Matiye 10:5 - Mbede Lə Luba Kone Gə Sigi

⁵ Nje gə dɔg gə gir-je gə joo nee le ɓa, Jeju ula-je ɗaa un ndu ar-je na: Dəwje gə to Jiibije ang le, awje ɓe lə-je ang, ɓa andə-je mə ɓeboje gə lə nje gə Samari ang.

Testament ke Siki 1960 (Kabba Laka)

⁵ Dèdè dòkou gérè djo nèn Jésus ouladè, nè mpa naredè, Abidjé ke deo lo Gentildjé kada ang, abidjé mè béh té lo Samaritaindjé kada ang.

Matiye 10:5 ပူးပေါင်းရင်းမြစ်များ

Matiye 22:3

N-ula ngan njekulaje lə-a n-ar-je ꞌɓar dəwje gə ꞌɓar-je lo ta naa gə nee le, ngaa dəwje le ꞌnjigi ɗe ang.

Matiye 4:15

Dɔ nangə gə Jabulo̰ gə dɔ nangə gə Nɛpətali, Go lo gə to mbɔr babo gə, tura man baa Jurədɛ̰ gə, Dɔ nangə gə Galile gə dəwje gə ꞌgərə Luba ang d-isi kəne;

Marəke 6:7

Be ɓa Jeju ɓar ngan njenendoje gə dɔg gə gir-je gə joo le ɗaa ula-je joo-joo, ar-je singamongə dɔ njilje gə kṵra̰y gə.

Lugu 10:1

Go-e gə ɗaa, Mbayɓe tɔr ngan njenendoje gə ɗangə dɔg siri gə gir-je gə joo, ula-je joo-joo kede mə ɓeje gə tɔ̰y gə loje tɔ̰y gə ꞌne ja n-a kaw kəne.

Lugu 10:33

Ngaa dəw gə Samari kara gə aw gə mba gə ɗe gə ɗəw gə kara nee le ja tɔ, ce dɔ dəw gə nee le. N-o-ɛ ɗaa n-o kəmtondoo lə-a.

Lugu 17:16

Cibi n-təl n-oso nangə no gɔl Jeju gə, n-dəbə kəm-e nangə no-ɛ gə, ngaɓa n-ɗ-ɛ oyo. Dəw nee le to gə dɔ nangə gə Samari.

Lugu 9:1

Jeju ɓar ngan njenendoje gə dɔg gə gir-je gə joo, ɗaa ar-je singamongə gə to gə mbangə dɔ njilje gə kṵra̰y gə nəm, gə kar d-aji ne njerɔko̰je nəm tɔ.

Lugu 9:2

N-ula-je mba kar d-ila mbərə ɔji dɔ ɓeko̰ lə Luba ngaɓa d-aji ne njerɔko̰je.

Jean 17:18

To gə ꞌI ula-m dɔ nangə gə le ɗaa, ꞌma kara m-ula-je dɔ nangə gə tɔ.

Jean 20:21

Be ɓa, Jeju pa to ɗangə ar-je ja cibi na: Ɗɛgɛgɛ nay gə si! To gə Bɔ dəwje ula-m le, ꞌma kara m-ula-si tɔ.

Jean 4:20

Ka-sijee je ꞌpolo ne dɔ mbal gə nee, ngaa sisəy ɗaa, ꞌpaje na Jerujalɛm ɓa lo polo ne to kəne.

Jean 4:5

Ye əng ngaa n-ce ɓebo gə kara be gə dɔ nangə gə Samari gə ꞌɓar-ɛ na Sysar, mbɔr ndɔ gə Jakobo ar ngon-e Jəjəb.

Jean 4:9

Jene gə Samari pa ar-ɛ na: ꞌI le, ꞌto gə Jiibi, ngaa ban ɓa ꞌdəji-m, ꞌma gə m-to gə jene gə Samari man mba kay wa? Jiibije gə dəwje gə Samari le, ta bandə lə-je uwa naa ang.

Jean 7:35

Lo-e gə əng ɗaa, Jiibije ꞌpa tar horo naa gə na: Logə ɗa ngaɓa n-a kaw gə kəne ɓa j-a kinga-a ang magə wa? N-a kaw kinga nje gə ꞌsɛ̰rɛ̰ naa horo Gərɛgəje gə mba tɔji Gərɛgəje ne wa?

Jean 8:48

Jiibije d-ila-a kəne na: Ɓar gə j-a ɓar-i dəw gə Samari, ngaɓa ja pa na njil gə kṵra̰y ɗa ɓe mə-i gə le, kudu tar lə-si arə ang ja baa kən wa?

Koula 1:8

Ngaa sisəy a kingaje singa lə Njil Njerɔsangə gə a ɗe dɔ-si gə ɗaa a toje njetar najije lə-m mə ɓe gə Jerujalɛm, gə dɔ nangə gə Jude, mə ɓe gə Samari ngaɓa saar ce ne ko̰ nangə gə njal.

Koula 10:45

Njetakagəje gə to Jiibije tɔ̰y gə ꞌɗe gə Piyɛr d-o dum dɔ-je mba dəwje gə ꞌgərə Luba ang kara d-inga nekarə baa lə Njil Njerɔsangə.

Koula 8:1

Be ɓa Sɔl njigi gə je go ꞌtɔl gə tɔl Etiyɛn le. Dɔ ndɔ-ɛ gə əng le nekəmandoo gə boy ja oso dɔ Mbo̰ naa lə njetakagəje gə d-isi Jerujalɛm ɗaa njeka̰ykulaje ja gə kar-je baa ꞌnay ngaa ꞌjejee tɔ̰y ja ꞌja̰rɛ̰ naa dɔ nangə gə Jude gə Samari.

1 Thessaloniciendjé 2:16

D-ɔgə si ɗəw kar j-a pa tar j-ar dəwje gə ꞌgərə Luba ang d-inga ne kaji ngaɓa ꞌɗaje ne neɗaje gə kṵra̰y lə-je gə kede-kede. Ngaa lo tɔl t-ɛ ɗaa wungu lə Luba ubaje nangə.