Matiye 10:7 - Mbede Lə Luba Kone Gə Sigi

⁷ Aw awje ɗəw boo ɗaa, ila-je mbərə to gə ɓeko̰ gə dara nay əw ang baa,

Testament ke Siki 1960 (Kabba Laka)

⁷ Tokou sésè abidjé epaidjé tar ke madji, epaidjéna, Béh ko ke dara éh ngosiba.

Matiye 10:7 ပူးပေါင်းရင်းမြစ်များ

Matiye 10:8

Ajije njerɔko̰je nəm, ꞌndolje nje gə d-uy nəm ɓa ar-je rɔ njebənjije arə ngadə, ngaɓa ꞌtɔbə-je njilje gə kṵra̰y nəm tɔ. Ingaje baa ɗaa sisəy kara ar-je baa tɔ.

Matiye 11:1

Logə Jeju unda ngangə kun ndu kar ngan njenendoje gə dɔg gə gir-je gə joo tɔ̰y ɗaa ɔdə kəne, aw mə ɓeboje gə aw tɔji dəwje ne nəm ɓa ila mbərə Tar gə May nəm tɔ.

Matiye 21:31

Horo nganje gə joo nee le, na ɓa ɗa mə njigi lə bɔ-ɛje wa? D-ila-je kəne na: Ye gə dɔngɔr. Ɗaa Jeju təl pa ar-je na: Tɔgərɔ, m-pa m-ar-si, njembo̰ lar gədə ɓeje gə jene kayaje d-a ce mə ɓeko̰ gə dara no-si gə kede.

Matiye 21:43

Gəl-e gə nee ɓa, m-pa m-ar-si, Luba a kɔr ɓeko̰ lə-a ji-si gə mba kar gəl kuji dəwje gə ꞌɗa kul-ɛ mba kar kand-e to.

Matiye 23:13

Nekəmandoo to kar-sisəy, njekɔr gəl toronduje gə Parijiyɛ̰je gə to njetar mulaje! Mba uduje ta ɗew ɓeko̰ gə dara dɔ dəwje gə ngaɓa sisəy ja kara andəje kəne ang nəm, cibi ɔgəje nje gə mə-je njigi mba kandə kəne tɔ.

Matiye 3:2

N-pa na: ꞌTuruje kəji lə-si, mba ɓeko̰ gə dara nay əw ang baa.

Matiye 4:17

Dɔ kar-ɛ gə Jeju ila mbərə ngaɓa pa na: ꞌTuruje kəji lə-si mba ɓeko̰ gə dara nay əw ang baa.

Marəke 6:12

Be ɓa d-aw ɗaa d-ila mbərə turu kəji.

Lugu 16:16

Un kud-e dɔ torondu gə lə Moyiji gə pajambərəje saar ce ne dɔ kar-ɛ gə lə Ja̰ Njeɗabatɛm gə əng le, Tar gə May gə ɔji dɔ ɓeko̰ lə Luba le d-ila mbər-e, ɗaa dəw gə ɗa-ɗa ja kara unda singa-a dɔ rɔ-ɛ gə mba kandə kəne.

Lugu 9:2

N-ula-je mba kar d-ila mbərə ɔji dɔ ɓeko̰ lə Luba ngaɓa d-aji ne njerɔko̰je.

Lugu 9:6

Be ɓa, ngan njenendoje le d-ɔdə d-aw gə ɓe-ɓe, d-ila mbərə Tar gə May d-ar dəwje ngaɓa d-aji njerɔko̰je tɔ.

Lugu 9:60

Ngaa Jeju ila-a kəne na: Ḭya̰ nje gə d-uy ar-je ꞌdubu yo lə-je, ɗaa ꞌi le aw ila mbərə ɓeko̰ lə Luba.

Jean 3:2

ꞌNe nee le, n-aw cil gə n-aw n-inga Jeju n-pa n-ar-ɛ na: Njenetɔji, ja gərə to gə ꞌto njenetɔji gə ḭ rɔ Luba gə; mba netɔjije gə, ꞌI, ꞌɗa nee le, to gə ɓo Luba nay gə dəw ang nama nj-ɛ a kasə ɗa kara be ang tɔ.

Koula 10:25

Logə Piyɛr aw andə kəy ɗaa Kɔrənəy tila kəm-e, oso nangə ngira gɔl-ɛ gə ngaɓa um məkəji.

Koula 28:31

n-ila mbərə tar ɓeko̰ lə Luba ngaɓa n-tɔji ne ɔji dɔ Mbayɓe Jeju Kirisi gə ɓəəl kara ang ngaɓa d-ɔg-ɛ ang tɔ.

Koula 4:2

Wungu to-je mba d-aw tɔji dəw mə ɓeje ne ngaɓa d-ila mbərə ce buwa yo gə lə nje gə d-uy to gə Jeju ce ne be.