Matiye 11:27 - Mbede Lə Luba Kone Gə Sigi

²⁷ Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Testament ke Siki 1960 (Kabba Laka)

²⁷ Bòi arem né toï djim té mba, ke doou kada geré Ngon ang, sè Bèdjè ndja kadaba. Doou kada geré Bòi Allah ang sè Ngonè ndja, ke doou ke Ngon ndiki ta tòdjè karè.

Matiye 11:27 ပူးပေါင်းရင်းမြစ်များ

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Lugu 10:22

Bɔy ḭya̰ neje tɔ̰y ja mə ji-m gə, ngaɓa dəw kara gə gərə-m ꞌma gə Ngon ang, Bɔy ja ɓa, ngaɓa dəw kara gərə Bɔy godo, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 10:15

ɗəw kara baa to gə Bɔ dəwje gərə-m ꞌma ngaɓa ꞌma kara m-gərə Bɔ dəwje tɔ; ɗaa m-ḭya̰ rɔ-m m-ar yo mba badəmje lə-m.

Jean 13:3

Jeju gərə to gə Bɔ dəwje ḭya̰ neje tɔ̰y mə ji-a gə, ngaɓa n-ḭ rɔ Luba gə ɗaa n-aw gə rɔ Luba gə tɔ.

Jean 17:6

Dəwje tɔ̰y gə ꞌtɔr-je dɔ nangə gə nee um-je mə ji-m gə le m-kila dɔ ri-i gə ɗaga m-ar-je. ꞌTo gə nje kar-ije, ꞌI um-je mə ji-m gə, ɗaa ꞌngom tar lə-i tɔ.

Jean 3:35

Luba gə Bɔ le njigi Ngon-e ya̰ ngaɓa ḭya̰ neje tɔ̰y mə ji-a gə.

Jean 6:46

Dəw kara kara o Bɔ dəwje gə kəm-e ang, be ang nama, ye gə nje kḭ Luba gə le ja baa. ꞌNe gə nee le ɓa n-o Bɔ dəwje gə kəm-e.

Jean 7:29

ꞌMa le m-gər-e, mba m-ḭ rɔ-ɛ gə, ngaɓa ꞌne ja ɓa n-ula-m tɔ.

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.

1 Jean 2:23

Dəw gə ɗa-ɗa ɓa mbadə Ngon nama mbadə Bɔ dəwje, dəw gə gərə Ngon nama gərə Bɔ dəwje tɔ.

2 Jean 1:9

Dəw gə ɗa-ɗa ɓa ar əw, cibi ngom nendo lə Kirisi ang nəm nama, Luba godo m-e gə. Dəw gə ngom nendo nama Bɔ je gə Ngon d-isi m-e gə.