Matiye 13:12 - Mbede Lə Luba Kone Gə Sigi

¹² mba dəw gə ne ga̰ ji-a gə ɓa d-a kar-ɛ mar-ɛ ɗaa a ɗusu ji-a, ngaa dəw gə ne godo ji-a gə le, ye gə ga̰ ji-a gə njɛ̰ ja kara d-a ta ɗɔdə.

Testament ke Siki 1960 (Kabba Laka)

¹² Mbata nè ke néh ke né, da karè marè dè té, ke nè na kéh ke né baya baya, a nè ke néh ke né ang, lé né ke to dja té ka da taa.

Matiye 13:12 ပူးပေါင်းရင်းမြစ်များ

Matiye 21:43

Gəl-e gə nee ɓa, m-pa m-ar-si, Luba a kɔr ɓeko̰ lə-a ji-si gə mba kar gəl kuji dəwje gə ꞌɗa kul-ɛ mba kar kand-e to.

Matiye 25:29

Mba dəw gə ne ga̰ ji-a gə ɓa d-a kar-ɛ mar-ɛ ɗaa a ɗusu ji-a, ngaa dəw gə ne godo ji-a gə le, ye gə ga̰ ji-a gə njɛ̰ ja kara d-a ta ɗɔdə.

Marəke 12:9

Ɗi ɓa njendɔ le a ɗa wa? N-a ɗe kar ꞌtɔl nje ɗa kula mə ndɔ gə je, ɗaa n-a kun ndɔ bḭyə̰ le kar nje gə ɗangə.

Lugu 10:42

Ngaa ne gə dəwje d-aw sangə le, Məri un dəbe gə may, gə dəw a ta ji-a gə ang.

Lugu 12:48

Ngaa, ngon njekula gə gərə ne gə ꞌɓəə-jeje njigi ang baa, ɓa ɗa kṵra̰y nama, a kinga kunda njɛ̰ baa. Na-na ɓa d-ar-ɛ ne ya̰ nama d-a dəji-e ya̰ ja tɔ, ngaɓa dəw gə d-um ne ya̰ ji-a gə kar ngom le, d-a dəji-e ya̰ ja tɔ.

Lugu 16:2

N-ɓar njengom neje lə-a le ɗaa n-pa n-ar-ɛ na: Tar ɗi ɓa m-o dɔ-i gə ne wa? ꞌƊe ꞌpa tar kula lə-i gə ɔji dɔ ngom neje le ar-m m-o ɓa, mba a kasə to njengom ne lə-m ang saar gə dɔbo̰.

Lugu 16:25

Abəraham pa ar-ɛ na: Ngon-m ar mə-i ole to gə inga rɔləl dɔ ndɔ kisi kəm baa gə lə-i le, Lawjar ɗaa o ꞌməsərə; ngaa ɓogəne ɗaa ꞌi ngaa o ꞌməsərə, a ꞌne n-isi gə rɔləl.

Lugu 8:18

Undaje kəm karə dɔ rɔ-si gə ɔji dɔ pa ko tar lə-si; mba dəw gə ne ga̰ ji-a gə ɓa d-a kar-ɛ mar-ɛ kəne, ngaa dəw gə ne godo ji-a gə le, ꞌye gə n-əji to gə ga̰ ji-a gə ja kara d-a ta ɗɔdə.

Lugu 9:26

Mba, dəw gə ɗa rɔ kul mba ꞌma, ngaɓa gə mba tar lə-m nama, logə ꞌMa gə Ngon lə dəw m-a ɗe dan rɔnduba gə lə-m, gə dan rɔnduba gə lə Bɔ dəwje gə ngaɓa gə anjije gə njerɔsangəje ɗaa, m-a kila rɔ kul dɔ-ɛ gə.

Jacques 4:6

Ngaa mənuji gə n-ar le, bo unda neje tɔ̰y, to gə be ɓa Mbede pa na: Luba ɔsə njekunda kar-jeje ngərəng, Ngaa n-ar mənuji lə-a nay gə nje gə d-ula dɔ-je ngulum.

Apocalypse 2:5

Be ɓa ar mə-i ole dɔ lo gə ꞌce oso kəne: ꞌTuru kəji lə-i, ɓo un kula ɗa-ije gə may gə kede ləw. Be ang nama m-aw gə ɓə lə-i əng, a to gə ɓo, ꞌturu kəji lə-i ang nama, m-a kɔr dɔ ne kunda lambe lə-i lo to-e gə gə ɗangə.