Matiye 13:44 - Mbede Lə Luba Kone Gə Sigi

⁴⁴ Ɓeko̰ gə dara le to asə naa gə nekinga gə iya rɔ-ɛ mə ndɔ gə. Dəw gə inga ne le ɗaa un iya to gə ɗangə, rɔ-ɛ ləl-e ya̰ ar n-ɔdə n-aw n-uwa neje lə-a tɔ̰y n-ndogo ngaɓa n-ta lar-ɛ n-aw n-ndogo ne ndɔ nee le.

Testament ke Siki 1960 (Kabba Laka)

⁴⁴ Béh kö ke dara to tokou né kinga ke yarè mè ndòò té kada, ke doou kada inga ke iyèè bai, bana mbata mèa koukou nè nao nlabe né la toï ke nè ndoko ndòòn lé.

Matiye 13:44 ပူးပေါင်းရင်းမြစ်များ

Matiye 13:24

Jeju təl un gusutar gə ɗangə pa ar-je na: Ɓeko̰ gə dara to asə naa gə dəw gə aw dubu ko wa gə may mə ndɔ gə lə-a.

Matiye 13:46

Logə n-inga mər gə lar-ɛ to ɓəəl ya̰ ɗaa n-ɔdə n-aw n-ɗabə neje lə-a tɔ̰y ngaɓa n-təl n-aw n-ndogo ne mər nee le.

Matiye 13:47

Ɓeko̰ gə dara to to gə bura gə d-ila baa ɗaa ɔr kəm kənjije ang.

Matiye 19:21

Jeju pa ar-ɛ na: To gə ɓo ꞌi njigi mba to dəw gə may pɛdə nama, aw odo neje lə-i tɔ̰y ꞌɗabə n-ndogo ɓo iya̰ lar-ɛ aw ar njendooje, ɗaa a kinga nebaw mə dara gə, ɓo ꞌɗe uwa go-m.

Matiye 19:27

Be ɓa, Piyɛr un tar dəji Jeju na: A o, sijee gə j-uba neje tɔ̰y j-iya̰ ɓa j-uwa go-i nee le, ɗi ɓa a to mba-si wa?

Matiye 19:29

Dəw gə ɗa-ɗa gə mba-m ꞌma ɓa uba ne mə kəy lə-a iya̰, gə ngan ko̰-ɛje, gə ko̰ nan-ɛje, gə bɔ-ɛje, gə ko̰-ɛje, gə ngan-ɛ ose mə ndɔje lə-a nama a kinga mar-ɛ bula dɔ-ɛ gə ngaɓa a kinga təbə gə gə ndɔ gə ndɔ gə nenduba.

Matiye 6:21

Mba lo gə nekinga lə-i to kəne ja ɓa, mə-i a to kəne.

Lugu 14:33

Be ɓa, Jeju təl pa na: Dəw gə ɗa-ɗa ɓa horo-sisəy gə nee ɓo ḭya̰ go nekingaje lə-a ang nama, a to ngon njenendo lə-m ang baa.

Jean 6:35

Jeju pa ar-je na: ꞌMa ja m-to gə mbə gə kar kisi gə təbə; dəw gə ɗe rɔ-m nama, ɓo a kɔr-ɛ ang ja saar, ngaɓa dəw gə ta kagə-m nama kunda a kɔr-ɛ ang ja saar tɔ.

Romaindjé 15:4

Be ɓa neje gə ꞌɗa mbede gə kede ləw le, ꞌɗa mba tɔji-si ne ne, mba kar ɗəw gə lə kuwa gədərə gə kul-mə gə mbede lə Luba a tɔji-si le, j-a kisi nee gə məkunda.

Colossiendjé 2:3

ꞌne le ɓa nekingaje tɔ̰y gə to gə kəm karə gə negərə d-iya rɔ-je rɔ-ɛ gə.

Colossiendjé 3:16

Ar-je tar lə Kirisi ɗa ɓe mə-si gə gə mong-e, ꞌndoje naa ngaɓa ꞌndəjije ne naa gə yo gə nee gə kəm karə, ɔsəje gaji Luba gə pa kɔsə, paje ɓədə-ɓədə, gə paje gə ɗəw Njil gə, ɔsəje pa, ꞌɗa-eje ne oyo gə dɔ ɓəngərə si tɔ̰y.

Ebərəje 10:34

Mba oje kəmtondoo lə nje gə to kəy kula gə, ngaɓa d-uwa si nemayje lə-si ꞌta kara to si ang nəm, mba ꞌgərəje to gə ingaje nemayje gə to ɓəəl gə a to gə ɓal-ɓal nam.

Apocalypse 3:18

M-ndəj-i mba kar-i ꞌndogo sə-m maa gə d-ula-a ndubu pədə d-ar ar yororo mba kar-i ꞌtəl ꞌto ne njenekinga, gə kubuje gə nda mba kar-i ula rɔ-i gə on ne lo rɔ kul lə-i, gə kam ngogula ila kəm-i gə mba kar-i o ne lo.