Matiye 10:41 - Mbede Lə Luba Kone Gə Sigi

⁴¹ Dəw gə uwa pajambərə gə rɔ-ɛ gə mba n-to njekula lə Luba nama nj-ɛ a kinga kuga to gə pajambərə tɔ, ngaɓa dəw gə uwa njeneɗa gə gadə-gadə gə rɔ-ɛ gə mba to dəw gə gadə-gadə nama a kinga kuga to gə njeneɗa gə gadə-gadə be tɔ.

Testament ke Siki 1960 (Kabba Laka)

⁴¹ Nè ke ntaa prophète mbata nè nto prophète, nè na kinga kouka lo prophète. Nè ke ntaa doou ke gaté gaté mbata nè nto doou ke gaté gaté, nè na kinga kouka lo doou ke gaté gaté.

Matiye 10:41 ပူးပေါင်းရင်းမြစ်များ

Matiye 16:27

Mba ꞌMa gə Ngon lə dəw m-a ɗe dan rɔnduba gə lə Bɔ-mje gə anjije lə-a, ɗaa m-a kuga dɔ ji dəwje kara kara tɔ̰y gə go kula ɗa-je.

Matiye 25:44

Be ɓa d-a təl kila kəne na: Mbayɓe ndɔ gə ɗa gə ɓa j-o-i gə ɓo ose kunda ɔr-i, ose ꞌto mba, ose aw kud-i dum, ose rɔ-i to-i, ose d-uwa-i d-ila-i kəy kula gə ɓa jeje j-a la sə-i ang wa?

Matiye 25:45

Mbay le a təl kila-je kəne na: Tɔgərɔ ja, m-pa m-ar-si, dɔ karje tɔ̰y gə ꞌɗaje neje ne ang gə dəw d-o-e ne ang horo ngan mar-ɛje kara to ꞌma ja ɓa ꞌɗaje sə-m ang kən.

Matiye 6:1

Jeju təl pa ja cibi, ꞌngomje rɔ-si dɔ neɗa gə gadə-gadə gə ꞌɗaje mba kəm dəwje, mba kar d-o ne si ja baa, be nama Bɔ-sijee gə isi dara le a kuga dɔ ji-si ang baa.

Matiye 6:18

mba kar dəwje ꞌgərə to gə ꞌtɔl mə-i ɓo ang, ngaa mba Bɔ-ije gə isi lokiya gə, be ɓa Bɔ-ije Luba gə o-i lokiya gə le, a kuga dɔ ji-i.

Matiye 6:4

Be ɓa Luba gə o ne gə ar lokiya gə le a kuga dɔ ji-i.

Matiye 6:6

Ngaa ꞌi le logə a kaw dəji Luba nama, andə kəy lə-i, kudu ta ɗəw ta-i gə bugum, ngaɓa dəji bɔ-ije Luba lokiya gə, ɗaa bɔ-ije gə to nje ko neje lokiya gə le a kuga dɔ ji-i.

Matiye 7:8

Mba dəw gə dəji ne ɗaa d-ar-ɛ, dəw gə sangə ne ɗaa inga, ngaɓa dəw gə unda ta kəy ɗaa d-ɔr d-ar-ɛ.

Koula 16:15

Logə ꞌɗ-ɛ batɛm gə njeməkəyje lə-a ɗaa n-ɗa-si kɔgərɔ na: To gə ɓo o-mje gə njetakagə Mbayɓe to gə tɔgərɔ nama ꞌɗe andəje kəy lə-m isije kəne. Ɗaa n-ɗa n-ar j-a njigi go-e.

Romaindjé 16:23

Gayus gə to njekəy mba lə-m ngaɓa to nje kar Mbo̰ naa lə Njetakagəje tɔ̰y le, na m-o-si m-ar ꞌne tɔ. Erasətə gə to njengom nekinga lə ɓebo kara na m-o-si m-ar ꞌne ngaɓa ngon ko̰-si Karətus kara nəm tɔ.

1 Corinthiendjé 9:17

To gə ɓo to kula gə ꞌma ja m-ɗa gə mə njigi lə-m nama kuga-a a ga̰; ngaa ɓo d-uwa-m gə singa nama to kula gə d-um ji-m gə gə kum.

Ebərəje 6:10

Mba Luba to njebuguru ɓa m-e a kuy dɔ kula ɗa si ang nəm, gə nuji gə uwaje gə ri-a ɗəw məmay gə ꞌɗaje gə njerɔsangəje ngaɓa aw ꞌɗaje saar ɓisine.

2 Jean 1:8

Undaje kəm karə dɔ rɔ-si mba kar kandə kula lə-si tuji ang, ngaa mba kinga ne dɔ ji gə maj-ɛ.