Matiye 18:10 - Mbede Lə Luba Kone Gə Sigi

¹⁰ Oje gə maj-ɛ, əwje rɔ-si dabəje ngon kara dasəra horo nje gə d-o-je gə ne ang gə mba m-pa m-ar-si to gə, anjije lə-je gə dara d-a lo gə kəm Bɔy gə isi mə dara jaga ja.

Testament ke Siki 1960 (Kabba Laka)

¹⁰ Ngemidjé madji ta kare sésè mbetidjé kada lo ngandjé ke ngadji nèn ang, mbata ma mpa maresè, angedjé lodè ke dara wo kem Bòi ke ndò toï, nè ke néh dara.

Matiye 18:10 ပူးပေါင်းရင်းမြစ်များ

Matiye 1:20

Logə n-aw n-əji m-e gə to gə be ɓi ɗaa, Anji lə Mbayɓe ɗe uru dɔ-ɛ gə gə ni, pa ar-ɛ na: Jəjəb, ngon ka Dabidi, ꞌɓəəl ang ɓo, uwa Məri le gə rɔ-i gə to gə jene lə-i, mba ngon gə to m-e gə əng le ɗe ɗəw gə lə Njil Njerɔsangə,

Matiye 12:20

N-a kuwa kɔb gə ɗugu cɛdə ang, Ngaɓa n-a tɔl ɗuguru ta pər gə aw tu ang Saar ja kar neɗa gə gadə-gadə a cɛdə ne ɗɔ.

Matiye 18:14

Ɗəw kara baa, to gə Bɔ-sijee gə isi dara kara njigi kar nje gə d-o-je gə ne ang nee le mar-ɛ kara baa ja kara igi ang.

Matiye 18:6

Ngaa to gə ɓo dəw gə to jigi tuga koso lə ngon gə njɛ̰ kara horo nganje gə njɛ̰-njɛ̰ gə ꞌta kagə ꞌne nama, kar ꞌtɔ ər kusu ne gɔb-e gə, d-ila mə babo gə d-ar-ɛ n-njuwi man le, to nokarə lə-a ja cibi.

Matiye 2:13

Logə njenegərəje d-ɔdə d-aw ɗaa, Anji lə Mbayɓe ɗe ce dɔ Jəjəb gə gə ni, ngaɓa pa ar-ɛ na: Ḭ taar, ɓo un ngon tay le je gə ko̰-ɛje, a̰y aw gə je mə ɓe gə Ejipətə ɓo isije kəne saar ndɔ gə ꞌma ja m-pa na ꞌtəlje ɓa a təlje ɗeje ɓi, mba mbay Erɔdə aw sangə ngon tay nee le gə mba tɔl-ɛ.

Matiye 2:19

Logə mbay Erɔdə uy ɗaa, anji lə Mbayɓe kara uru dɔ Jəjəb gə gə ni mə ɓe gə Ejipətə,

Matiye 24:31

ꞌMa gə Ngon lə dəw m-a kula anjije lə-m gə ndu kuul gə a ɓar ɓolong ngaɓa d-a mbo̰ dəwje gə m-mbərə-je kil nangə gə sɔɔ gə, un kude ko̰ nangə gə saar ce ne ko̰ dara gə.

Lugu 1:19

Anji le təl pa ar-ɛ na: ꞌMa le m-to anji Gabəriyɛl gə m-ar no Luba gə, Luba ula-m kar-m pa sə-i tar, cibi m-ila mbərə Tar gə May nee gə ɔji dɔ neje nee le mbi-i gə.

Lugu 10:16

Jeju təl pa na: Dəw gə o tar lə-si nama, ꞌma ja nj-ɛ o tar ta-m gə əng; dəw gə mbadə si nama, ꞌma ja nj-ɛ mbadə-m, ngaɓa dəw gə mbadə-m nama, nj-ɛ mbadə dəw gə ula-m tɔ.

Lugu 16:22

Logə njendoo le uy ɗaa anjije d-un-e d-aw sə-a mbɔr Abəraham gə. Njenekinga kara uy tɔ ɗaa ꞌdub-e.

Koula 10:3

Ndɔ-ɛ nee le asə kar gə munda gə kar kumatagə ɗaa n-o ne lokiya gə n-o anji lə Luba kara ɗang-ɗang andə kəy lə-a ngaɓa ɓar-ɛ na: Kɔrənəy.

Koula 12:15

Nje gə d-isi kəy le ꞌtəl d-ila kəne na: Dɔ-i godo wa? Kara n-pa gə no-ɛ ja na to ꞌne ja. Ngaa ꞌjejee nee ꞌpa na: To anji lə-a.

