Matiye 10:22 - Mbede Lə Luba Kone Gə Sigi

²² Dəwje tɔ̰y d-a njigi-si ang gə kɔrɔ ja mba tar lə-m; ngaa dəw gə uwa gədərə saar ce ɗud-e gə ɓa a kinga kaji.

Testament ke Siki 1960 (Kabba Laka)

²² Dooudjé toï a mbetésè mbata rim ndja, a nè ke nwaa are ngeng sar ndò té ke goukou, nè na kinga kadji.

Matiye 10:22 ပူးပေါင်းရင်းမြစ်များ

Matiye 10:39

Dəw gə ngom təbə lə-a nama a kila-a kɔrɔ, ngaa dəw gə ila təbə lə-a kɔrɔ mba-m nama a təl kinga-a.

Matiye 24:13

Ngaa dəw gə uwa gədərə saar ce ɗud-e gə ɓa a kinga kaji.

Matiye 24:9

Be ɓa d-a kun dɔ-si kar d-a kuwa-si kula kəm-si ndoo, gə d-a tɔl si nəm ngaɓa gəl kujije tɔ̰y d-a njigi-si ang gə kɔrɔ mba tar lə-m.

Matiye 5:11

A to-je njenokarəje, lo gə d-a taji si, d-a kula kəm-si ndoo gə d-a pa gə si tarje gə kṵra̰y dang-dang mba tar lə-m.

Marəke 13:13

Dəwje tɔ̰y d-a njigi-si ang gə kɔrɔ ja mba tar lə-m; ngaa dəw gə uwa gədərə saar ce ɗud-e gə ɓa a kinga kaji.

Lugu 21:17

Dəwje tɔ̰y d-a njigi-si ang gə kɔrɔ mba tar lə-m.

Lugu 21:19

Uwaje gədərə ɓa a kingaje təbə ɓi.

Lugu 6:22

A toje njenokarəje, logə dəwje d-a njigi-si ang gə kɔrɔ, ngaɓa logə d-a tɔbə-si, d-a taji si cibi d-a tuji ri-si mba tar lə ꞌma gə Ngon lə dəw.

Lugu 8:15

Kandə kər gə um dɔ nangə gə may gə le to dəwje gə ꞌta tar gə mə gə may gə to dana gadə. ꞌNgom nəm, d-ila ngon kuji dɔ-ɛ gə d-ar kand-e to.

Jean 17:14

M-pa tar lə-i m-ar-je ɗaa dɔ nangə njigi-je ang gə kɔrɔ mba ꞌtoje gə dɔ nangə gə nee ang ɗəw kara baa to gə ꞌma kara m-to gə dɔ nangə gə nee ang tɔ.

Jean 7:7

Dəwje d-a kasə ndɔɔl-si ang; ngaa ꞌma ɗaa ꞌndɔɔl-m mba m-ɗa tar naji lə-je to gə kula ɗa-je kṵra̰y.

Koula 9:16

ɗaa m-a tɔj-ɛ ne ꞌməsərə gə ɗa-ɗa gə n-a ko mba ri-m.

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

2 Corinthiendjé 4:11

Mba sijee gə j-isi kəm baa le, j-a to ta yo gə gə ndɔje tɔ̰y mba Jeju, mba kar kisi kəm baa lə Jeju kila rɔ-ɛ gə ɗaga darɔ-si gə a kuy.

Galatedjé 6:9

May kar-si j-ɔrəje dɔ neɗa gə may gə ang; mba dɔ kar-ɛ asə nama j-a kunjaje kand-e to gə ɓo j-ar njang dɔ-ɛ gə.

Ebərəje 3:14

Mba sijee le j-a to njeba-ɛje lə Kirisi, to gə ɓo j-ar njang dɔ məkunda gə lə-si gə dɔngɔr,

Ebərəje 6:11

Ngaa sijee j-a njigi ya̰ mba kar na-na kara uwa gədərə dɔ kula gə nee le, mba kar ne kunda mə lə-a ɔr ne sṵra̰ njal,

Jacques 1:12

Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.

1 Jean 3:13

Ngan ko̰-mje, to gə ɓo dɔ nangə nee njigi-si ang gə kɔrɔ nama, oje gə ne gə sigi ang.

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.

Apocalypse 2:17

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama m-a kar-ɛ muru misi gə to nekusa gə ḭ dara gə to lo kiya gə, m-a kar-ɛ kɔr ər gə nda; ɗaa kɔr ər gə nee le, ꞌɗa ri gə sigi kəne kara, gə dəw kara kara gərə ang, ngaa nj-ɛ gə ta ja baa ɓa.

Apocalypse 2:26

Dəw gə cɛɗə ɗɔ, ye gə ngom kula ɗaje lə-m saar ɔr sṵra̰ nama, m-a kar-ɛ singamongə ko̰ dɔ gəl kuji dəwje.

Apocalypse 2:3

ꞌI uwa gədərə ngaɓa o ꞌməsərə mba ri-m ɗaa mə-i ila kasə ang.

Apocalypse 2:7

Dəw gə mbi-a ga̰ nama, may kar-ɛ o ne tar gə Njil pa ar mbo̰ naaje lə njetakagəje nee. Dəw gə cɛdə ɗɔ nama, m-a kar-ɛ kandə kagə kaw kəm baa gə to mə ɓe rɔləl gə lə Luba gə dara usa.

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.