Matiye 15:31 - Mbede Lə Luba Kone Gə Sigi

³¹ Logə bula dəwje d-o ɗaa cɛdə singa-je mba mbigije gə pa tar, gə njeməndəje dang-dang gə rɔ-je təl to gə maj-ɛ, gə nje nja məndəje kara nja gə maj-ɛ nəm, gə nje kəm tɔje gə d-o lo ɗaa d-ɔsə ne gaji Luba lə Ijirayɛlje tɔ.

Testament ke Siki 1960 (Kabba Laka)

³¹ Tokou ban mè dooudjé ke baya baya edji nya tokou dèdè do ndjè ke pa tar ang, dao mpa tar madji, ndjè ke djidè woei, djidè dé madji, ndjè ke oso mete, dao ndja madji, ke ndjè kem tòdjé wo loou, dèdè dòsou gadji Allah lo Israël.

Matiye 15:31 ပူးပေါင်းရင်းမြစ်များ

Matiye 15:30

Be ɓa bula bo dəwje ꞌɗe rɔ-ɛ gə gə nje nja məndəje, gə nje kəm tɔje, gə njeməndəje gə mbigije nəm ngaɓa gə njerɔko̰je gə kɛm bula ya̰ nəm tɔ. ꞌƊe gə je ꞌɗe d-umje no gɔl Jeju gə ɗaa aji-je.

Matiye 18:8

To gə ɓo ji-i ose gɔl-i ɓa to ɗəw koso dan neɗa gə kṵra̰y gə lə-i nama may kar ꞌgangə ila kɔrɔ; mba kinga kaji gə ji-i kara ose gə gɔl-i kara, may unda ye gə kar aw gɔl-i gə joo ose ji gə joo to gə maj-ɛ ja ɓa aw ne kəm pər gə a to gə ndɔ gə ndɔ.

Matiye 21:14

Nje kəm tɔje gə njeməndəje ꞌɗe d-inga-a mə ndogo gə, kəy gə lə Luba ɗaa n-aji-je.

Matiye 8:10

Logə Jeju o tar gə njekun dɔ njeɗɔje gə tɔl le pa to gə be, ɗaa lo tar ig-e sɛl gə rɔləl, cibi ɓa təl pa ar dəwje gə ꞌndole go-a na: Tar gə tɔgərɔ ja m-pa m-ar-si to gə horo dəw mə ɓeje gə Ijirayɛl nee tɔ̰y ja kara m-o takagə gə bo to gə be ang.

Matiye 9:32

Logə nje kəm tɔje d-aw ce mba kaw ɗaa, ꞌɗe gə dəw gə njil gə kṵra̰y ɗa ɓe m-e gə ar-ɛ təl to gɔdə d-ar Jeju.

Matiye 9:33

Logə Jeju tɔbə njil gə kṵra̰y le ɗaa, dəw le pa tar gə maj-ɛ. Ne gə Jeju ɗa le dum dɔ dəwje ar-je ꞌpa na: Ndɔ kara ja j-o ne gə to gə be dɔ nangə gə Ijirayɛl ang.

Matiye 9:8

Logə bula dəwje d-o be ɗaa, lo tar igi-je sɛl, ar d-ɔsə ne gaji Luba gə nje kar dəwje singamongə gə to gə be.

Marəke 2:12

Ji naa gə nee ja, n-ḭ taar, n-un tuwa lə-a cibi n-ɔsə lo n-ce kəm dəwje gə tɔ̰y ja, n-ar lo tar igi-je sɛl, ɗaa d-ɔsə ne gaji Luba ꞌpa na: J-o ne gə to gə be ndɔ kara ang.

Marəke 7:37

Lo tar igi dəwje sɛl ar ꞌpa na: Ne tɔ̰y gə n-ɗa ja may gə may dɔro, nje mbi kuduje ja kara d-o tar nəm, ngaɓa gɔdəje kara pa tar nəm tɔ.

Marəke 9:43

To gə ɓo ji-i ɓa to ɗəw koso lə-i dan neɗa gə kṵra̰y gə nama ꞌgangə ila kɔrɔ. Mba kaw dara gə ji-i kara may unda ꞌye gə kar ji-i ga̰ joo kɛm ja ɓa d-un-i d-ila-i kəm pər gə a kṵy ang gə.

Lugu 14:13

Ngaa logə ꞌgɔl nekusa gə bo nama, ꞌɓar njendooje, gə njeməndəje, gə njenja məndəje, gə nje kəm tɔje.

Lugu 14:21

Ngon njekula le təl aw inga ꞌɓəə-eje, ɗaa ndaji ndu-je le tɔ̰y ar-ɛ. Mə njekəy le o̰-ɛ, ɗaa pa ar ngon njekula lə-a na: Ɔdə aw gə tɔg-ɛ nada gə ɗəw booje gə, gə mə ɓe gə, ꞌɗe gə njendooje, gə njeməndəje, gə nje kəm tɔje je gə nje nja məndəje.

Lugu 18:43

Ɗaa, lo-e gə əng ja n-o lo, ɗaa n-ɔdə n-uwa go Jeju, n-ɔsə gaji Luba taar-taar. Dəw mə ɓeje tɔ̰y d-o ne gə əng le ɗaa, ꞌpidi ne Luba.

Lugu 7:16

Dəwje tɔ̰y ꞌɓəəl, d-ɔsə gaji Luba ngaɓa ꞌpa na: D-ar pajambərə gə bɔy ɗe horo-sijee gə! Cibi, Luba ila kəm-e dɔ dəwje gə lə-a!

Jean 9:24

Parijiyɛ̰je ꞌɓar nje kəm tɔ le gə gɔl joo lə-a ɗaa ꞌpa d-ar-ɛ na: Ɔsə gaji Luba! Sijee j-a gərə to gə dəw gə nee le to gə njeneɗa gə kṵra̰y