Matiye 10:1 - Mbede Lə Luba Kone Gə Sigi

¹ Cibi Jeju ɓar ngan njenendoje lə-a gə dɔg gə gir-je gə joo, ar-je singamongə mba kar ꞌtɔbə ne njilje gə kṵra̰y gə d-aji ne njerɔko̰je gə njeməndəje nəm tɔ.

Testament ke Siki 1960 (Kabba Laka)

¹ Jésus bar ndjè kao gè tédjé dòkou gérè djo dé rè té. Nè naredè tè ta kare ntouba ndildjé ke madjang, ke ta kòrou rè too toï, ke ta da rè dooudjé karedè ndé madji toï.

Matiye 10:1 ပူးပေါင်းရင်းမြစ်များ

Matiye 19:28

Jeju ila-je kəne na: Tɔgərɔ, m-pa m-ar-si, ndɔ gə ꞌma gə Ngon lə dəw m-a kisi dɔ ngəndəng mbay rɔnduba gə lə-m dɔ kar gə neje tɔ̰y d-a təl to gə sigi le, sisəy gə unje go-m le, a kisije dɔ ngəndəngje gə dɔg gə gir-e gə joo mba gangə tar dɔ gəl kuji Ijirayɛlje gə dɔg gə gir-e gə joo.

Matiye 26:20

Kar kumatagə ɗaa, n-isi ta ka nekusa gə gə ngan njenendoje gə dɔg gə gir-je gə joo.

Matiye 26:47

Logə n-aw n-pa tar t-ɛ gə baa ɓi ja ɗaa, Judas gə to kara lə ngan njenendoje gə dɔg gə gir-je gə joo le, ce pɔɔ gə bula bo dəwje gə d-uwa kiya bay gə ngal gə guruje ji-je gə. Buba njekapoloje gə buba ɓeje ɓa d-ula-je

Matiye 4:23

Jeju nja dɔ nangə gə Galile tɔ̰y, tɔji dəwje ne mə kəy nendoje gə lə Jiibije, ngaɓa ila mbərə Tar gə May ɔji dɔ ɓeko̰ nəm, aji njerɔko̰je ɓədə-ɓədə gə njeməndəje ɓədə-ɓədə horo dəw mə ɓeje nəm tɔ.

Matiye 6:13

ꞌTa-si ji Njekṵra̰y gə, ɓo iya̰ si ar j-oso dan nekərə gə ang. Mba ꞌi ja ɓa ɓeko̰, gə singamongə gə rɔnduba, To kar-i gə ɓal-ɓal, saar gə no. Oyo!

Matiye 9:35

Jeju nja gə ɓeboje tɔ̰y gə ngan ɓeje, tɔji dəwje ne kəy nendoje gə, ila mbərə Tar gə May gə ɔji dɔ ɓeko̰ nəm ɓa, aji njerɔko̰je ɓədə-ɓədə gə njeməndəje ɓədə-ɓədə nəm tɔ.

Matiye 9:38

May kar-si ꞌdəjije Mbayɓe ar-ɛje ula njekunja koje mə ndɔɔ gə.

Lugu 10:19

Oje, m-ar-si singa mba kar ꞌnjaje dɔ lije je gə gə ḭje, ngaɓa a dumje singamongə lə njeba̰a̰, cibi ne kara kara a ɗa si ang.

Lugu 21:15

Mba ꞌma ja m-a kar-si tar gə a paje gə kəm karə gə dəw kara horo nje kəm tarje gə lə-si a kasə mba cila ne kəm tar lə-si ose gə mba kar ne gədərə no-si gə ang.

Lugu 24:49

Ɗaa, oje, ne gə Bɔy uwa dɔ gɔl-ɛ ɔji dɔ-si le, m-a kula-a dɔ-si gə. Sisəy ɗaa, isije mə ɓe gə nee saar mba kar singamongə gə ḭ taar dəbə dɔ-si gə.

Lugu 6:13

Logə lo ar ɗaa, n-mbərə ngan njenendoje lə-a. ꞌTɔrə-je dɔg gə gir-je gə joo, cibi n-unda ri dɔ-je na njeka̰ykulaje.

Jean 17:2

To gə ꞌI ar-ɛ singamongə ko̰ dɔ dəwje gə tɔ̰y le ɗaa, dəwje tɔ̰y gə um-je mə ji-a gə le, n-ar-je təbə gə to gə ndɔ gə ndɔ le tɔ.

Jean 3:27

Ja̰ təl ila-je kəne na: To gə ɓo dara ar dəw ne ang nama, nj-ɛ a kasə kinga ne kara be gə dɔ rɔ-ɛ baa ang.

Jean 3:35

Luba gə Bɔ le njigi Ngon-e ya̰ ngaɓa ḭya̰ neje tɔ̰y mə ji-a gə.

Jean 6:70

Jeju ila-je kəne na: Sisəy gə dɔg gə gir-si gə joo le, ꞌma ja ɓa m-mbərə-si ang wa? Ngaa dəw kara horo-si gə to ꞌSɛ̰ngərɛ̰.

Koula 1:8

Ngaa sisəy a kingaje singa lə Njil Njerɔsangə gə a ɗe dɔ-si gə ɗaa a toje njetar najije lə-m mə ɓe gə Jerujalɛm, gə dɔ nangə gə Jude, mə ɓe gə Samari ngaɓa saar ce ne ko̰ nangə gə njal.

Koula 19:15

Be ɓa njil gə kṵra̰y le ila-je kəne na: M-gərə Jeju ngaɓa m-gərə Pɔl gə maj-ɛ ngaa sisəy ꞌtoje naje wa?

Apocalypse 12:1

Netɔji gə boy kara ce mə dara gə: jene kara, kar dəb-e guburu, nay to gəl gɔl-ɛ gə nangə, ngaɓa jɔgə gə to gə ndɛ̰ndərɛ̰ndɛ̰je dɔg gə gir-e gə joo to dɔ-ɛ.