Matiye 16:27 - Mbede Lə Luba Kone Gə Sigi

²⁷ Mba ꞌMa gə Ngon lə dəw m-a ɗe dan rɔnduba gə lə Bɔ-mje gə anjije lə-a, ɗaa m-a kuga dɔ ji dəwje kara kara tɔ̰y gə go kula ɗa-je.

Testament ke Siki 1960 (Kabba Laka)

²⁷ Mbata Ngon lo doou a dé ke ndokoo lo Bèdjè ke angedjé la, ndò té ke nou nè na kouka dooudjé kada kada toï ase koula ke ndjè da.

Matiye 16:27 ပူးပေါင်းရင်းမြစ်များ

Matiye 13:41

ꞌMa gə Ngon lə dəw m-a kula anjije lə-m kar ꞌtɔr nje gə to jigi tuga gɔl marəje-je gə nje ɗa ne dɔ buguruje mə ɓeko̰ gə lə-m

Matiye 13:49

Dɔbo̰ ndɔ a to to gə be: anjije d-a ɗe kɔr kəm njeməngo̰yje horo nje ɗa neje gə gadə-gadə gə

Matiye 24:30

Be ɓa, dəwje d-a ko ne gə a tɔji ɗe lə ꞌma gə Ngon lə dəw ɗang-ɗang mə dara gə, gəl kujije tɔ̰y gə dɔ nangə nee d-a kunda kar-je no ne, ngaɓa d-a ko Ngon lə dəw a kar dɔ kil gə lə nji gə dara mba ɗe gə singamongə ngaɓa gə ndogo lə-a gə boy.

Matiye 25:31

Ndɔ gə ꞌma gə Ngon lə dəw, m-a ɗe gə riɓar gə anjije tɔ̰y naa gə le, m-a kisi dɔ ngəndəng riɓar gə lə-m.

Matiye 26:64

Jeju ila-a kəne na: Ce ta-i ꞌi gə ja, ngaɓa m-pa m-ar-si, a kun kud-e ɓisine ja, a ko-mje ꞌMa gə ngon lə dəw, M-a kisi dɔ ji kɔl Luba gə njesingamongə gə ngaɓa m-a kar dɔ kil lə nji mə dara gə.

Matiye 8:20

Jeju pa ar-ɛ na: Njaje gə ꞌto daje baa kara buja lə-je ga̰, ngaɓa əlje gə d-aw dara əng kara kinga lə-je ga̰, ngaa ꞌma gə Ngon lə dəw ja baa ɓa lo kula dɔ-m godo.

Marəke 14:62

Jeju ila kəne na: To ꞌma ja. Ɗaa a ko-mje ꞌma gə Ngon lə dəw gə m-isi dɔ ji kɔl Njesingamongə gə, m-a ɗe dan kil lə nji gə dara.

Marəke 8:38

Be ɓa, dəw gə ɗa rɔ kul mba-m ngaɓa gə mba tarje lə-m horo dəwje gə ɓogəne gə ꞌto nje ɓogo lo toje gə njeneɗaje gə kṵra̰y nee le, ꞌma gə Ngon lə dəw kara logə m-a ɗe dan rɔnduba gə lə Bɔ-mje naa gə kara gə anjije gə njerɔsangəje nama, m-a ɗa rɔ kul mba tar lə-a tɔ.

Lugu 21:27

Be ɓa d-a ko-m ꞌma Ngon lə dəw m-a kar dɔ kil gə lə nji gə dara mba ɗe gə singamongə ngaɓa gə ndogo lə-m gə boy.

Lugu 22:69

Ngaa un kud-e ɓogəne le, ꞌma gə Ngon lə dəw m-a kisi dɔ ji kɔl Luba gə njesingamongə gə.

Lugu 9:26

Mba, dəw gə ɗa rɔ kul mba ꞌma, ngaɓa gə mba tar lə-m nama, logə ꞌMa gə Ngon lə dəw m-a ɗe dan rɔnduba gə lə-m, gə dan rɔnduba gə lə Bɔ dəwje gə ngaɓa gə anjije gə njerɔsangəje ɗaa, m-a kila rɔ kul dɔ-ɛ gə.

Jean 21:22

Jeju pa ar-ɛ na: To gə ɓo m-njigi mba kar n-aw kəm baa saar kar-m m-təl m-ɗe ngaa se ɗi ɓa ɔs-i kəne wa? Uwa go-m,

Jean 21:23

Lo-e gə nee ɗaa, tar ḭ bib oso horo ngan ko̰ naaje na ngon njenendo gə nee le a kuy ang. Bənəng ja kara, Jeju pa ar-ɛ na n-a kuy ang ɓa m-pa bənəng ang baa; ngaa pa na: To gə ɓo m-njigi kar-ɛ n-aw kəm baa saar kar-m m-təl ɗe, ngaa se ɔs-i kəne na ɗi wa?

Koula 1:11

Sisəy dəwje gə Galile, mba ɗi ɓa arje aw aje ne lo gə dara wa? Jeju nee gə d-un-e horo-si gə dɔ-ɛ gə dara gə aw le, n-a təl ɗe ɗəw kara baa to to gə aw o-eje ne lo kaw gə dara be tɔ.

