Matiye 12:34 - Mbede Lə Luba Kone Gə Sigi

³⁴ Sisəy gə mə-si kṵra̰y nee le, ꞌto to-je gə kondɔtɔl be, tar gə may a ce ta-si gə to gə ban wa? Ye gə ɗusu mə-si ja ɓa ce ta-si gə.

Testament ke Siki 1960 (Kabba Laka)

³⁴ Sè ngan horomahodjé, sésè asidjé pa tar ke madji deo di wa, tokou sésè etoidjé madjang? Mbata ta doou pa tar né ke dousou mèa.

Matiye 12:34 ပူးပေါင်းရင်းမြစ်များ

Matiye 12:35

Dəw gə may nama ne gə may ja tɔ ɓa a kḭ m-e gə, ngaa ɓo dəw gə kṵra̰y nama ne gə kṵra̰y ja tɔ ɓa a kḭ m-e gə tɔ.

Matiye 15:18

Ngaa ne gə ce mə kil dəw gə le ḭ m-e gə, ye ɓa ar dəw mina ne.

Matiye 23:33

Sisəy gə ꞌtoje to gə kondɔtɔlje be, a ɗaje ban ɓa a ceje ne ta tar a kuwa dɔ-si no Luba gə, gə a kaw gə si kəm pər gə a to gə no le ang wa?

Matiye 3:7

Logə n-o to gə Parijiyɛ̰je gə Sadusiyɛ̰je ꞌɗe bula ya̰ mba batɛm ɗaa n-pa n-ar-je na: Sisəy gə ꞌtoje to gə kondɔtɔlje be, na ɓa tɔji-si pa ka̰y wungu lə Luba gə aw ɗe le wa?

Lugu 3:7

Bula dəwje ꞌɗe rɔ Ja̰ gə mba kar ɗa-je batɛm. Ja̰ pa gə je na: Sisəy gə ꞌtoje to gə kondɔtɔlje be, na ɓa tɔji-si pa ka̰y wungu lə Luba gə aw ɗe le wa?

Lugu 6:45

Dəw gə may le, tar gə may ɓa ce t-ɛ gə, ngaa dəw gə kṵra̰y le, tar gə kṵra̰y ɓa ce t-ɛ gə, mba ye gə ɗusu mə dəw ja ɓa ce t-ɛ gə.

Jean 8:44

Sisəy ꞌtoje gə nje kar bɔ-sijee ꞌSɛ̰ngərɛ̰, ɗaa ꞌnjigije mba ɗaje ne gə uwa mə bɔ-sijee. ꞌNe le, n-to nje tɔl dəwje kede ləw baa lo kuma kudu neje gə nu; ꞌne n-pa tar gə tɔgərɔ ang, mba tar gə tɔgərɔ godo ɓə lə-a. Logə n-pa tar gə ɗəgərə ɗaa, n-pa tar ɔji dɔ ne gə to k-ɛ ꞌne ja, mba n-to nje ɗəgərə ngaɓa n-to bɔ tar gə ɗəgərəje tɔ.

Ephésiendjé 4:29

May kar tar gə ha̰rə̰w ce ta-si gə ang, ngaa to gə ɓo ɗəw to nama, ꞌpaje Tar gə May gə a kula jingaw mə naa gə nəm, ngaɓa dəwje d-o nama d-inga mənuji kəne tɔ.

Ephésiendjé 5:4

ngaɓa tar mbəje, gə tarje gə baa gə nangə əng, ose tar rɔ kulje le, ar-je ce ta-si gə ang; ngaa tarje tɔ̰y gə ce ta-si gə le, ꞌɗaje ne Luba oyo.

Jacques 3:2

J-a ɗa neje gə kṵra̰y gə ɗəwje bula. To gə ɓo dəw ɗa ne gə kṵra̰y ɗəw pa tar gə ang nama, to dəw gə may pɛdə gə asə mba ngom rɔ-ɛ gə maj-ɛ pɛdə tɔ.

1 Jean 3:10

Ye ɓa tɔji to gə nganje lə Luba ꞌto dang gə nganje lə ꞌSɛ̰ngərɛ̰. Dəw gə ɗa-ɗa gə ɗa ne gə gadə-gadə ang le, to kar lə Luba ang, ɗəw kara baa to gə dəw gə njigi ngon ko̰-ɛ ang nama to dəw lə Luba ang tɔ.