Matiye 17:20 - Mbede Lə Luba Kone Gə Sigi

²⁰ Jeju pa ar-je na: Mba takagə lə-si njɛ̰ baa. Tɔgərɔ, m-pa m-ar-si, to gə ɓo takagə lə-si to yəm-yəm baa to to gə kandə kam nay gə ri-a na mutarədə ja kara, ꞌpaje ar-je ər gə ar na: Ɔdə gə nu nama n-a kɔdə; ne gə a kal dɔ-si kara kara a godo.

Testament ke Siki 1960 (Kabba Laka)

²⁰ Nè mpa naredè, Mbata ko mè té losè to ngadjiba. Mbata tokoro ma mpa maresè, tokou ko mè té losè ase tokou kandé sénevé kada, sésè a paidjé kare tokou err nèn, Ngese ke dang loou té ke nèn, ao loou té ke nou, nè na ngese ke né kada a kouta dòsè ang.

Matiye 17:20 ပူးပေါင်းရင်းမြစ်များ

Matiye 13:31

Jeju pa gusutar gə ɗangə ar-je na: Ɓeko̰ lə Luba ta naa gə kandə kam nay gə ri-a na mutarədə gə dəw un aw dubu mə ndɔ gə lə-a.

Matiye 14:29

Jeju pa ar-ɛ na: Ḭ ꞌɗe. Piyɛr ḭ mə to gə, nja dɔ man gə, aw gə rɔ Jeju gə.

Matiye 17:17

Jeju ila kəne na: ꞌToje dəwje nje məkədərəje, ꞌtoje njetula pa nja-je naa gə je, m-a ga̰ gə si saar ndɔ gə ɗa gə wa? Ose m-a kore uru-m dɔ si gə saar ndɔ gə ɗa gə wa? ꞌƊe-je gə ngon le ar-mje.

Matiye 17:19

Be ɓa, ngan njenendoje ꞌɗe mbɔr Jeju gə ngaɓa pa sə-a tar gə kar-ɛ baa na: Mba ɗi ɓa j-asə tɔbə ne njil gə kṵra̰y nee ang wa?

Matiye 17:9

Logə d-aw ɗisi dɔ ər dɔ-je gə nangə ɗaa, Jeju un ndu ar-je na: Ne gə oje nee le, a paje tar-ɛ kar dəw o ang saar mba kar ꞌma gə Ngon lə dəw m-a ndol horo nje gə d-uy gə.

Matiye 21:21

Jeju ila-je kəne na: Tar gə tɔgərɔ ja, m-pa m-ar-si, to gə ɓo ꞌtaje kagə Luba to gə tɔgərɔ ngaɓa ɓo ꞌɗəgəje tar mə-si ang nama, ne gə ce dɔ kagə tungu gə nee baa ɓa a ɗaje ang, ngaa logə a paje karəje dɔ ər gə nee na: Ɔdə lo gə nee gə aw oso mə babo gə nama, a ɗa to gə be ja tɔ.

Matiye 8:26

Jeju ḭ gə je na: ꞌƁəəlje mba ɗi wa? ꞌToje dəwje gə takagə lə-si əngə. Ngaɓa Jeju ḭ ar taar, ndangə ləl je gə babo ɗaa mbi lo pa kəng.

Marəke 11:22

Jeju un tar pa ar-je na: ꞌTaje kagə Luba.

Marəke 11:23

Tar gə tɔgərɔ ja, m-pa m-ar-si, to gə ɓo dəw pa ar dɔ ər gə nee na: Ɔdə lo gə nee gə aw oso mə babo gə, a to gə ɓo n-ma̰y tar dɔ ɓəngər-e gə ang, ngaa n-ta kagə to gə tar gə n-pa a ɗa ne nama, Luba a ɗa ne kar-ɛ.

Marəke 4:31

Ɓeko̰ lə Luba ta naa gə kandə kam nay gə ri-a na mutarədə, gə ɓo, logə ꞌdubu nangə nama to kandə ko gə mbadə ya̰ horo koje tɔ̰y gə ꞌdubu nangə gə,

Marəke 9:23

Jeju ila-a kəne na: To gə ɓo m-asə a ꞌpa wa? Ne tɔ̰y dum dɔ dəw gə njetakagə ang.

Lugu 1:37

Mba, ne kara kara dum dɔ Luba ang.

Lugu 17:6

Mbayɓe ila kəne na: To gə ɓo takagə lə-si to yəm-yəm baa to to gə kandə kam nay gə ri-a na mutarədə ja kara, ꞌpaje ar-je kagə sikomɔr gə nee na: Ɔr gə ngira-i ɓo aw maa rɔ-i dan babo gə kən nama n-a kila kuji dɔ si gə.

Lugu 18:27

Ɗaa n-ila kəne na: To ne gə dum dɔ dəwje ngaa Luba le ne gə dum dɔ-ɛ godo.

Jean 11:40

Jeju ila-a kəne na: To gə ɓo ꞌta kagə nama a ko rɔnduba lə Luba ɓa m-pa be m-ar-i ang wa?

1 Corinthiendjé 12:9

ar dəw gə ɗangə kar takagə, Njil gə kara baa nee le ja, ar dəw gə kən, gusu gə kar kaji dəwje, ɗəw gə lə Njil gə kara baa ɗəgədə nee le ja;

1 Corinthiendjé 13:2

Ngaɓa to gə ɓo m-pa tar gə pajambərə, m-gərə gəl neje tɔ̰y gə to lokiya gə ngaɓa gərə ne tɔ̰y, to gə ɓo m-ta kagə gə mə-m tɔ̰y, ar asə kar m-ngɛsə ne dɔ ərje ɓa, to gə ɓo njigi godo mə-m gə nama m-to ne gə baa.

Ebərəje 3:19

Be ɓa j-oje to gə d-ila gɔl-je kəne ang mba məkədərə lə-je ja tɔ.