Matiye 17:27 - Mbede Lə Luba Kone Gə Sigi

²⁷ Gəl-e gə nee ɓa mba kar j-a tuji mə lar gədə ɓeje le ang ɗaa, ɔdə aw ta man bo gə, aw ila kuwi, ɗaa kənji gə a kuwa dɔngɔr ja, cɛ̰ t-ɛ ɗaa a kinga sulay kəne kara. Ɗaa un ɗe uga ne dɔ ꞌma gə ꞌi.

Testament ke Siki 1960 (Kabba Laka)

²⁷ A ta kare djèdjè ndé to né karedè ongou ang, ao tokou man té, ila kii, waa kaindji ke téh daka ke dongor, tokou i teï tè, i a kinga narè ase narè sò, edjï aredè mbata lom ke i tò.

Matiye 17:27 ပူးပေါင်းရင်းမြစ်များ

Matiye 17:26

Piyɛr ila kəne na: Njembaaje. Jeju təl ila kəne na: Ɗaa ngan njeɓeje d-uga ang.

Matiye 18:6

Ngaa to gə ɓo dəw gə to jigi tuga koso lə ngon gə njɛ̰ kara horo nganje gə njɛ̰-njɛ̰ gə ꞌta kagə ꞌne nama, kar ꞌtɔ ər kusu ne gɔb-e gə, d-ila mə babo gə d-ar-ɛ n-njuwi man le, to nokarə lə-a ja cibi.

Matiye 18:8

To gə ɓo ji-i ose gɔl-i ɓa to ɗəw koso dan neɗa gə kṵra̰y gə lə-i nama may kar ꞌgangə ila kɔrɔ; mba kinga kaji gə ji-i kara ose gə gɔl-i kara, may unda ye gə kar aw gɔl-i gə joo ose ji gə joo to gə maj-ɛ ja ɓa aw ne kəm pər gə a to gə ndɔ gə ndɔ.

Matiye 5:29

To gə ɓo kəm-i gə dɔ kɔl to ɗəw koso dan neɗa gə kṵra̰y gə nama, may kar ɔr ila kɔrɔ əw. Mba kar dəbə rɔ-i kara baa tuji may unda darɔ-i tɔ̰y kar-ɛ aw kəm pər gə.

Matiye 5:30

To gə ɓo ji kɔl-i to ɗəw koso dan neɗa gə kṵra̰y gə nama, ꞌgangə ila kɔrɔ əw, mba kar dəbə rɔ-i kara baa tuji may unda darɔ-i tɔ̰y kar-ɛ aw kəm pər gə.

Marəke 9:42

Ngaa to gə ɓo dəw gə to jigi tuga koso lə ngon gə njɛ̰ kara horo nganje gə njɛ̰-njɛ̰ gə ꞌta kagə ꞌne nama, kar ꞌtɔ ər kusu ne gɔb-e gə, d-ila mə babo gə le to nokarə lə-a ja cibi.

Marəke 9:43

To gə ɓo ji-i ɓa to ɗəw koso lə-i dan neɗa gə kṵra̰y gə nama ꞌgangə ila kɔrɔ. Mba kaw dara gə ji-i kara may unda ꞌye gə kar ji-i ga̰ joo kɛm ja ɓa d-un-i d-ila-i kəm pər gə a kṵy ang gə.

Lugu 17:2

To gə ɓo n-to jigi tuga koso lə ngon gə njɛ̰ kara horo nganje gə njɛ̰-njɛ̰ gə nee nama, to nokarə lə-a kar ꞌtɔ ər kusu ne gɔb-ɛ gə, d-ila mə babo gə.

Jean 6:61

Ngaɓa, Jeju gərə m-e gə to gə ngan njenendoje lə-a d-aw ꞌyṵrṵ tar ɔji dɔ tar gə nee le ɗaa, pa ar-je na: Tar gə nee le to jigi tuga gɔl si wa?

Romaindjé 14:21

May mba kusa da ang nəm kay kodo ang nəm, ngaɓa kɔgə rɔ-i dɔ ne gə a təl to jigi tuga no ngon ko̰-i gə kar oso ne ose mbɔr-ɛ ne.

1 Corinthiendjé 8:13

Gəl-e gə nee ɓa, to gə ɓo nekusa a təl to jigi tuga gɔl ngon ko̰-m nama, m-a kusa da ang gə dɔbo̰ ja, mba kar m-ɗa ne ngon ko̰-m m-ar-ɛ oso ang.

1 Corinthiendjé 8:9

Be ja kara, oje gə maj-ɛ ɓa, may kar dɔ to doy lə-sisəy təl to jigi tuga lə nje tɔgə godoje ang.

2 Corinthiendjé 6:3

Sijee ja ɗa ne kara kar to jigi no dəw gə mba kar d-a kila ne tar dɔ kula lə-si ang.

2 Corinthiendjé 8:9

Be ɓa, sisəy ꞌgərə-je mənuji lə Mbayɓe lə-sijee Jeju Kirisi, gə to baw ja ngaa, ɗa rɔ-ɛ gə njendoo mba kar ɗəw ndoo gə lə-a ɗaa sisəy a toje nebawje.

1 Thessaloniciendjé 5:22

Ne ja gə ne gə kṵra̰y nama ɔsəje ngərəng.

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?