Matiye 11:5 - Mbede Lə Luba Kone Gə Sigi

⁵ Nje kəm tɔje d-o lo, njeməndəje ꞌnja, gə rɔ njebənjije arə ngadə nəm, mbigije kara d-o tar nəm, dəwje gə d-uy kara ꞌtəl ndol nəm ɓa, d-ila mbərə Tar gə May d-ar njendooje nəm.

Testament ke Siki 1960 (Kabba Laka)

⁵ Ndjè kem tòdjé wo loou, ndjè metedjé ndja, ro ndjè bandjidjé dé madji, ndjè ke mbidè outou wo tar, dèdè ke doei mba dï tarr, ke ntòdjou tar ke madji dangetédjé.

Matiye 11:5 ပူးပေါင်းရင်းမြစ်များ

Matiye 10:8

Ajije njerɔko̰je nəm, ꞌndolje nje gə d-uy nəm ɓa ar-je rɔ njebənjije arə ngadə, ngaɓa ꞌtɔbə-je njilje gə kṵra̰y nəm tɔ. Ingaje baa ɗaa sisəy kara ar-je baa tɔ.

Matiye 11:4

Jeju ila-je kəne na: Neje gə oje gə mbi-si, gə kəm-si nəm le, aw ꞌpaje tar-ɛ ar-je Ja̰ to gə be:

Matiye 12:13

Go-e gə gugu, n-pa n-ar dəw le na: ꞌNduji ji-i, dəw le n-nduji ji-a, ɗaa ji-a le təl to gə maj-ɛ to gə ꞌye gə kara.

Matiye 21:14

Nje kəm tɔje gə njeməndəje ꞌɗe d-inga-a mə ndogo gə, kəy gə lə Luba ɗaa n-aji-je.

Matiye 5:3

Nokarə to kar njendooje mə kəji gə lə-je, Mba ɓeko̰ gə dara to karə-je.

Matiye 9:30

Ɗaa gə lo-e gə əng ja kəm-je cɛ̰ ar-je d-o lo. Ngaɓa Jeju təl ndəji-je na: Əwje rɔ-si pa kar dəw o.

Marəke 7:37

Lo tar igi dəwje sɛl ar ꞌpa na: Ne tɔ̰y gə n-ɗa ja may gə may dɔro, nje mbi kuduje ja kara d-o tar nəm, ngaɓa gɔdəje kara pa tar nəm tɔ.

Marəke 9:25

Logə Jeju o to gə bula dəwje d-a̰y ngɔdə dɔ-je gə ɓə lə-a, ɗaa ndangə njil gə kṵra̰y le na: Njil gə nje təl dəwje gɔdə gə mbigi, m-un ndu-m kar-i ꞌce mə ngon gə nee ngaɓa a təl kandə kəne gugu ang gə dɔbo̰ ja.

Lugu 4:18

Njil lə Mbayɓe isi dɔ-m gə, Mba n-um ubu dɔ-m gə. Mba kar m-aji nje gə ɓəngərə-je ti mbidi Mba kar m-ila mbərə Tar gə May m-ar njendooje. D-ula-m mba kar m-ta nje gə d-ula kəm-je ndoo m-um-je taar, Nje kəm tɔje kar d-a ko lo, Nje gə d-ula kəmje ndoo kar d-inga dɔ to ləl pɛ.

Jean 10:25

Jeju ila-je kəne na: M-pa m-ar-si ja ɗaa sisəy ꞌta-je kagə-m ang. Kulaje gə m-ɗa gə ri Bɔy le ja pa tar naji lə-m.

Jean 10:38

Ngaa to gə ɓo m-ɗa nama, le ꞌtaje kagə-m ang kara, ꞌtaje kagə kulaje nee gə mba kar ꞌgərəje ne unja-si ngadə to gə Bɔy isi mə-m gə ngaɓa ꞌma kara m-isi mə Bɔy gə tɔ.

Jean 2:23

Logə Jeju isi mə ɓe gə Jerujalɛm, mba ɗa nay pagə le, dəwje bula ya̰ ꞌta kagə gə ri-a, mba d-o netɔjije gə n-ɗa.

Jean 3:2

ꞌNe nee le, n-aw cil gə n-aw n-inga Jeju n-pa n-ar-ɛ na: Njenetɔji, ja gərə to gə ꞌto njenetɔji gə ḭ rɔ Luba gə; mba netɔjije gə, ꞌI, ꞌɗa nee le, to gə ɓo Luba nay gə dəw ang nama nj-ɛ a kasə ɗa kara be ang tɔ.

Jean 5:36

Ngaa tar naji lə-m ꞌma to ɓəəl ya̰ unda kar Ja̰: Kulaje gə Bɔy um ji-m gə mba kar-m m-ɗa le, m-ɗa m-tɔl t-ɛ bɛm. Kulaje gə m-ɗa nee le ja ɗa tar naji lə-m to gə Bɔ dəwje ula-m.

Jean 9:7

ɗaa n-pa n-ar-ɛ na: Aw togo kəm-i man dangə gə to Silohe. Silohe le kɔr gəl-e na Njeka̰y kula. Nje kəm tɔ le aw togo kəm-e kəne. Ɗəm lə-a gə gugu ɗa n-o lo borong-borong.

Koula 2:22

Dəwje gə Ijirayɛl, oje tar gə nee: Jeju gə Najarɛd le to dəw gə Luba ɔr-ɛ, ngaɓa ɗa nemisi, gə neje dang-dang gə kəm dəw o ndɔ kara ang, gə netɔjije ɗəw gə lə-a horo-si gə ar ꞌgərəje.

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?