Matiye 12:41 - Mbede Lə Luba Kone Gə Sigi

⁴¹ Ndɔ gangə tar nama, dəw mə ɓeje gə Ninibə d-a kuba nangə kḭ naa gə kara baa gə gəl kuji nee, ngaɓa tar a təl kuwa dɔ gəl kuji gə nee le, mba dəwje gə Ninibə ꞌturu kəji lə-je gə go tar lə Luba gə Jonas pa ar-je, ngaɓa oje, dəw gə nday Jonas ja ar nee.

Testament ke Siki 1960 (Kabba Laka)

⁴¹ Dooudjé ke Ninive té a kï ndò gange saria té ke gel dooudjé nèn, ta gange saria dòdè té, mbata dèdè mbeté kedji né da ke madjang lodè tokou Jonas pa tar aredè, ke woidjé, mare kada wota Jonas éh nèn.

Matiye 12:41 ပူးပေါင်းရင်းမြစ်များ

Matiye 12:39

N-ila-je kəne na: Gəl kuji gə kṵra̰y gə nje ɓogo lo to mba turu gir-e kar Luba, dəji netɔji, nama d-a kar-ɛ netɔji gə ɗangə kara unda dɔ kar pajambərə gə lə Luba, gə ri-a na Jonas ang.

Matiye 12:42

Mbay jene gə go ɓe gə dɔ kɔl a kuba nangə kḭ ndɔ gangə tar gə naa gə gə gəl kuji gə nee ngaɓa a kila tar dɔ-ɛ gə, mba n-ḭ ko̰ nangə gə ja n-ɗe mba ko kəm karə lə mbay Salomo, ngaa oje dəw gə to ɓəəl unda Salomo ja ar nee.

Matiye 12:45

N-təl n-aw ɓar njilje gə ɗangə siri gə kṵra̰y d-unda-a n-um-je go-e gə; ngaɓa d-andə mə kəy gə le ꞌɗa ɓe kəne ɗaa dəw nee le təl kṵra̰y unda kisi lə-a gə kede. Kar gəl kuji gə nee kara a to to gə be ja tɔ.

Matiye 12:6

Ngaa, m-pa m-ar-si to gə dəw gə to ɓəəl unda kəy lə Luba ja ar nee.

Matiye 16:4

Gəl kuji gə kṵra̰y gə nje ɓogo lo to mba turu gir-e kar Luba, dəji netɔji nama, d-a kar-ɛ netɔji gə ɗangə kara unda dɔ kar Jonas gə ang. Ngaɓa Jeju iya̰-je ɔdə aw.

Matiye 17:17

Jeju ila kəne na: ꞌToje dəwje nje məkədərəje, ꞌtoje njetula pa nja-je naa gə je, m-a ga̰ gə si saar ndɔ gə ɗa gə wa? Ose m-a kore uru-m dɔ si gə saar ndɔ gə ɗa gə wa? ꞌƊe-je gə ngon le ar-mje.

Matiye 23:36

Tɔgərɔ ja m-pa m-ar-si, neje tɔ̰y nee le tar-ɛ a kuwa dɔ gəl kuji gə ɓogəne.

Lugu 11:32

Ndɔ gangə tar nama, dəw mə ɓeje gə Ninibə d-a kuba nangə kḭ naa gə kara baa gə gəl kuji nee, ngaɓa tar a təl kuwa dɔ gəl kuji gə nee le, mba dəwje gə Ninibə ꞌturu kəji lə-je gə go tar lə Luba gə Jonas pa ar-je, ngaɓa oje, dəw gə nday Jonas ja ar nee.

Jean 3:31

Dəw gə ḭ dara le to dəw dɔ neje tɔ̰y; dəw gə ḭ dɔ nangə nee le, to dəw gə nangə nee, ɗaa neje gə dɔ nangə nee ja tɔ ɓa ye pa tar-ɛ tɔ. Ngaa dəw gə ḭ dara le, to dəw dɔ neje tɔ̰y,

Jean 4:12

ꞌI ꞌto ɓəəl ya̰ unda ka-sijee Jakobo gə ḭya̰ buwa man gə nee ar-sijee le wa? Buwa gə ꞌne ja n-ay man kəne gə t-ɛ gə ngan-ɛ gə nekuulje lə-a.

Romaindjé 2:27

ꞌNe gə n-to njekunja bərə ang ja, n-ila kuji dɔ torondu gə le se, n-gangə ne tar dɔ-i ꞌi gə ang wa? ꞌI gə torondu to ji-i gə ngaɓa unja bərə ja cibi ɓa al dɔ torondu le.

Ebərəje 11:7

Ɗəw gə lə takagə ɓa Luba pa ne tar ne gə dəw o ndɔ kara ang baa ɓi ar Nowe ɗaa Nowe ɓəəl ila ne kɔji ɗa ne to mba kaji lə nje gə kəy lə-a, ngaɓa n-gangə ne tar dɔ dəwje gə cibi ɓa n-to ne njekuwa nduba neɗa gə gadə-gadə ɗəw gə lə takagə lə-a.