Matiye 12:32 - Mbede Lə Luba Kone Gə Sigi

³² Dəw gə ɗa-ɗa gə pa tar gə kṵra̰y dɔ ꞌma gə Ngon lə dəw nama, d-a kɔr tar-ɛ dɔ-ɛ gə, ngaa dəw gə pa tar gə kṵra̰y dɔ Njil Njerɔsangə gə le, Luba a kɔr tar-ɛ dɔ-ɛ gə dɔ ndɔje gə ɓisine ang nəm ɓa dɔ ndɔje gə aw ɗe kede ang nəm.

Testament ke Siki 1960 (Kabba Laka)

³² Doou ke pa tar madjang dò Ngon té lo doou, da kïya tar la, a doou ke pa tar madjang dò Ndil té ke madji toï, da kïya tar la ang, ke ndò té ke nange nèn ang ke ndò té ke ao dé ang tò.

Matiye 12:32 ပူးပေါင်းရင်းမြစ်များ

Matiye 11:19

ꞌMa gə Ngon lə dəw le, m-ɗe, m-usa gə m-ay ɗaa, ꞌpa na: Dəw gə nee le, n-to ka guru gə n-to ka mbəl-e, n-to njekura lə njembo̰ lar gədə ɓeje gə njeneɗaje gə kṵra̰y. Ngaa kəm karə lə Luba le to gadə-gadə gə go kula ɗ-ɛje.

Matiye 12:31

Gəl-e gə nee ɓa m-pa m-ar-si na: Neɗa gə kṵra̰y gə ɗa-ɗa ngaɓa dəw gə ɗa-ɗa gə taji Luba le, Luba a kɔr tar-ɛ dɔ-ɛ gə, ngaa dəw gə taji Njil Njerɔsangə nama Luba a kɔr tar-ɛ dɔ-ɛ gə ang ja saar.

Matiye 12:8

Mba ꞌma gə Ngon lə dəw ja m-to nje ko̰ dɔ ndɔ kuwa kɔr.

Matiye 13:22

Kandə kər gə um mə kunje gə le nay ɗəw kara baa gə dəw gə tuga mbi-a o ne tar lə Luba, ngaa no rɔ gə ɔji dɔ kəji neje gə nangə nee, gə ɓo nekingaje, ɗe udu dɔ tar lə Luba gə n-o le ngaɓa ɗa ar kand-e godo.

Matiye 13:39

njeba̰a̰ gə dubu waa da̰w lə to ꞌSɛ̰ngərɛ̰; nay kunja ko le to ɗudu ndɔ gə dɔ nangə nee; njekunja koje le to anjije.

Matiye 13:40

Ɗəw kara baa to gə d-a mbo̰ ne waa da̰w dɔ nangə mba ro le, a to to gə be ja tɔ a dɔ ɗudu ndɔ gə.

Matiye 13:55

N-to ngon lə njekunja kagə nee ang wa? Ri ko̰-ɛje na Məri ang wa? Ngaɓa, Jagə gə Jəjəb gə Simo gə Jude ꞌto ngan ko̰-ɛ ang wa?

Matiye 8:20

Jeju pa ar-ɛ na: Njaje gə ꞌto daje baa kara buja lə-je ga̰, ngaɓa əlje gə d-aw dara əng kara kinga lə-je ga̰, ngaa ꞌma gə Ngon lə dəw ja baa ɓa lo kula dɔ-m godo.

Marəke 10:30

nama ɓogəne ja a kinga gɔl tɔl, kəyje, ngan ko̰-ɛje, ko̰ nanje, ko̰je, nganje gə ndɔje ngaɓa d-a kula kəm-e ndoo nama a kinga təbə gə a to gə ndɔ gə ndɔ mə ndɔ gə bara.

Marəke 3:28

Tɔgərɔ, m-pa m-ar-si, to gə neɗaje gə kṵra̰y tɔ̰y ja d-a kɔr tar-ɛ dɔ dəwje gə ngaɓa tar taji gə ꞌtaji Luba kara nəm;

Marəke 3:29

ngaa dəw gə ɗa-ɗa ɓa taji Njil Njerɔsangə nama d-a kɔr tar dɔ-ɛ ang ja saar, mba tar neɗa gə kṵra̰y uwa dɔ-ɛ gə dɔbo̰ ja.

Lugu 12:10

Dəw gə ɗa-ɗa gə pa tar gə kṵra̰y dɔ-m ꞌma gə Ngon lə dəw nama, Luba a kɔr tar-ɛ dɔ-ɛ gə, ngaa dəw gə taji Njil Njerɔsangə nama, Luba a kɔr tar-ɛ dɔ-ɛ gə ang ja saar.

Lugu 16:8

Ɗaa ꞌɓəə njengom neje gə to njembɔlɛ ne nee le pid-e mba n-unda kəm karə dɔ rɔ-ɛ. To gə be ɓa, dəwje gə dɔ nangə nee d-unda kəm karə dɔ rɔ-je gə ya̰ ɔji dɔ ngan marəje-je d-unda ngan lokarəje.

