Matiye 11:12 - Mbede Lə Luba Kone Gə Sigi

¹² Un kud-e dɔ ndɔje gə lə Ja̰ Njeɗabatɛm saar ce ne dɔ kar gə j-ar kəne nee ja, dəwje ꞌcila kəm tar ɓeko̰ gə dara gə singa, ɗaa njesingaje ɓa ꞌnar ꞌta.

Testament ke Siki 1960 (Kabba Laka)

¹² Ounkotè ke ndò lo Jean ndjè da baptême sar bokonè, béh ko ke dara ao dé ke singa mongou, ke dooudjé ke ndjè singa mongou tèè ke singa.

Matiye 11:12 ပူးပေါင်းရင်းမြစ်များ

Matiye 11:11

Tɔgərɔ ja, m-pa m-ar-si, horo dəwje gə jeneje d-uji-je le, dəw gə to ɓəəl ya̰ unda Ja̰ Njeɗabatɛm godo. Be ja kara dəw gə to gə ne ang mə ɓeko̰ gə dara ɗaa to ɓəəl ya̰ unda-a.

Matiye 11:13

Mba pajambərəje lə Luba, gə torondu lə Moyiji ꞌpa tar-ɛ kede saar ce ne dɔ Ja̰ gə.

Matiye 3:15

Jeju təl ila kəne na: Dɔ kar gə nee ɗaa iya̰ ar to to gə be. Mba j-a ɗa ne ne tɔ̰y gə to gadə-gadə. Ɗaa n-njigi sə-a.

Lugu 13:24

Uwaje rɔ-si kɔgərɔ andəje gə ta ɗəw kəy gə njondəro̰. M-pa m-ar-si, dəwje bula d-a sangə ɗəw mba kandə, ngaa d-a kasə ang.

Lugu 16:16

Un kud-e dɔ torondu gə lə Moyiji gə pajambərəje saar ce ne dɔ kar-ɛ gə lə Ja̰ Njeɗabatɛm gə əng le, Tar gə May gə ɔji dɔ ɓeko̰ lə Luba le d-ila mbər-e, ɗaa dəw gə ɗa-ɗa ja kara unda singa-a dɔ rɔ-ɛ gə mba kandə kəne.

Jean 5:4

Mba dɔ kar gə naaje nama anji lə Mbayɓe ɗe uru mə man gə le ɗaa, ɗa ar man le ləngə; dəw gə andə mə man gə ləngə gə le dɔngɔr ɗaa, rɔ to lə-a to gə ban ja kara aji kəbərə.

Jean 6:27

Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

Philippiendjé 2:12

Be ɓa sisəy gə m-njigi-si ya̰, gə go kila kuji lə-si taar-taar le, ꞌɗaje kula kaji gə ingaje le gə ɓəəl gə kisa, to gə m-ga̰ ne gə si baa ang ngaa ɓisine gə m-godo kara ꞌɗaje ar al dɔ lo ja,