Matiye 11:1 - Mbede Lə Luba Kone Gə Sigi

¹ Logə Jeju unda ngangə kun ndu kar ngan njenendoje gə dɔg gə gir-je gə joo tɔ̰y ɗaa ɔdə kəne, aw mə ɓeboje gə aw tɔji dəwje ne nəm ɓa ila mbərə Tar gə May nəm tɔ.

Testament ke Siki 1960 (Kabba Laka)

¹ Tokou Jésus eo ta tòdjou tar ndjè kao gè tédjé dòkou gérè djo mbä, nè nïya loou ke nou, nao ta tòdjou ke ta pa tar mè béh té lodè.

Matiye 11:1 ပူးပေါင်းရင်းမြစ်များ

Matiye 28:20

ɗaa ndo-jeje ar-je ɗa neje tɔ̰y gə m-un ndu-m kəne m-ar-si le. Oje m-ga̰ gə si naa gə gə ndɔje tɔ̰y saar ndɔ gə nangə nee a kunda ne ngang-ɛ.

Matiye 4:23

Jeju nja dɔ nangə gə Galile tɔ̰y, tɔji dəwje ne mə kəy nendoje gə lə Jiibije, ngaɓa ila mbərə Tar gə May ɔji dɔ ɓeko̰ nəm, aji njerɔko̰je ɓədə-ɓədə gə njeməndəje ɓədə-ɓədə horo dəw mə ɓeje nəm tɔ.

Matiye 7:28

Logə Jeju tɔl ta tar lə-a to gə be tɔ̰y ɗaa dəwje tɔ̰y gə d-o le, lo tar igi-je sɛl,

Matiye 9:35

Jeju nja gə ɓeboje tɔ̰y gə ngan ɓeje, tɔji dəwje ne kəy nendoje gə, ila mbərə Tar gə May gə ɔji dɔ ɓeko̰ nəm ɓa, aji njerɔko̰je ɓədə-ɓədə gə njeməndəje ɓədə-ɓədə nəm tɔ.

Marəke 6:12

Be ɓa d-aw ɗaa d-ila mbərə turu kəji.

Lugu 23:5

Ngaa d-ar dɔ gɔl-je gə njiriri ꞌpa na: N-sula dəw mə ɓeje mba kar-je d-al tar gə go ɗəw netɔji lə-a gə n-un kud-e dɔ nangə gə Galile gə saar n-ce nee dɔ nangə gə Jude, ɗaa ɓisine n-ɗe ne mə ɓe gə Jerujalɛm nee ngaa.

Lugu 8:1

Cibi ndɔ kara be, Jeju nja gə ɓeboje gə ngan ɓeje, ila mbərə ngaɓa pa Tar gə May ɔji dɔ ɓeko̰ lə Luba ar dəwje.

Jean 15:10

To gə ɓo ꞌngom-je ndu-m nama sisəy um-je sə-m naa gə dɔ njigi gə lə-m ɗəw kara to gə ꞌma m-ngom ndu Bɔy le ɗaa m-um ne sə-a naa gə dɔ njigi gə lə-a tɔ.

Jean 15:14

Sisəy le, to gə ɓo ꞌɗaje torondu-m nama, ꞌtoje gə njekuraje lə-m.

Koula 1:2

Saar ce ne dɔ ndɔ gə Luba ar-ɛ n-uba nangə n-ḭ n-aw dara. N-mbərə dəwje gə njeka̰ykulaje lə-a ngaɓa nam ɓa kar Luba ar-ɛ nḭ n-aw dara ɗaa n-un ndu n-ar-je ɗəw gə lə Njil Njerɔsangə.

Koula 10:38

Luba ar Jeju gə Najarɛd singamongə ɗəw gə lə Njil Njerɔsangə n-nja ne gə lo-lo ɗa ne may ngaɓa n-aji ne dəwje tɔ̰y gə ꞌSɛ̰ngərɛ̰ uwa-je ɓərə gə, mba Luba nay sə-a.

Koula 10:42

Be ɓa n-un ndu n-ar-si mba kar j-ila mbərə j-ar dəw mə ɓeje ngaɓa kar j-a pa tar naji to gə ꞌne le ɓa Luba unda gə nje gangə tar dɔ nje gə d-aw kəm gə nje gə d-uy gə.

1 Thessaloniciendjé 4:2

Be ɓa nduje gə j-un j-ar-si ɗəw gə lə Mbayɓe Jeju le, sisəy ꞌgərəje.

2 Thessaloniciendjé 3:10

Be ɓa, logə ja ga̰ horo-si gə le, j-un ndu j-ar-si na: To gə ɓo dəw gə njigi ɗa kula ang nama, may kar-ɛ usa ne ang tɔ.

2 Thessaloniciendjé 3:6

Ngan ko̰-mje, ja dəji-si gə ri Mbayɓe lə-si Jeju Kirisi, kar-si ꞌsaje rɔ-si rɔ ngon ko̰-si gə ɗa-ɗa gə to njedabə, ngaɓa neɗa lə-a to ɓədə gə netɔji gə ja tɔji-si kede.

1 Timoce 6:14

ꞌngom ndu gə arə ngadə nee le ɔji dɔ-i ja mba kar dəw ila ne tar dɔ-i gə ang saar ndɔ gə Mbayɓe lə-si Jeju Kirisi a təl ne,