Matiye 16:3 - Mbede Lə Luba Kone Gə Sigi

³ ngaa ɓo gə ndɔɔ-sḭ nama ꞌpaje na: Nji a kər ɓogəne ɗaa dara kasə mbo̰. Sisəy gə ꞌgərəje lo kunda rɔ ndaji dara ngaa mba ɗi ɓa asəje mba gərəje neje gə to kəm-si gə nda̰-nda̰ ang wa?

Testament ke Siki 1960 (Kabba Laka)

³ Ke sindò, epaidjé, Loou a to madjang bokonè mbata dara kasè ke ndi il. Sésè egeridjé ta kòrou gel tar lo né ke dara, a sésè egeridjé ta kòrou gel tar né ke loshénè ang.

Matiye 16:3 ပူးပေါင်းရင်းမြစ်များ

Matiye 11:5

Nje kəm tɔje d-o lo, njeməndəje ꞌnja, gə rɔ njebənjije arə ngadə nəm, mbigije kara d-o tar nəm, dəwje gə d-uy kara ꞌtəl ndol nəm ɓa, d-ila mbərə Tar gə May d-ar njendooje nəm.

Matiye 15:7

Njetar mulaje, Ejay ila mbərə gə ɔji dɔ-si gə maj-ɛ na:

Matiye 22:18

Ngaa Jeju gərə kəji lə-je gə kṵra̰y ɗaa, ila-je kəne na: Njetar mulaje, mba ɗi ɓa ꞌna-mje ne wa?

Matiye 23:13

Nekəmandoo to kar-sisəy, njekɔr gəl toronduje gə Parijiyɛ̰je gə to njetar mulaje! Mba uduje ta ɗew ɓeko̰ gə dara dɔ dəwje gə ngaɓa sisəy ja kara andəje kəne ang nəm, cibi ɔgəje nje gə mə-je njigi mba kandə kəne tɔ.

Matiye 4:23

Jeju nja dɔ nangə gə Galile tɔ̰y, tɔji dəwje ne mə kəy nendoje gə lə Jiibije, ngaɓa ila mbərə Tar gə May ɔji dɔ ɓeko̰ nəm, aji njerɔko̰je ɓədə-ɓədə gə njeməndəje ɓədə-ɓədə horo dəw mə ɓeje nəm tɔ.

Matiye 7:5

Njetar mula, un kagə gə to kəm-i kede nam ɓa, a ko ɗəw kun ne mu gə kəm ngon ko̰-i gə ɓi.

Lugu 11:44

Nekəmandoo to kar-sisəy, mba ꞌtoje to gə dɔbarə gə dəw gərə ang ɗaa nja kəne.

Lugu 12:56

Njetar mulaje, logə aje dɔ nangə ose dɔ dara nama ꞌgərəje ne gə a ɗe; ngaa mba ɗi ɓa asə gərəje ne gə nday no-si gə nee ang wa?

Lugu 13:15

Jeju ila-a kəne na: Njetar mulaje, ndɔ kuwa kɔr ja ɓa, dəwje gə kɛm horo-si gə ꞌtudu mangə ose kororo ta bəgərə nekusa gə d-ar aw ay man ang wa?

Ebərəje 5:14

Ngaa dəw gə tɔgə nama nekusa tɔgə ja tɔ ɓa to ɔji dɔ-ɛ, mba n-gərə kɔr kəm ne gə kṵra̰y gə ne gə may.