Matiye 11:21 - Mbede Lə Luba Kone Gə Sigi

²¹ Nekəmandoo to kar ꞌi ɓe gə Korajɛ̰! Nekəmandoo to kar ꞌi gə ɓe gə Bɛdəsayida! Mba nemisije gə ꞌɗa horo-si gə to gə ɓo neje nee le ꞌɗa mə ɓe gə Sido̰ gə mə ɓe gə Tir nama, ləw baa nee le, d-a turu kəji ɗəw kula kubu ndoo gə d-uji gə bḭ gum, d-a rɔgə rɔ-je bu gə.

Testament ke Siki 1960 (Kabba Laka)

²¹ Ongou a dai, Chorazin. Ongou a dai, Bethsaïda, mbata tokou dèdè nda tokou koula ke Tyr ke Sidon leo ke nda horosè té, dèdè da mbeté kedji né da ke madjang lodè leo, da koula koubou ke madjang ke bou pourou.

Matiye 11:21 ပူးပေါင်းရင်းမြစ်များ

Matiye 11:22

Gəl-e gə nee ɓa, m-pa m-ar-si to gə ndɔ gangə tar nama, tar gə d-a gangə dɔ-si gə le, a kədərə ya̰ kunda kar ɓe gə Tir gə ɓe gə Sido̰.

Matiye 15:21

Jeju ɔdə lo-e gə nee ɗaa ɔr rɔ-ɛ aw dɔ nangə gə Tir gə Sido̰.

Matiye 18:7

Tuji to kar dəwje gə dɔ nangə nee mba ɗəw gə dəw a koso dan neɗa gə kṵra̰y gə. Ɗəw gə dəw a koso ne dan neɗaje gə kṵra̰y gə le a to ja, ngaa tuji uba dəw gə to ɗəw koso dan neɗa gə kṵra̰y gə!

Matiye 26:24

ꞌMa gə Ngon lə dəw m-a kuy to to gə Mbede lə Luba pa. Ngaa tuji a kuba dəw gə a kun dɔ-m! May kar kuji ja kara d-uji-e ang.

Marəke 3:8

gə Jerujalɛm, gə dɔ nangə gə Idume, gə tura baa Jurədɛ̰ gə ɓeje gə mbɔr ɓe gə Tir gə Sido̰ gə. Logə bula bo dəwje d-o tar neje tɔ̰y gə n-ɗa ɗaa, ꞌɗe gə ɓə lə-a baa yaw-yaw.

Marəke 6:45

Waga baa go-e gə ɗaa, Jeju ɔsə ngan njenendoje lə-a ar d-al to mba kar d-aw tura əər kara gə kede, dɔ-je gə Bɛdəsayida, logə ꞌne ja n-a nay mba tɔbə bula dəwje kar-je d-aw.

Marəke 7:24

Jeju ɔdə lo-e gə nee ɗaa aw dɔ nangə gə Tir. N-andə kəy kara be; ɗaa n-njigi kar dəw gərə ang, ngaa n-asə kisi lokiya gə ang.

Marəke 7:31

Jeju ɔdə dɔ nangə gə Tir ɗaa təl gə ɗəw gə Sido̰ əər gə babo gə Galile, nday mə Ɓe mbo̰ gə Dɔg gə to Dekapɔl.

Marəke 8:22

Go-e gə ɗaa d-ɔdə d-aw Bɛdəsayida; ꞌɗe gə nje kəm tɔ d-ar Jeju, ngaɓa ꞌɗ-ɛ kɔgərɔ gə mba kar n-ɔr rɔ-ɛ.

Lugu 4:26

ngaa Luba ula Eli ɓə lə jene ndubaje gə nee le kara ang, ɗaa n-ula-a ɓə lə jene nduba gə mə ɓe gə Sarepəta dɔ nangə gə Sido̰.

Lugu 6:17

Jeju ɗisi dɔ ər gə gə njekulaje lə-a ngaɓa ar nangə lo gə tadə pəji-pəji gə ngan njenendoje bula ga̰ kəne. Cibi, bula bo dəwje gə d-ḭ dɔ nangə gə Jude gə nje d-ḭ mə ɓe gə Jerujalɛm, ngaɓa dəwje gə əər tura, əər gə ɓe gə Tir gə Sido̰.

Lugu 9:10

Njeka̰ykulaje gə Jeju ula-je le ꞌtəl ꞌɗe d-inga-a ngaɓa d-ɔr gəl neje tɔ̰y gə ꞌɗa d-ar-ɛ. Ɗaa n-um-je dɔ-ɛ gə, n-aw gə je ngərəng mbɔr ɓe gə Bɛdəsayida.

Jean 1:44

Pilibi gə Andəre je gə Piyɛr le, ɓe lə-je kara baa Bɛdəsayida.

Jean 12:21

D-inga Pilibi ngon njeɓe gə Bɛdəsayida dɔ nangə gə Galile gə ɗaa, ꞌdəji-e na: Bɔy, j-a njigi mba ko Jeju.

Koula 12:20

Mə Erɔdə o̰-ɛ dɔ njeɓeje gə Tir gə, gə nje gə Sido̰. Ngaa d-um mə-je naa gə ꞌɗe d-inga ngaɓa logə ꞌgɔlje tar gə ngon njekula gə mə kəy gə lə Erɔdə, gə ri-a na Balasətus ɗa ar ꞌgɔlje gə Erɔdə le d-ar ɗɛgɛgɛ to ne horo-je gə mba nekusa ta dəwje nee tɔ̰y le ḭ mə ɓe gə lə mbay le.

Koula 27:3

Ndɔ gə nje kore go-e ɗaa j-uru nangə Sido̰, ɗaa Juliyus ɗa gə Pɔl məmay ar-ɛ aw ɓe lə njekuraje lə-a mba kar je ꞌla sə-a.

Jude 1:11

Nekəmandoo to kar dəwje gə nee le, mba d-un kila ɗəw lə Ka̰yi; ꞌpa tar gə baa mba lar to gə Balam be; d-uy yo mbə to gə Kore uy yo dɔ kədərə be.

Apocalypse 11:3

ɗaa m-pa m-ar njetar najije lə-m gə joo, mba kar d-ila mbərə kəm ndɔ tɔl-tɔl dɔg lo kara gə dɔ-ɛ gə tɔl-tɔl joo gə gir-e gə dɔg misa̰ gə d-ula kubu kuwa ndoo.

Apocalypse 6:12

Ɗaa m-a lo m-o, lo gə ngon badəm ɔr ta bəngə ji gə njekum gə misa̰ ɗaa, dɔ nangə ye to gə boy ngaɓa kar təl ndul njudə-njudə to gə kubu kuwa ndoo be, ngaɓa nay kara təl to gə məsə be ja tɔ̰y.