Matiye 16:17 - Mbede Lə Luba Kone Gə Sigi

¹⁷ Jeju təl un tar pa ar-ɛ na: Simo, ngon lə Jonas, ꞌi to njerɔləl mba darɔ gə məsə ɓa təgə gəl ne gə nee ar-i ang, ngaa Bɔy gə isi mə dara gə ja ɓa təgə gəl-e ar-i.

Testament ke Siki 1960 (Kabba Laka)

¹⁷ Jésus tél tar arè pana, Madji éh sei, Simon ngon lo Jonas. Mbata da rò ke mese tòdji tar nèn ang, a Bòi ke isi dara.

Matiye 16:17 ပူးပေါင်းရင်းမြစ်များ

Lugu 22:32

Ngaa ꞌma ɗaa, m-dəji Luba mba-i mba kar takagə lə-i unda nangə ang. Ɗaa ꞌi, lo gə ꞌtəl um sə-m naa gə nama, ꞌi ngaɓa a kula jingaw mə ngan ko̰-ije gə.

Jean 1:42

Be ɓa n-ɔr no-ɛ n-aw sə-a ɓe lə Jeju. Logə Jeju a-e jii ɗaa pa na: ꞌI to Simo, ngon lə Ja̰: D-a ɓar-i Sepas, kɔr m-e na: Kɔr ər.

Jean 6:45

ꞌƊa mə mbede gə lə pajambərəje na: Dəwje tɔ̰y ja Luba a tɔji-je ne. Na-na ɓa o ndu Bɔ dəwje ngaɓa uwa nendo lə-a m-e gə nama ɗe rɔ-m gə.

1 Corinthiendjé 15:50

Ngan ko̰-mje, tar gə m-pa le, mba darɔ gə məsə le d-a kasə kuwa ɓeko̰ lə Luba gə nenduba ang, ngaɓa ne gə a ndum le, a kuwa nduba ne gə a ndum ang ang.

Galatedjé 1:16

ꞌNe ja n-tɔji-m ngon-e mba kar-m m-ila mbərə lə-a m-ar dəwje gə ꞌgərə Luba ang, be ɓa, m-dəji tar ndəji dəw ang;

Ephésiendjé 2:8

Be ɓa, mbɔr dɔ mənuji ɓa sisəy ajije ne kəbərə ɗəw takagə gə. Sisəy ɓa ngira kaji nee le ḭ rɔ-si gə ang, to nekarə baa lə Luba,

Ephésiendjé 3:5

Ne gə to lo kiya-a gə nee le, Luba ar kəm nje gə kede ləw unja dɔ-ɛ gə, to gə n-kila ne dɔ-ɛ ɓisine ɗəw njil gə n-ar njeka̰ykulaje gə ꞌto gə losang-ɛ gə pajambərəje lə-a be ang baa:

Ephésiendjé 6:12

Mba ɗɔ lə-sijee ɔji buwa darɔ gə məsə ang, ngaa ɔji dɔ nje dum dɔ loje gə njeko̰ ɓeje, gə njeko̰ dɔ loje gə cil ciməri gə gə dɔ nangə gə nee, gə njilje gə njesingamongəje gə kṵra̰y gə dara.

Ebərəje 2:14

Be ɓa mba nganje d-um naa gə kara ɗəw məsə gə ɗəw darɔ gə ɗaa, ꞌne kara to to gə be ja n-um ne gə je naa gə ɗəw kuy gə lə-a mba guru ne singa ꞌye gə singamongə yo to ji-a gə, gə to ꞌSɛ̰ngərɛ̰,

1 Piyɛr 5:1

M-ndəji ngatɔgəje gə horo-sisəy gə, ꞌma gə m-to ngatɔgə to to gə ꞌjejee be tɔ, m-to njetar naji ꞌməsərəje lə Kirisi ngaɓa rɔnduba gə a kila rɔ-ɛ gə ɗaga le kara m-a kar dan-ɛ gə tɔ.

1 Jean 4:15

Dəw gə pa gə t-ɛ na Jeju to Ngon lə Luba nama, Luba isi m-e gə ngaɓa dəb-e le um naa gə Luba gə tɔ.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.