Koula 12:23

Gə lo-e gə nee ja anji lə Mbayɓe unda-a mba n-ula rɔnduba dɔ Luba gə ang ɗaa koreje d-o̰-ɛ̰ yom-yom ɗaa, n-uy.

Koula 27:23

Anji lə Luba gə m-to njeka-ɛ gə m-aw m-pol-e ɗe ce dɔ-m gə cil nee,

Koula 5:19

Ngaa lo ndul ɗaa anji lə Mbayɓe ɗe tɔr ta kəyje gə kəy kula gə ar-je ꞌce ngaɓa pa ar-je na:

Romaindjé 14:10

Ngaa ꞌi, ꞌi to na ɓa ꞌgangə tar dɔ ngon ko̰-i gə wa? Ose ꞌi, mba ɗi ja ɓa ꞌdabə ne ngon ko̰-i dasəra wa? J-a kar no ngɔ gangə tar gə lə Luba ja tɔ̰y.

Romaindjé 14:21

May mba kusa da ang nəm kay kodo ang nəm, ngaɓa kɔgə rɔ-i dɔ ne gə a təl to jigi tuga no ngon ko̰-i gə kar oso ne ose mbɔr-ɛ ne.

Romaindjé 15:1

Ngaa sijee gə j-uba singa le, to tar lə-si kar j-a la gə njembɔrɛje, ngaɓa j-a sangə ne gə ləl-si ang.

1 Corinthiendjé 11:22

Mə kəy lə-sisəy godo gə mba kar-si usaje gə ayje kəne wa? Ose ꞌdabəje Mbo̰ naa lə njetakagəje lə Luba dasəra, ngaɓa nje gə ne lə-je godo ɗaa ilaje ne rɔ kul kəm-je gə wa? M-a pa na ɗi ɓa kar-si wa? M-a pidi si wa? Ye gə nee ɗaa M-pidi-si ne ang.

1 Corinthiendjé 16:11

May kar dəw dab-ɛ dasəra ang! ꞌLaje sə-a ar-eje n-təl gə maj-ɛ n-ɗe n-inga-m, mba m-aw m-ngina-a gə ngan ko̰-mje.

1 Corinthiendjé 9:22

M-ɗa rɔ-m gə nje tɔgə godo horo nje tɔgə godoje gə mba kinga ne nje tɔgə godoje. M-ɗa rɔ-m to to gə dəwje tɔ̰y mba kinga ɗəw kaji ne nje gə kɛm.

2 Corinthiendjé 10:1

ꞌMa Pɔl gə dɔ-m ja, gə dəwje pa tar ɔji dɔ-m na lo gə m-ga̰ gə si naa gə ɗaa, m-ula dɔ-m ngulum, a ɓo m-isi əw nama m-ɗa singa dɔ-si gə le, m-ndəji-si ɗəw kaw yururu gə gə ɗəw məmay gə lə Kirisi,

2 Corinthiendjé 10:10

mba ꞌpa na: mbedeje lə Pɔl to ɓəəl ngaɓa uba singa, ngaa logə n-ga̰ horo-si gə ɗaa, n-unda ndɔlɛ ngaɓa tar pa lə-a to ne ang.

Galatedjé 6:1

Ngan ko̰-mje, to gə ɓo dəw gə d-uwa dɔ neɗa gə kṵra̰y nama, sisəy gə Njil ɔr no-si baa ɓi le, ꞌgəd-eje gə kəji gə yururu. ꞌI ja kara unda kəm karə dɔ rɔ-i gə, na bayɛ̰, ꞌi kara, a koso dan nekərə gə tɔ.

1 Thessaloniciendjé 4:8

Be ɓa dəw gə mbadə nduje gə nee le, to gə dəw ɓa nj-ɛ mbadə tar t-ɛ gə ang ngaa Luba gə nje kar-si Njil Njerɔsangə ɓa nj-ɛ mbad-e.

1 Timoce 4:12

May kar dəw dab-i dasəra dɔ basa̰ gə lə-i ang; ngaa may kar-i ꞌto ne kɔji mar-ɛ mba tar lə njetakagəje, ɗəw tar pa gə, ɗəw pa nja gə, ɗəw njigi gə, ɗəw takagə gə, gə ɗəw ngom rɔ gə.

Ebərəje 1:14

Anjije nee tɔ̰y le, ꞌto njilje gə Luba aw ula-je ang baa wa? Luba aw ula-je mba kar ꞌla gə nje d-a kuwa kaji gə neduba.

Ebərəje 9:24

Mba no kɔgə gə ji dəw ɗa, gə to ndaji ye gə tɔgərɔ ɓa Kirisi andə kəne ang ngaa, ꞌye gə dara ja, mba kar ne no Luba gə ɓisine mba-si.

Apocalypse 8:2

M-o anjije gə siri gə d-ar no Luba gə; d-ar-je kuul siri tɔ.