Matiye 13:22 - Mbede Lə Luba Kone Gə Sigi

²² Kandə kər gə um mə kunje gə le nay ɗəw kara baa gə dəw gə tuga mbi-a o ne tar lə Luba, ngaa no rɔ gə ɔji dɔ kəji neje gə nangə nee, gə ɓo nekingaje, ɗe udu dɔ tar lə Luba gə n-o le ngaɓa ɗa ar kand-e godo.

Testament ke Siki 1960 (Kabba Laka)

²² Tar lo yéh ke oso horo konn té, to to nè ke no tar ndja, a koula la ke ta da né la nange nèn, ke kere ka né kinga to tar ndja a nè nan ang.

Matiye 13:22 ပူးပေါင်းရင်းမြစ်များ

Matiye 12:32

Dəw gə ɗa-ɗa gə pa tar gə kṵra̰y dɔ ꞌma gə Ngon lə dəw nama, d-a kɔr tar-ɛ dɔ-ɛ gə, ngaa dəw gə pa tar gə kṵra̰y dɔ Njil Njerɔsangə gə le, Luba a kɔr tar-ɛ dɔ-ɛ gə dɔ ndɔje gə ɓisine ang nəm ɓa dɔ ndɔje gə aw ɗe kede ang nəm.

Matiye 13:39

njeba̰a̰ gə dubu waa da̰w lə to ꞌSɛ̰ngərɛ̰; nay kunja ko le to ɗudu ndɔ gə dɔ nangə nee; njekunja koje le to anjije.

Matiye 13:40

Ɗəw kara baa to gə d-a mbo̰ ne waa da̰w dɔ nangə mba ro le, a to to gə be ja tɔ a dɔ ɗudu ndɔ gə.

Matiye 13:7

Kandə kər gə kɛm um horo kunje gə, logə kunje ḭ ɗaa udu dɔ-ɛ.

Lugu 12:15

ꞌNgom-je rɔ-si dɔ mal nekinga gə, mba təbə lə dəw to ɔji dɔ neje gə inga ang baa.

Lugu 12:21

Jeju təl pa ja cibi na: Ye ɓa to ne gə ce dɔ dəw gə mbo̰ nekinga ɔji dɔ-ɛ ye ja baa, ɓo to njenekinga gə ɔji dɔ Luba ang.

Lugu 21:34

Undaje kəm karə dɔ rɔ-si gə, ɓo ar-je mə-si to gə dɔ gə nekay mbə gə, gə nekusa gə gə ka guru gə ja kara baa ang, mba kar uwa-si ɓərə ang, ngaɓa gə tar kəjije gə ɔji dɔ kisi kəm baa gə mba kar ndo-ɛ nee le uba-si nangə bus ang.

Lugu 8:14

Kandə kər gə um mə kun gə le to to gə dəwje gə ꞌtuga mbi-je d-o ne tar nee le, ngaa no rɔje, gə nemayje, gə rɔləl gə dɔ nangə nee udu dɔ tar le ar kand-e ɔr ndəl ang.

Koula 8:18

Logə Simo o to gə gə go kila ji dɔ gə lə njeka̰ykulaje ɓa d-ar ne Njil ɗaa, ɗe gə lar ar-je ngaɓa pa na:

Romaindjé 12:2

May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

1 Corinthiendjé 1:20

Nje kəm karə le aw ɗa wa? Njekɔr gəl torondu lə Jiibije le aw ɗa wa? Njekunja kəm tar gə dɔ nangə nee le aw ɗa wa? Se kəm karə gə dɔ nangə gə nee le Luba təl-e mbə ang wa?

1 Corinthiendjé 2:6

Logə m-pa tar kəm karə m-ar dəwje gə ꞌtɔgə dɔ takagə gə le, to kəm karə gə dɔ nangə nee ang nəm, ɓa to kar mbay lə njilje gə njeko̰ dɔ loje gə dɔ nangə nee gə d-a tuji pugudu le ang.

1 Corinthiendjé 2:8

dəw kara horo mbayje gə lə njilje gə njeko̰ dɔ loje gə dɔ nangə nee kara ꞌgərə ang, mba to gə ɓo ꞌgərə nama d-a ɓərə Mbayɓe gə njerɔnduba kagə dəsə gə ang.

1 Corinthiendjé 3:18

May kar dəw ərə rɔ-ɛ ang. To gə ɓo dəw kara horo-si gə o rɔ-ɛ gə nje kəm karə gə dɔ ndɔ gə ɓogəne nama may kar-e təl mbə ɓa mba təl to nje kəm karə ɓi.

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

Galatedjé 1:4

Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

1 Timoce 6:17

ꞌNdəji bawje gə dɔ ndɔ gə ɓogəne mba kar d-unda kar-je ang, ngaɓa mba kar d-unda mə-je to dɔ nekinga gə a nday gə ang, ngaa d-unda mə-je dɔ Luba gə. ꞌNe gə to nje kar-si ne gə j-aw ndoo-e gə kobəre mba kar j-a ɗa ne rɔləl.

2 Timoce 4:10

mba Demas mbadə-m mba nemayje gə dɔ nangə nee, ɗaa ɔdə aw gə mə ɓe gə Tesaloniki; Keresa̰s aw dɔ nangə gə Galasi gə, ngaɓa Titə aw mə ɓe gə Daləmati.