Lugu 18:30

a kinga mar-ɛ bula dɔ-ɛ gə mə ndɔ gə ɓogəne ngaɓa a kinga təbə gə a to gə ndɔ gə ndɔ mə ndɔ gə bara.

Lugu 23:34

Cibi Jeju pa na: Bɔy, ɔr tar dɔ-je gə, mba ne gə ꞌɗa le ꞌgərə ang baa. ꞌƊa ꞌya̰a̰ ꞌkay ne naa kubuje lə-a.

Lugu 7:34

ꞌMa gə Ngon lə dəw le m-ɗe, m-usa gə m-ay ɗaa, sisəy ꞌpaje na: Dəw gə nee le, n-to ka guru gə n-to ka mbəl-e, n-to njekura lə njembo̰ lar gədə ɓeje gə njeneɗaje gə kṵra̰y.

Jean 7:12

Dan bula dəwje gə le, ꞌma̰y naa tar ya̰ ɔji dɔ-ɛ; nje gə kɛm ꞌpa na: N-to gə dəw gə may. Ngaa nje gə ɗangə tɔ ɗaa ꞌpa ꞌcila ne kəm nje gə ɓe kara na: N-to nje kərə bula dəwje kar-je ꞌndəm.

Jean 7:39

N-pa tar nee n-ɔji dɔ Njil gə nje ta kag-eje d-a kinga: To to gə be mba d-ula rɔnduba dɔ Jeju gə ang baa ɓi ɗaa Njil godo ɓi tɔ.

Jean 7:52

D-ila-a kəne na: ꞌI kara ꞌto gə dəw gə Galile gə ja tɔ ang wa? ꞌTən Torondu gə maj-ɛ o, ɗaa a gərə to gə pajambərə a kḭ Galile gə ang.

Koula 3:19

Be ɓa ꞌturuje kəji lə-si gə ꞌmbəlje mə-si ɓo ar-je Luba bɔrə ne neɗa gə kṵra̰y lə-si gə kɔrɔ.

Ephésiendjé 1:21

dɔ nje dum dɔ loje gə tɔ̰y gə njeko̰ ɓeje tɔ̰y gə njesingamongəje tɔ̰y, gə njeko̰ dɔ loje tɔ̰y, gə rije tɔ̰y gə a ɓar dɔ ndɔ gə ɓogəne ja baa ang, ngaa saar gə dɔ ndɔ gə aw ɗe gə kede əng.

1 Timoce 1:13

dɔ ndɔ gə kede le, ꞌma, m-to njetaji Luba, m-to nje ɗa singa gə njetakagəje ngaɓa m-to nje kula kəm-je ndoo nəm tɔ. Ɗaa Luba ɗa sə-m məmay nəm mba m-ɗa ne dɔ mbə gə baa, gə məkədərə baa ja tɔ.

1 Timoce 1:15

Tar gə tɔgərɔ gə kəm ta ji joo le ɓa nee: Jeju Kirisi le ɗe dɔ nangə gə nee mba kaji njeneɗaje gə kṵra̰y, ɗaa ꞌma ja m-to dɔngɔr dəw to gə tɔgərɔ.

1 Timoce 4:8

May kḭya̰ rɔ-i mə ji Luba gə, mba kula rɔ ndubu may ja ngaa, kila kuji dɔ ne gə lə Luba may unda neje tɔ̰y, be ɓa Luba gɔl təbə gə ɓogəne gə ye gə bara ar dəw gə ḭya̰ rɔ-ɛ mə ji-a gə.

1 Timoce 6:17

ꞌNdəji bawje gə dɔ ndɔ gə ɓogəne mba kar d-unda kar-je ang, ngaɓa mba kar d-unda mə-je to dɔ nekinga gə a nday gə ang, ngaa d-unda mə-je dɔ Luba gə. ꞌNe gə to nje kar-si ne gə j-aw ndoo-e gə kobəre mba kar j-a ɗa ne rɔləl.

2 Timoce 4:10

mba Demas mbadə-m mba nemayje gə dɔ nangə nee, ɗaa ɔdə aw gə mə ɓe gə Tesaloniki; Keresa̰s aw dɔ nangə gə Galasi gə, ngaɓa Titə aw mə ɓe gə Daləmati.

Tite 2:12

Mənuji lə Luba le tɔji-si ɗəw kila kuji dɔ ne gə lə Luba ngaɓa mba kar ɓo neje gə dɔ nangə nee tɔ-si ang, be ɓa kar-si j-a njaje ne gə kəm karə gə neɗa gə gadə-gadə dɔ ndɔje gə ɓogəne, gə kila ne kɔji dɔ ne gə lə Luba nəm tɔ,

Jacques 1:27

Nepolo gə arə ngadə, gə to ne gə mina kəm Luba gə Bɔ dəwje ang le ɓa nee: Ka lo gə dɔ ngan alje gə, gə jene ndubaje dan nekəmandoo gə ɗa-je, ngaɓa kɔsə neje gə mina gə dɔ nangə ne ngərəng.