Romaindjé 14:12

Be ɓa na-na kara horo-sijee gə le, a kɔr go kula ɗ-ɛ no Luba gə ɔji dɔ-ɛ ye ja.

Romaindjé 2:6

ꞌne gə n-a kuga na-na kara gə go kula ɗ-ɛje:

1 Corinthiendjé 15:23

ngaa na-na kara gə lo kar-ɛ kar-ɛ: Kirisi ja to dɔngɔr-je tɔ̰y, ngaɓa nje kar Kirisije dɔ ndɔ gə təl gə lə-a.

1 Corinthiendjé 3:13

Mba dɔ ndɔ-ɛ nama kula nee le a to gada, mba d-a ce ne dan pər gə ngaɓa na-na kara d-a gərə ne singa kula lə-a gə d-a na dan pər gə.

1 Corinthiendjé 8:8

To nekusa ɓa a ɗəm gə sijee gə rɔ Luba gə ang. To gə ɓo j-usa ang kara ne kara lal-si ang nəm, to gə ɓo j-usa kara ne kara gə j-inga j-ila dɔ mar-ɛ gə godo nəm tɔ.

2 Corinthiendjé 5:10

Be ɓa, may kar-sijee tɔ̰y j-ar no ngəndəng gangə tar gə lə Kirisi, mba kar na-na kara inga ne dɔ ji lə-a gə may ose gə kṵra̰y gə ɗa lo gə ye nay nee mə darɔ gə ɓi.

Ephésiendjé 6:8

may kar-si ꞌgərəje gə maj-ɛ to gə kara kara tɔ̰y ja, ngon lokisi ose ngon kuji kara, neɗa lə-a gə may gə ye ɗa ja ɓa a kinga ne ne gə may mə ji Mbayɓe gə.

Colossiendjé 3:25

Mba dəw gə ɗa ne dɔ buguru nama a kinga kuga neɗa gə dɔ buguru tɔ, ngaɓa kɔr kəm dəw godo.

1 Thessaloniciendjé 1:10

ngaɓa gə mba kar-si ꞌngəbəje ne ngon-e gə n-ndol-e horo nje gə d-uy gə gə a kḭ dara, Jeju gə a kɔr-si ta wungu gə a ɗe gə.

1 Thessaloniciendjé 4:16

Mba d-a kun ɗəw kar ndu mbay lə anjije a ɓar, gə ndu kuul lə Luba a ɓar, ɗaa Mbayɓe ja gə darɔ-ɛ a kḭ dara ɗe ngaɓa nje gə d-uy gəl Kirisi gə d-a ndol dɔngɔr,

Jacques 5:7

Ngan ko̰-mje, uwaje mə-si ndəər, saar ndɔ ɗe lə Mbayɓe. Oje njendɔ ngəbə kandə ne gə ar yororo gə ye gə dubu nangə, uwa məndəər saar kar-ɛ inga man nji gə dɔngɔr, gə ta ngaw nji gə, gə ye gə ɗudu gə dɔ nay gə.

1 Piyɛr 1:17

To gə ɓo nje kɔr kəm dəwje ang, gə gangə tar dɔ na-na gə kara gə go kula ɗ-ɛje le, ꞌɓar-ɛje Bɔ nama, may kar dɔ ndɔ kisi kəm baa gə lə-si dɔ nangə nee ja ꞌɓəəl-eje ɗəw pa nja-si gə.

1 Jean 2:28

Ɗaa nganje, ɓisine ɗaa, umje naa gə sə-a, mba kar dɔ ndɔ gə n-a tɔji rɔ-ɛ gə ɗaga ɗaa j-a ɓəəl ang, ngaɓa rɔ kul a kuwa-si ndɔ təl gə lə-a ang.

Jude 1:14

Cibi, Enɔgə gə to gəl ka Adam gə njekum gə siri pa ne ɔji dɔ dəwje nee na: Oje, Mbayɓe a ɗe gə njerɔsangəje lə-a bula-bula,

Apocalypse 1:7

Oje Jeju ar dɔ kil gə lə nji gə tar aw ɗe. Dəwje tɔ̰y d-a ko-e, nje gə d-ɔsə mbo kar-ɛ gə ninga ꞌmbudu ja kara d-a ko-e gə kəm-je, ngaɓa gəl kuji dəwje tɔ̰y gə dɔ nangə nee d-a no rɔ-je mba tar lə-a. Oyo!

Apocalypse 2:23

Ngan-ɛ le, m-a kar-je d-uy, ɗaa mbo̰ naa lə njetakagəje tɔ̰y d-a gərə to gə ꞌma m-to gə dəw gə nje gərə mə dəwje gə dɔ ɓəngərə-je, ɗa m-a kuga dɔ ji si, na-na nama ɔji dɔ kula ɗ-ɛje.

Apocalypse 20:12

Be ɓa m-o nje gə d-uy, bubaje gə nganje, d-ar gə ngal-je tar mbiwu no ngəndəng mbay gə ɗaa ꞌcɛ̰ mə mbedeje. Cibi ꞌɗəm ꞌcɛ̰ mə mbede gə ɗangə kara gə to gə mbede təbə, ɗaa ꞌgangə tar dɔ nje gə d-uy gə ɔji buwa kula ɗaje kula ɗa-je, gə go neje gə ꞌɗa mə mbedeje gə le.