Matiye 16:21 - Mbede Lə Luba Kone Gə Sigi

²¹ Uma kud-e dɔ ndɔ-ɛ əng ja Jeju un kudu tɔji ne ngan njenendoje lə-a: To may kar n-aw Jerujalɛm mba ko ꞌməsərə ji buba ɓeje gə nəm, gə ji buba njekapoloje gə ngaɓa gə ji njekɔr gəl toronduje gə nəm tɔ. D-a ɗa kar ꞌtɔl ꞌne ngaɓa ndɔ gə njekum gə munda nama n-a təl ndol ɓi.

Testament ke Siki 1960 (Kabba Laka)

²¹ Ke ndò té ke nou Jésus ounkotè ta tòdjou ndjè kao gè tédjé ke nè nase kao Jérusalem té, ta kinga né ongou nya dji tòkou dooudjé té, ke tòkou ndjè kòrdjé ke ndjè da maketourou ndedjidjé, ke ta kare ntòlè, gè té ndò mouta nè nase ta kï.

Matiye 16:21 ပူးပေါင်းရင်းမြစ်များ

Matiye 12:40

Mba ɗəw kara baa to gə Jonas ɗa ndɔ munda gə cil munda mə kənji bo gə le, ꞌma gə Ngon lə dəw kara m-a ɗa ndɔ munda mə nangə gə tɔ.

Matiye 16:22

Piyɛr uwa Jeju ar sə-a nganga̰ ɗaa un kudu kḭ sə-a na: Luba ja ngom-i Mbayɓe! Ne gə nee le a ce dɔ-i gə ang.

Matiye 16:28

Tɔgərɔ, m-pa m-ar-si, nje gə kɛm gə d-ar horo-si gə nee d-a kuy ang saar d-a ko-m ꞌma gə Ngon lə dəw gə m-a ɗe gə Mbay gə boy gə kəm-je.

Matiye 17:12

Ngaa m-pa m-ar-si to gə Eli ɗe nam ja, ngaa ꞌgər-e ang ɗaa ꞌɗa sə-a ne gə mə-je njigi. Be ɓa ꞌma gə Ngon lə dəw kara m-a ko ꞌməsərə ji-je gə tɔ.

Matiye 17:9

Logə d-aw ɗisi dɔ ər dɔ-je gə nangə ɗaa, Jeju un ndu ar-je na: Ne gə oje nee le, a paje tar-ɛ kar dəw o ang saar mba kar ꞌma gə Ngon lə dəw m-a ndol horo nje gə d-uy gə.

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Matiye 26:2

ꞌGərəje to gə ndɔ ɗa Pagə nay ndɔ joo baa, ngaɓa d-a kun dɔ-m ꞌma gə Ngon lə dəw kar-je d-a ɓərə-m kagə dəsə gə.

Matiye 26:47

Logə n-aw n-pa tar t-ɛ gə baa ɓi ja ɗaa, Judas gə to kara lə ngan njenendoje gə dɔg gə gir-je gə joo le, ce pɔɔ gə bula bo dəwje gə d-uwa kiya bay gə ngal gə guruje ji-je gə. Buba njekapoloje gə buba ɓeje ɓa d-ula-je

Matiye 27:12

Ngaa tar gə buba njekapoloje gə buba ɓeje ꞌgangə d-um t-ɛ gə le, n-ar t-ɛ munduru.

Matiye 27:63

ɗaa ꞌpa na: Mbay, mə-si ole dɔ tar gə nje kərə dəwje le pa, logə isi ne gə təbə baa ɓi na: To gə ɓo ndɔ munda go kuy gə lə ne nama, n-a kɔsə lo ce buwa yo gə.

Matiye 28:6

Ɗaa n-godo nee, n-ndol ɗɔdə, to to gə n-pa ne kede le. ꞌƊeje, ɓo oje lo gə d-ila-a kəne le ɓa nee.

Marəke 8:31

Ɗaa n-un kudu kila mbi-je gə to gə kəm kar ꞌma gə Ngon lə dəw, m-o ꞌməsərə ya̰. Buba ɓeje, buba njekapoloje je gə njekɔr gəl toronduje d-a mbadə-m, ngaɓa d-a tɔl-m ɗaa ndɔ gə njekum gə munda nama m-a təl ndol.

Marəke 9:12

Jeju ila-je kəne na: Eli a ɗe kede ja ɓa gə mba gɔl neje tɔ̰y. Ngaa mba ɗi cibi ɓa ꞌɗa mə mbede gə na ꞌne Ngon lə dəw n-a ko ko̰ ne ya̰ ngaɓa d-a dab-ɛ dasəra le wa?

Lugu 17:25

Ngaa kede nam ɓa nama, may kar n-o ꞌməsərə ya̰ ngaɓa kar dəwje gə ɓogəne d-a mbad-ɛ.

Lugu 24:46

Ngaɓa n-pa n-ar-je na: To gə ꞌɗa mə mbede na: Kirisi le, a ko ꞌməsərə ngaɓa ndɔ gə njekum gə munda lə-a ɗaa, n-a ndol horo nje gə d-uy gə.

Lugu 9:31

Logə ꞌɗe d-inga-a ɗaa, ndogo lə Luba gugu dɔ-je mbugu. ꞌPa ne tar tɔl gə d-a tɔl Jeju mə ɓe gə Jerujalɛm oso ne kəne paragə.