Matiye 11:6 - Mbede Lə Luba Kone Gə Sigi

⁶ Nokarə a to mba dəw gə m-a to jigi tuga koso lə-a ang. Logə d-ɔdə d-aw ɗaa,

Testament ke Siki 1960 (Kabba Laka)

⁶ Madji éh ke nè ke mèa tooè sem ang.

Matiye 11:6 ပူးပေါင်းရင်းမြစ်များ

Matiye 13:21

ngaa tar le ula ngira-a m-e gə gə maj-ɛ ang, to dəw gə m-e to dɔ tar waga baa, a ɓo lo gə kula kəm naa ndoo ose nekəmandoo gə ɔji dɔ tar lə Luba ce dɔ-ɛ gə nama ꞌmbadə takagə lə-a.

Matiye 18:7

Tuji to kar dəwje gə dɔ nangə nee mba ɗəw gə dəw a koso dan neɗa gə kṵra̰y gə. Ɗəw gə dəw a koso ne dan neɗaje gə kṵra̰y gə le a to ja, ngaa tuji uba dəw gə to ɗəw koso dan neɗa gə kṵra̰y gə!

Matiye 24:10

Gəl-e gə nee ɓa dəwje bula d-a kiya̰ takagə lə-je kila kɔrɔ, gə nje gə d-a kun dɔ naa gə yo gə nee, ngaɓa d-a njigi naa ang gə kɔrɔgə yo gə nee.

Matiye 26:31

Be ɓa Jeju un tar pa ar-je na: Cil ne ja, m-a təl to jigi tuga lə-si tɔ̰y, mba ꞌpa mə mbede gə na: M-a kunda njekuul daje ɗaa badəmje lə-a d-a jɛ̰rɛ̰ naa.

Matiye 5:29

To gə ɓo kəm-i gə dɔ kɔl to ɗəw koso dan neɗa gə kṵra̰y gə nama, may kar ɔr ila kɔrɔ əw. Mba kar dəbə rɔ-i kara baa tuji may unda darɔ-i tɔ̰y kar-ɛ aw kəm pər gə.

Marəke 6:3

ꞌNe le ɓa n-to njekunja kagə, gə ngon lə Məri, gə n-to ngon ko̰ Jagə, gə Jose, gə Jude gə Simo le ang wa? Ngaɓa ko̰ nan-ɛje kara ꞌga̰ horo-si gə nee ang wa? Ɗaa n-təl n-to jigi tuga koso no-je gə.

Lugu 2:34

Simiyo̰ tɔr ndu-e dɔ-je gə ngaɓa pa ar Məri, ko̰ Jeju-je na: O, ngon gə nee le to ɗəw koso ose ɗəw kḭ taar lə dəwje bula gə Ijirayɛl. Cibi, n-a to netɔji lə Luba, ngaa dəwje d-a mbad-ɛ.

Lugu 7:23

Nokarə a to mba dəw gə m-a to jigi tuga koso lə-a ang.

Jean 16:1

M-pa tar nee to gə be m-ar-si mba kar ne kara kara təl to jigi tuga lə-si gə ang tɔ.

Jean 6:66

Un kud-e kən nja ɗaa, ngan njenendoje lə-a bula ꞌtəl gə go-je, ɗaa d-uwa sə-a baa nja ang ja yom.

1 Corinthiendjé 2:14

Ngaa dəw gə kəji lə-a to kəji gə darɔ gə le njigi neje gə ɗe ɗəw Njil lə Luba ang, mba n-o gə ne mbə baa ta kəm-e gə; n-asə gərə ang mba ɗəw Njil gə lə ɓa dəw a kɔr kəm ne neje gə nee le.

Galatedjé 5:11

Ngan ko̰-mje, ye gə ɔji dɔ ꞌma le, to gə ɓo m-to gə njekila mbərə tar kunja bərə nama, mba ɗi cibi ɓa d-ula kəm ndoo wa? Bənəng ɗaa, tar kuy lə Kirisi kagə dəsə to jigi tuga lə dəw kara ang.

1 Piyɛr 2:8

ꞌƊe ꞌtuga gɔl-je jigi gə ꞌce d-oso mba ꞌmbadə kila kuji dɔ tar gə, ꞌnay mba ne gə ɔji dɔ-je.