti koso nangə ɓɛdə ang ɓa ngon mbadə kar-ɛ a ti mbid ang nəm.

Matiye 5:20

Mba m-pa m-ar-si to gə ɓo neɗa gə gadə-gadə lə-si nday kar njekɔr gəl toronduje gə Parijiyɛ̰je ang nama a kandə-je mə ɓeko̰ gə dara ang.

Matiye 6:16

Logə ꞌtɔlje mə-si ɓo ɗaa, ꞌɗaje kəm-si to ndoo ang, to gə njetar mulaje gə ɗa kəm-je to ndoo ɓa gə mba tɔji ne dəwje to gə ꞌtɔl mə-je ɓo. Tɔgərɔ ja, m-pa m-ar-si to gə d-inga nekuga dɔ ji-je nam.

Matiye 6:2

Lo gə un ne ar dəw ɗaa, uru ꞌkuwi dɔ-ɛ gə ang, to gə njetar mulaje d-aw ɗa mə kəy nendoje gə lə Jiibije, gə dan ɗəw booje gə, mba kar d-ɔsə ne gaji-je. Tar gə tɔgərɔ ja m-ula-si to gə d-inga kug-ɛ nam ngaa.

Matiye 6:5

Logə aw dəji-je Luba nama, əwje rɔ-si ɗaje to gə njetar mulaje be, mba ꞌjeje le ꞌnjigi kar taar mə kəy nendo gə lə Jiibije, gə kar taar mbɔr ɗəw boo ɓa dəji Luba mba tɔji ne rɔ-je kəm dəwje gə. M-pa tar gə tɔgərɔ ja m-ar-si to gə d-inga kuga lə-je nam ngaa.

Marəke 4:12

mba kar D-a ne nda̰a̰ ja kara d-o ang, D-o tar ja kara, ꞌgərə m-e ang, Na d-a kḭ mbəl kəji lə-je kar d-ḭ d-ɔr tar dɔ-je gə.

Lugu 13:24

Uwaje rɔ-si kɔgərɔ andəje gə ta ɗəw kəy gə njondəro̰. M-pa m-ar-si, dəwje bula d-a sangə ɗəw mba kandə, ngaa d-a kasə ang.

Lugu 22:32

Ngaa ꞌma ɗaa, m-dəji Luba mba-i mba kar takagə lə-i unda nangə ang. Ɗaa ꞌi, lo gə ꞌtəl um sə-m naa gə nama, ꞌi ngaɓa a kula jingaw mə ngan ko̰-ije gə.

Jean 1:51

Tar gə tɔgərɔ ja m-pa m-ar-si, a koje ta dara a cɛ̰, ngaɓa anjije lə Luba d-a kal kaw taar gə ɗisi kuru nangə dɔ Ngon lə dəw gə.

Jean 3:3

Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang.

Jean 3:5

Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Koula 28:27

Mba mə dəw mə ɓeje nee le təl kədərə; D-udu mbi-je jigi ngaɓa ꞌɓiri kəm-je mbḭ, Na d-a ko ne gə kəm-je ngaɓa gə mbi-je nəm tɔ. Na mə-je a gərə gəl ne Ngaɓa mba mbəl kəji lə-je kar m-aji-je.

Koula 3:19

Be ɓa ꞌturuje kəji lə-si gə ꞌmbəlje mə-si ɓo ar-je Luba bɔrə ne neɗa gə kṵra̰y lə-si gə kɔrɔ.

1 Corinthiendjé 14:20

Ngan ko̰-mje, may kar-si ꞌtoje nganje ɗəw kunja kəm tar gə ang, ngaa may kar-si ꞌtoje nganje gə na ɗəw ɗa məyɛr gə, ɗaa may kar-si ꞌtɔgəje ɗəw kunja kəm tar gə.

1 Piyɛr 2:2

Ngaa ɗəw kara baa to gə ngan tayje ꞌnjigi ne mbaa be le, ar-je ɓo mbaa gə arə ngadə, gə to tar lə Luba ɔr-si, mba kar mbɔr dɔ-ɛ ɗaa ꞌtɔgəje ne ɓo ingaje ne kaji,

2 Piyɛr 1:11

Be ɓa ɓeko̰ lə Mbayɓe lə-si gə Njekaji-si Jeju Kirisi gə to gə ndɔ gə ndɔ le, d-a kɔr t-ɛ kila bəndəng kar-si.