Matiye 12:31 - Mbede Lə Luba Kone Gə Sigi

³¹ Gəl-e gə nee ɓa m-pa m-ar-si na: Neɗa gə kṵra̰y gə ɗa-ɗa ngaɓa dəw gə ɗa-ɗa gə taji Luba le, Luba a kɔr tar-ɛ dɔ-ɛ gə, ngaa dəw gə taji Njil Njerɔsangə nama Luba a kɔr tar-ɛ dɔ-ɛ gə ang ja saar.

Testament ke Siki 1960 (Kabba Laka)

³¹ Tokou ban mam mpa maresè, né ke madjang ke tar sä toï da kïya kare dooudjé, a ta pa tar sä ke Ndil ndja da kïya ang.

Matiye 12:31 ပူးပေါင်းရင်းမြစ်များ

Lugu 12:10

Dəw gə ɗa-ɗa gə pa tar gə kṵra̰y dɔ-m ꞌma gə Ngon lə dəw nama, Luba a kɔr tar-ɛ dɔ-ɛ gə, ngaa dəw gə taji Njil Njerɔsangə nama, Luba a kɔr tar-ɛ dɔ-ɛ gə ang ja saar.

Koula 7:51

Etiyɛn təl pa ar nje gə no ngɔ gangə tar le na: ꞌtoje dəwje gə nje dɔ ngangəje, mə-si kədərə nəm ɓa mbi-si kara uduje jigi dɔ tar gə lə Luba. Ngaɓa ilaje karəw gə Njil Njerɔsangə ja jaga-jaga to to gə ka ka-sijee le ja ɓi.

Ebərəje 10:26

Mba logə j-a gərə tar gə tɔgərɔ nam ɓa j-ḭ j-a ɗa neɗa gə kṵra̰y gə mə njigi lə-si ja nama, nepolo gə a kɔr tar-ɛ dɔ si gə godo,

Ebərəje 10:29

Ɓədə ɓa, kar dəw gə tuba ngon lə Luba nangə gə gɔl-ɛ, gə o məsə riya kone gə ꞌtogo-e ne gə ne ang ngaɓa taji Njil gə to gəl mənuji nama, d-a bɛ̰ t-ɛ kar-ɛ al dɔ lo.

Ebərəje 6:4

Tar gə ɔji dɔ nje gə kəm-je unja nam, gə ꞌna nekarə baa gə dara ngaɓa d-inga Njil Njerɔsangə nam,

1 Jean 1:9

To gə ɓo j-a ce gə gəl rɔ-si dɔ neɗaje gə kṵra̰y gə lə-si nama, n-to njekila kuji dɔ ndu-e gə nəm ngaɓa n-to dəw gə gadə-gadə, n-a kɔr tar neɗa gə kṵra̰y dɔ-si gə ngaɓa n-a togo neje gə may ang gə to mə-sijee gə.

1 Jean 5:16

To gə ɓo dəw o ngon ko̰-ɛ ɗa neɗa gə kṵra̰y gə a ce yo dɔ-ɛ gə ang nama, may kar dəji Luba kar ar dəb-e nee le təbə; ye gə ɔji dɔ nje gə ꞌɗa neɗa gə kṵra̰y gə a ce gə yo dɔ-je gə ang. Neɗa gə kṵra̰y gə a ce yo to kəne əng, ngaa neɗa gə kṵra̰y gə nee ɓa m-pa kar ꞌdəji Luba ɔji dɔ-ɛ ang baa.